Éksondo̱ 11:7 - Xo̱jo̱n eén Néná

⁷ Kó tsi̱ꞌe̱ nga xcha̱jnú nga Néná boá xi bokó ꞌyání xi xota̱ Israee̱l ko̱jo ꞌyání xi xota̱ Ejiptoo̱. Ngojín xota̱ Israee̱l xi ko̱yà ndí xíꞌín xi tjoón, ti̱nde ngojín cho̱ tjié xi tjiín xi ko̱yà ndí tjoón nga, ngaskande nde ngo ńñá skja̱ndáyàjínjne̱.

Éksondo̱ 11:7 ပူးပေါင်းရင်းမြစ်များ

Joo̱b 5:16

ngatꞌa̱ kuí boá xi tsjaá kjo̱a̱chiyá xota̱ xi ni̱ma̱a̱, ta̱nga xota̱ xi ꞌniú ndajiín bókjo tsꞌoa.

Xo̱jo̱n Salmoo̱ 7:12

Tsi sa̱ꞌínkꞌoyàjín yojoo̱ kui xotaa̱, Néná sa̱ꞌínyojó ki̱cha̱ndojoó, kó ku̱i̱ꞌíjñanda yáchjonyáa̱, tsi̱ꞌe̱ nga skji̱ní yáyojoó.

Éksondo̱ 10:23

Achichí ꞌniú kisꞌiejñó nga ngaskande nde ngojín xota̱ Ejiptoo̱ xi kamábe ngase kje̱n xkjín, ti̱nde ngiti̱ kamájín tjín nínga kijí ngase ngatꞌa̱ ta̱soboá kastingí. Ta̱nga ngayeje ndiꞌa nínga kisꞌińdo xota̱ Israee̱l tsijen kamá.

Éksondo̱ 7:22

Kó bo̱a̱ kamá xikó má katsó Néná, achichí tajá kamá ini̱ma̱a̱ nda̱ ree̱. Kó nga já tjiꞌe xi tjín nangi Ejipto̱ ti̱ jín katsꞌén ndáfoaa̱ nga, kó tsintꞌiéꞌénjiín Aaroo̱n ko̱jo Moisee̱. Kó nda̱ ree̱ kijí nginí ndiꞌaa̱.

Éksondo̱ 8:19

kuíni nga já tjiꞌee̱ kijíkoón nda̱ ree̱ kó bi̱ katsoó: «¡Néná boá xi tjítsꞌén ngayeje kui nii̱!» Ingo ndi̱yà nginí kamá kui nii̱ xikó má katsó Néná, kó nda̱ ree̱ katsꞌéntajá nginí ini̱ma̱a̱, kó katsꞌénsénjiín ni xi katsó Moisee̱ ko̱jo Aaroo̱n.

Éksondo̱ 8:22

Ta̱nga jmí chisien sangiyajín an nangi Ngosee̱n, nínga síndo xota̱ na̱xi̱ńdána, kui chisiee̱n xota̱ Ejiptoo̱ boá xi sa̱ꞌínxtií, ta̱nga jmí ni sa̱ꞌínjo̱jín xota̱ Israee̱l. Ti̱ ndyiojónní nga sa̱ꞌin an kui nii̱. Kó bo̱a̱ tsꞌén nga nda̱ ree̱ nangi Ejipto̱ sku̱i̱e̱ nga Nee̱ xota̱ Israee̱l ki̱a̱ tikón nangii̱».

Éksondo̱ 9:26

kó xka̱a̱ linoo̱ ko̱jo xka̱a̱ sebandaa̱ jatson ngayejee̱, ngatꞌa̱ linoo̱ jè má tjiín naxó kui ni̱xtjin nga bo̱a̱ kamaá, kó sebandaa̱ jè má tjitjó ńtiín. Ta̱ ngototo to ndso̱ko̱a̱n ṉño̱paa̱n ko̱jo sentenoo̱ xi jmí ni kamájiín, ngatꞌa̱ ngi̱chí sájín ma to. Ta̱nga nangi Ngosee̱n nínga síndo xota̱ Israee̱l nde ngo ndókoá tsꞌákajín ki̱a̱. Kuíni nga nda̱ ree̱ nangi Ejipto̱ tsíchji̱a̱a̱ Moisee̱ ko̱jo Aaroo̱n kó bi̱ katsoó: —Be an nga ndajín katsꞌen an ngotꞌe̱. Ji̱n boá xi konnijne̱, jmí tsi Néná, kó kuíni nga bo̱a̱ tꞌínjnúu̱ nga jè tsjandièe̱ nga kjo̱tjo xota̱ Israee̱l. ¡Jè ngiti̱ chikjo̱a̱jínjne̱ kui ndókoaá ko̱jo kui cho̱ꞌo̱o̱n! Kó Moisee̱ bi̱ katsoó nda̱ ree̱: —Koko máraa̱ ji nda̱ re, nga Nejne̱ kuí boá xi tsi̱ꞌe̱ ngayeje tꞌanangii̱. Ta̱ niꞌin kjo̱tjo an kui na̱xi̱ńdáꞌniuú, kuichjiájo an Nejne̱, kó ngiti̱ jmí cho̱ꞌo̱n ko̱jo kó ngiti̱ jmí ndókoá ku̱i̱xo̱jín ngase. Sa̱ꞌin an kui nii̱ ndatsi ji ko̱jo xota̱ xi mosoo̱ nde bendikónjín Nejne̱.

Éksondo̱ 9:4

Ta̱nga cho̱ tji̱e̱é xota̱ Israee̱l jmí ni sa̱ꞌínjo̱jín an, kuíni nga nde ngojín cho̱o̱ xi kju̱i̱e̱són.

1 Xota̱ Korinto̱ 4:7

Ngatꞌa̱, ꞌyá xí bo̱a̱ tjítsó nga nda ngase ji xota̱. Kó mí ni xi tjiín jí xi Nénájín xi katsjaá. Kó tsi Néná xí katsjaá, míkjo̱a̱a̱ nga je tiꞌnaxié ji yojòo̱, xikoó tsi ji kasako so̱bo̱a̱a̱ kui nii̱.