Éksondo̱ 12:11 - Xo̱jo̱n eén Néná

¹¹ Ka̱májín kjo̱a̱ꞌátjó chií kui cho̱o̱ tsi̱ꞌe̱ nga nga kamángindyiojón skji̱ni̱e̱, ngatꞌa̱ kjiꞌá boá sꞌué paskuaa̱, kui xi niꞌán nga nganda tsa̱ꞌa̱n, cho̱ xi kꞌo̱ngii̱ chjiéngá ngatꞌítí.

Éksondo̱ 12:11 ပူးပေါင်းရင်းမြစ်များ

Éksondo̱ 12:13

Ta̱nga jún xi xota̱ Israee̱l, chjiénjín nga ko̱nda̱konjnú, kui jín xí ko̱nangijónjnú yaá nga̱ntjo̱a̱a̱ ndiꞌajnú, kuí boá xi chi̱bo̱a̱ ka̱mana. Kó nga skuie an kui jiín nga kjo̱a̱ꞌa an, jmí ni sa̱ꞌínjo̱jín an ndí xíꞌín xi tjónjnú, ta̱sá ta̱ kjo̱a̱ꞌa ndojó tsi an.

Éksondo̱ 12:21

Kó Moisee̱ ítikó ngayeje xota̱ ngito̱ko̱o̱ xota̱ Israee̱l, kó bi̱ katsoó: «Nga ngo nga ngojnú tangínchja̱ꞌájinjnú ngo ndií cho̱tsa̱nga̱ xki̱ ngo xtín xota̱ ndiꞌa, kó ti̱ꞌankꞌiènjnú tsi̱ꞌe̱ sꞌué paskuaa̱.

Éksondo̱ 12:27

bi̱ tꞌínjnúu̱: “Kui nichiniee̱, kuí boá xi sꞌué paskuaa̱ xi niꞌán nganda tsi̱ꞌe̱ Néná. Kó niꞌánkjaꞌátsjien kjiꞌanga jaꞌajin nangi Ejipto̱ nga katsꞌénkꞌién ndí xíꞌín xi tjoón kui xotaa̱, ta̱nga jaꞌa ndojó ndiꞌaa̱ xota̱ Israee̱l, kó katsꞌénkꞌiénjínjne̱ ji̱n”». Ngije kamaá Moisee̱ nga tsíchji̱a̱jo ngayeje xota̱ Israee̱l, kui xotaa̱ asiéntikoó, kó katsꞌéndikón Néná,

Éksondo̱ 12:43

Kó Néná bi̱ katsoó Moisee̱ ko̱jo Aaroo̱n: «Kjiꞌanga si̱ꞌánjnú sꞌué paskuaa̱, kuí bí kjo̱a̱botíxoma xi kongintjingíjnú: »Ngojín xota̱ xi xín nangi xi tsꞌénxájoo̱ ji, xi ka̱ma skji̱ni̱e̱ ndií cho̱tsa̱nga̱ xi si̱ꞌankꞌien nga ka̱ma kui sꞌueé. »Ta̱kuítsí xi ka̱ma skji̱ni̱e̱ kui moso̱ xi stiñá xi to̱o̱n xota̱ Israee̱l kitsꞌítsieni, ta̱nga ngototo tsi je kiniꞌaán sirkunsisioo̱n. »Kó ti̱ ka̱ma skji̱ni̱e̱ kui ndií cho̱tsa̱nga̱a̱ kui xota̱ xi xín nangi, xi ki̱a̱ síndojo̱jnú, ta̱nga ngototo tsi ngayeje jáxíꞌín xi chji̱a̱ni ndiꞌaa̱ xi je katsꞌeén sirkunsisioo̱n yojoo̱ nga. Bo̱a̱ tsí tsꞌén nga ko̱jo kui xi xota̱ na̱xi̱ńdá Israee̱l ka̱ma nga, kó ka̱ma sa̱ꞌín sꞌué paskuaa̱ nga. »Ngojín xota̱ xi jmíjiín sirkunsisioo̱n xi ka̱ma skji̱ni̱e̱ nichiniee̱ kui sꞌueé. »Ndií cho̱tsa̱nga̱a̱ chjiéngá ngi̱ya ndiꞌa xi̱ni̱e̱. Ndi̱tsen jàn nde chií yojoo̱ kui cho̱o̱ ka̱májín kjo̱tjo. Ti̱nde ka̱májín chjátꞌó ńdaa̱ ndií cho̱tsa̱nga̱a̱. »Kuí bí kui kjo̱a̱kitii̱ xi chjiéngá sa̱ꞌínkjatjosón xota̱ Israee̱l ko̱jo xota̱ xi xín nangi chji̱a̱ni xi síndo kui na̱xi̱ńdaá».

