Éksondo̱ 11:10 - Xo̱jo̱n eén Néná

¹⁰ Kó Moisee̱ ko̱jo Aaroo̱n ngindyi̱ko̱n nda̱ ree̱ katsꞌén ngayeje kui chi̱bo̱a̱ ko̱jo kjo̱a̱ndikón xi katsoó Néná nga sa̱ꞌín, ta̱nga nda̱ ree̱ achichí tajá katsꞌénra ini̱ma̱a̱, kó katsjandièjiín xota̱ Israee̱l nga kjo̱tjoni nangi Ejipto̱.

Éksondo̱ 11:10 ပူးပေါင်းရင်းမြစ်များ

Joo̱b 9:4

Achichí tsie kjo̱a̱kjíntakón ko̱jo ngaꞌniú xí tjiín, ꞌyá xí ka̱maa̱ nga ku̱i̱ꞌítikjájo̱ Néná, sꞌe̱ skoyaá nga kui xi sa̱ꞌín.

Éksondo̱ 10:20

Ta̱nga Néná ti̱ katsꞌéntajá nginí ini̱ma̱a̱ nda̱ ree̱ tsi̱ꞌe̱ nga katsjandièjiín nga kjo̱tjo xota̱ Israee̱l.

Éksondo̱ 10:27

Ingo ndi̱yà nginí nga Néná katsꞌéntajá ini̱ma̱a̱ nda̱ ree̱, kó katsjandièjiín nga kjo̱tjo xota̱ Israee̱l.

Éksondo̱ 12:1

Kjiꞌanga to̱kó síndora nangi Ejipto̱ Moisee̱ ko̱jo Aaroo̱n, Néná bi̱ katsoó:

Éksondo̱ 3:19

»Jè be an nga nda̱ ree̱ nangi Ejiptoo̱ tsja̱ndièjín nga kjo̱tjojnú kui ngi̱ndiee̱, ta̱nga án boá xi sa̱ꞌìi̱n kjo̱a̱ꞌniú.

Éksondo̱ 4:21

Néná ja̱bo̱a̱ jè bi̱ katsoó Moisee̱: «Ngije kjóchí ji nangi Ejipto̱, ti̱ꞌin ji ngindyi̱ko̱n nda̱ ree̱ ngayeje kjo̱a̱ndikón xí kixiaan nga si̱ꞌin ji nga si̱ꞌinkjìn jí yánísiée̱. Án boá xi sa̱ꞌintajá án ini̱ma̱a̱ nda̱ ree̱ tsi̱ꞌe̱ nga sa̱ꞌínkjatjójín xota̱ na̱xi̱ńdaá.

Éksondo̱ 7:3

Sa̱ꞌínsénjínjnú nda̱ ree̱, kó tsja̱ndièjín nga kjo̱tjojnú, ngatꞌa̱ ti̱ ánní bo̱a̱ xi sa̱ꞌintajá án ini̱ma̱a̱. Ta̱nga kjín chi̱bo̱a̱ ko̱jo kjo̱a̱ndikón sa̱ꞌin an ki̱a̱ nangi Ejipto̱, kó jaskan sa̱ꞌínkjatjójnú ngijee̱. Ngayeje ngaꞌniúna sa̱ꞌinkjièn án nga sa̱ꞌinjée̱ xota̱ Ejiptoo̱, ¡kó án xí sa̱ꞌin an nga kixi̱ ka̱masee̱n ko̱jo nga kꞌoxié an xota̱ Israee̱l, kui xi xota̱ na̱xi̱ńdána, kó xikoó tsi jájún ka̱ma nga kjo̱tjoni kui nangii̱! ¡Kó kui xota̱ Ejiptoo̱ sku̱i̱e̱ nga án boá xi Nee̱ xota̱ Israee̱l!

Éksondo̱ 9:12

Ta̱nga Néná katsꞌéntajá nginí ini̱ma̱a̱ nda̱ ree̱, kó nde ngiti̱ kamámejénjiín nga sku̱i̱e̱ kjo̱a̱a̱ Moisee̱ ko̱jo Aaroo̱n, bo̱a̱ má kamá xikó má katsoó Néná Moisee̱ nga ka̱ma.

Juaa̱ 12:40

Íchjá ndyi̱ko̱n kui xotaa̱, kó katsꞌéntajá ini̱ma̱a̱, tsi̱ꞌe̱ nga ka̱matsijenjiín ndyi̱ko̱n, ko̱jo tsi̱ꞌe̱ nga ka̱makjínjiín ini̱ma̱a̱, ko̱jo tsi̱ꞌe̱ nga sa̱ꞌínkꞌoyàjín yojoo̱, tsi̱ꞌe̱ nga an sa̱ꞌindaya an.

Xota̱ Roma̱ 9:18

Kó kuíni nga Néná ka̱mani̱ma̱a̱ xota̱ xi mejeén kui nga ka̱mani̱ma̱a̱, kó tajá sa̱ꞌín ini̱ma̱a̱ xi mejeén kui nga tajá sa̱ꞌín ini̱ma̱a̱.

Xota̱ Roma̱ 9:22

Néná xí kamámejeén akó kjo̱a̱xcha̱án, kó tsi kamámejeén akó ngaꞌniuú nga katsꞌénchíkjo̱a̱a̱ kjo̱a̱a̱ xota̱ xi sa̱ko̱ó nga si̱ꞌanjeé ko̱jo si̱ꞌankjie.

Ndeuteronomio̱ 2:30

»Ta̱nga nda̱ re Sijoo̱n katsjandièjínná nga ki̱a̱ ku̱i̱tjá, ngatꞌa̱ Néná boá xi katsꞌén, nga jmí katsó. Kósꞌe̱ Néná bo̱a̱ katsóna nga kjiꞌá boá nga ñá boá xi ko̱ti̱xomáa̱ Sijoo̱n, kó nga ti̱ kjiꞌa ka̱ma ku̱i̱tjásꞌi̱e̱n nangii̱ ko̱jo nga si̱ꞌáa̱n nga ku̱i̱xkánjo̱. »Nda̱ re Sijoo̱n jatjojo̱ jájuún tsi̱ꞌe̱ nga nangi Jaa̱ skjánjo̱ná, ta̱nga Néná boá xi katsꞌén nga ñá kiniꞌán. Kó kiniꞌáa̱n ngayeje na̱xi̱ńdáꞌniuú, kó kiniꞌánkjatsón ngayejee̱, kiniꞌánkjié ngayeje xotaa̱, ta̱kuítsí cho̱ tji̱e̱é ko̱jo ni chjí xí kisꞌiee̱ xi kachjábé. Nde ngojín kui na̱xi̱ńdáꞌniuú xi kichikjoaá nga ikixkánjo̱, ngayejee̱ nga kiniꞌánkjié, kuí má tjón na̱xi̱ńdáꞌniú Aroee̱r, kui xi tikón nga jó ngoboaá ndejèꞌ Arnoo̱n, kósꞌe̱ na̱xi̱ńdáꞌniú Ngalaa̱nd jetꞌani. Ngaskande kui ni̱xtjii̱n to̱kó ñá boá xi botíxomá ki̱a̱a̱.