Éksondo̱ 12:1 - Xo̱jo̱n eén Néná

¹ Kjiꞌanga to̱kó síndora nangi Ejipto̱ Moisee̱ ko̱jo Aaroo̱n, Néná bi̱ katsoó:

Éksondo̱ 12:1 ပူးပေါင်းရင်းမြစ်များ

Jenesii̱s 20:7

Ta̱nga ngotꞌe̱ ꞌne̱, te̱ꞌéꞌoyé nginíi̱ chjo̱ón kui ndaa̱, ngatꞌa̱ nda̱ chji̱ni̱e̱ꞌénna boá, kó kuí boá xi ku̱i̱ꞌatjeé jí tsi̱ꞌe̱ nga ku̱i̱ndyinra ji nga̱sondie. Kó tsi bo̱a̱jín si̱ꞌin, ja̱koxi̱ nga ko̱yè jí, ko̱jo ngayeje xota̱ tse̱.

Éksondo̱ 11:10

Kó Moisee̱ ko̱jo Aaroo̱n ngindyi̱ko̱n nda̱ ree̱ katsꞌén ngayeje kui chi̱bo̱a̱ ko̱jo kjo̱a̱ndikón xi katsoó Néná nga sa̱ꞌín, ta̱nga nda̱ ree̱ achichí tajá katsꞌénra ini̱ma̱a̱, kó katsjandièjiín xota̱ Israee̱l nga kjo̱tjoni nangi Ejipto̱.

Éksondo̱ 11:2

Tꞌen ji kó ndokjo̱e̱je ji xota̱ Israee̱l, xi chjo̱on xí xi̱ꞌin, tsi̱ꞌe̱ nga kꞌuíndonda nga je kjo̱tjo, kó ngatíꞌaá xota̱ tꞌa ndiꞌaa̱ ni to̱ntiboa ko̱jo ni to̱nsinié xi tjiín».

Éksondo̱ 12:2

«Kui saá, kuí boá xi sá tjoón kui noó ka̱majnú jún, kó kuí boá xi ꞌniú ndikón ngase.

Éksondo̱ 14:1

Jaskan Néná tsíchji̱a̱jo Moisee̱, nga bi̱ katsoó:

Éksondo̱ 40:2

«Chjiéngá ni̱xtjin tjoón sá xi ꞌmí Abii̱b chjanínkꞌé ji ndiꞌandikoón. Kó ki̱a̱ boá nínga ka̱matikójo̱na xota̱ na̱xi̱ńdá Israee̱l.

Xki̱ 28:16

»Ni̱xtjin tienijoón sá xí ꞌmí Abii̱b xki̱ nó, ku̱i̱ꞌítsꞌi̱yani nga ka̱ma sꞌué Paskuaa̱ nganda tsa̱ꞌa̱n, kó ngo xomana̱ kꞌo̱ndíyaá. Ni̱xtjin tjoón ko̱jo ni̱xtjin xi fetꞌanii̱ kui sꞌueé jmíjín xi sa̱ꞌínxá, ta̱sá ngatamatikó tsi̱ꞌe̱ nga an sa̱ꞌíndikónna. Ni̱xtjin xi ma joó kui sꞌueé, chjiéngá skji̱ni̱e̱ pan xi jmí nisanjiín. »Nga yito ni̱xtjin nga ma kui sꞌueé, chjiéngá sa̱ꞌínkꞌién ko̱jo ku̱i̱ꞌítí nganda tsa̱ꞌa̱n jó cho̱yojo toro̱, ngo cho̱tsa̱nga̱ xi jaꞌatji ndi̱ja̱a̱, ko̱jo yito ndií cho̱tsa̱nga̱ xi ngo noó xi ndakón. Kó ti̱ chjiéngá sa̱ꞌínkꞌasꞌienna kjo̱a̱tjó xi niꞌánkꞌasꞌien ndyiojón ndyiojón nga. »Nga ngo nga ngo kui cho̱yojo toro̱ xi sa̱ꞌínkꞌasꞌienna, chjiéngá nijan sa̱ꞌínkꞌasꞌienna jun kilo̱ ndso̱ko̱a̱n ṉño̱pan xi nda ngasee̱ xi je kiniꞌánda̱ꞌyo̱ni isti̱, kó kui cho̱tsa̱nga̱ xi jaꞌatji ndi̱ja̱a̱ nijan sa̱ꞌínkꞌasꞌienna nijón kilo̱ ndso̱ko̱a̱n ṉño̱pan, kó nga ngo nga ngo kui ndií cho̱tsa̱nga̱a̱ nijan sa̱ꞌínkꞌasꞌienna jó kilo̱ ndso̱ko̱a̱n ṉño̱pan. »Kó ti̱ sa̱ꞌínkꞌasꞌienna ngo kjo̱a̱tjó xi ngo tindso̱ nga, tsi̱ꞌe̱ nga an, kui xi Nee̱ kui xotaa̱, sa̱ꞌinjetakóo̱n jeé. Bo̱a̱ tsꞌén nga tsja mana nga niꞌánkꞌasꞌienna kui kjo̱a̱tjoó.

Xki̱ 9:2

«Xota̱ Israee̱l chjiéngá sa̱ꞌín sꞌué paskuaa̱, kó nga kamángixoón ni̱xtjin tienijoón sá xí ꞌmí Abii̱b ku̱i̱ꞌítsꞌi̱yanii̱ nga sa̱ꞌín, xikótsꞌèn je akoyájnúꞌun».

Xki̱ 9:5

Kó xota̱ Israee̱l katsꞌén kui sꞌueé ki̱a̱ nangi kixií na̱xi̱ Sinaii̱, nga kamángixoón ni̱xtjin tienijoón, xikó má tsꞌén atíxomaa̱ Néná Moisee̱ nga tsíchji̱a̱jo.

Markoo̱ 14:1

Jó ni̱xtjin ngindiee̱ nga ka̱ma sꞌué paskuaa̱, ko̱jo sꞌueé pan xi jmí nisan mindyiajiín. Já ngito̱ko̱o̱ chináꞌmii̱ ko̱jo já chji̱ni̱e̱kjo̱a̱kitii̱, tsangasee̱ kótsꞌèn stso̱ba̱ Kjisoo̱ nga ku̱i̱ꞌíndisotaꞌin tsi̱ꞌe̱ nga sa̱ꞌínkꞌién.

Rkaa̱ 22:1

Ngije ma kjachó ni̱xtjii̱n sꞌueé pan xi jmí nisanjiín, xi ꞌmí sꞌué paskuaa̱.

Ni xi kamá 12:4

Kó ngije katsoboá, katsangisꞌien ndo̱bo̱a̱yà, kó nijón tjín jájún askondá, xi xki̱ nijón ndyi̱yaꞌa yojoo̱ nga ngo tjín, kó katsꞌénkjó kuí nda̱ re Erondee̱ nga ngije jaꞌa sꞌué paskuaa̱ sa̱ꞌínjeé Peé ngindyi̱ko̱n xota̱ na̱xi̱ńdaá.