Lebitiko̱ 23:5

»Chjiéngá si̱ꞌánjnú sꞌué paskuaa̱ nga kjimajñoó ni̱xtjin tienijoón sá xí ꞌmí Abii̱b.

Xki̱ 28:16

»Ni̱xtjin tienijoón sá xí ꞌmí Abii̱b xki̱ nó, ku̱i̱ꞌítsꞌi̱yani nga ka̱ma sꞌué Paskuaa̱ nganda tsa̱ꞌa̱n, kó ngo xomana̱ kꞌo̱ndíyaá. Ni̱xtjin tjoón ko̱jo ni̱xtjin xi fetꞌanii̱ kui sꞌueé jmíjín xi sa̱ꞌínxá, ta̱sá ngatamatikó tsi̱ꞌe̱ nga an sa̱ꞌíndikónna. Ni̱xtjin xi ma joó kui sꞌueé, chjiéngá skji̱ni̱e̱ pan xi jmí nisanjiín. »Nga yito ni̱xtjin nga ma kui sꞌueé, chjiéngá sa̱ꞌínkꞌién ko̱jo ku̱i̱ꞌítí nganda tsa̱ꞌa̱n jó cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. Kó ti̱ chjiéngá sa̱ꞌínkꞌasꞌienna kjo̱a̱tjó xi niꞌánkꞌasꞌien ndyiojón ndyiojón nga. »Nga ngo nga ngo kui cho̱yojo toro̱ xi sa̱ꞌínkꞌasꞌienna, chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Xki̱ 9:1

Jè má jaꞌa ngo nó nga je jatjoni nangi Ejipto̱ xota̱ Israee̱l, kjiꞌanga Néná tsíchji̱a̱jo Moisee̱, ki̱a̱ nangi kixií na̱xi̱ Sinaii̱, kó Néná bi̱ katsoó:

Rkaa̱ 12:35

Tꞌíjñandajnú yojojnú, kó tꞌítí síkijíjnú ndiꞌíjnú,

Rkaa̱ 15:22

Ta̱nga na̱ꞌmii̱, bi̱ katsoó mosoo̱: “ꞌNa̱xiéjnú ngo ńjño xi tsjakjiꞌi, kó ti̱ꞌankajájnú ndína, kó tꞌíyájnúu̱ ngo sti̱ngaro tsja, ko̱jo tjayàjnúu̱ tji̱xíndié.

Rkaa̱ 2:41

Kó xi xchaá Kjisoo̱, xki̱ nó xki̱ nó fí sꞌué paskua̱ xi fotjo na̱xi̱ńdáꞌniú Jerusale̱n.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

1 Xota̱ Korinto̱ 5:7

Kó kuíni nga chje̱ꞌéxínjnú kui jeé, ngatꞌa̱ kui jeé tsꞌénkjátsónjnú jún. Kuí xí xikoó nisan xi mindyiakátjo̱ nda̱ꞌyo̱paa̱n, kó ta̱sá xikoó tsi nda̱ꞌyo̱ tja̱tsi̱e̱ ngatamajnú, kui xi niꞌánkjién nga manda pan xi chinie ni̱xtjii̱n sꞌué paskuaa̱, nda̱ꞌyo̱ xi tja̱tsi̱e̱ xi jmíjiín nisan xchá. Ja̱koxi̱ nga jún xi bo̱a̱ kónjnú ngotꞌe̱, ngatꞌa̱ Kristoo̱ kuí xí cho̱tsa̱nga̱a̱ sꞌué paskua̱ná kui xi kiniꞌánkꞌién nganda tsa̱ñá.

Xota̱ Éfeso̱ 6:15

Ti̱ndyiondajnú nga kꞌuiníjmi̱jnú éntjatsi̱e̱e̱ kjo̱a̱xioó xikoó tsi kui xi ngatamajnú ndié xí boyá ngo nda̱jun.

Ndeuteronomio̱ 16:1

Moisee̱ bi̱ katsó ngasee̱ xota̱ na̱xi̱ńdaá: «Sá Abii̱b boá nga si̱ꞌánjnú sꞌué paskuaa̱ nganda tsi̱ꞌe̱ Néná. Ngatjaꞌátsjienjnú nga ngo má ni̱xtji̱e̱e̱n sá Abii̱b nga Néná katsꞌéndéjnú ki̱a̱ nangi Ejipto̱.

1 Xo̱jo̱o̱n Peé 1:13

Kuíni nga ti̱ndyiondajnú nga kꞌuiéjnú kjo̱a̱kjínkón, kó nda ti̱ꞌankjójnú ni xi si̱ꞌánjnú, kó chiyá ndo̱jò ndójo̱jnúu̱ kjo̱a̱nda xi kjo̱e̱ꞌéjo̱jnú kjiꞌanga ko̱kó yojoo̱ Jesukristoo̱.