Éksondo̱ 1:20 - Xo̱jo̱n eén Néná

^20-21 Kó nga na̱ Sifraa̱ ko̱jo na̱ Púaa̱ kamábendikón Néná, Néná achichí nda katsꞌénjo̱, kó katsjandieè nga kjín ndí kisꞌiee̱ kui ínchjiín. Kó tji̱e̱nga nga ꞌniú kamákjín ngase xota̱ Israee̱l,

Éksondo̱ 1:20 ပူးပေါင်းရင်းမြစ်များ

Xo̱jo̱n Salmoo̱ 103:11

Achichí tsie ko̱jo je kjo̱a̱tjó xi tsjaá xota̱ xi bendikón, xikó kjiꞌi je ngayeje nga̱sondiee̱.

Xo̱jo̱n Salmoo̱ 111:5

Néná tsjaá nichinie kui xota̱ na̱xi̱ńdá xí tsꞌéntsjaà kui, kó jmíni̱xtjin chíyaá ni xi índajo̱.

Xo̱jo̱n Salmoo̱ 145:19

Jí boá xi niꞌínsée̱n nga ꞌniú chji̱a̱a̱ kui xota̱ xi bendikoón, kó boeꞌée̱ ni xi chjieén, kó ꞌnaxiéꞌé ji.

Xo̱jo̱n Salmoo̱ 61:5

Ngatꞌa̱ ji Ne, jè kandaꞌyé ji ni xi kixiyatjoón nga sa̱ꞌinkjatjosón an, jí boá xi katseꞌée̱ tꞌanangi xota̱ na̱xi̱ńdá xí bendikón jaꞌée̱n.

Xo̱jo̱n Salmoo̱ 85:9

Jè tikón tiña kjo̱a̱ꞌnaxiéꞌaá xota̱ xi bendikón Néná, tsi̱ꞌe̱ nga kjo̱a̱jee̱ Néná kꞌuijñá tꞌananginá.

Éksondo̱ 1:12

Ta̱nga tji̱e̱nga xota̱ Ejiptoo̱ ꞌniú ndajín ngase katsꞌénjo̱ xota̱ Israee̱l, ta̱sá má ꞌniú kamákjín ngase kui xotaa̱. Xota̱ Ejiptoo̱ achichí katsakjónnií xota̱ Israee̱l nga,

Éksondo̱ 1:19

Kó kui ínchjiín bi̱ katsó: —Ngatꞌa̱ ínchjín ebreoo̱ bo̱a̱jín kón xi kókón ínchjín Ejiptoo̱. Ta̱sá nda ko̱jo tjingáꞌniuú kui ínchjiín, kó beꞌé soboá ndií, kó nde ngiti̱ ma chjiénjín nga ji̱n ko̱siko̱jojne̱.

Éksondo̱ 1:7

Ta̱nga nga achichí kamá ndí xí kisꞌiee̱ xota̱ Israee̱l, tsá kamákjín xota̱ tji̱e̱e̱, kó ngo na̱xi̱ńdá xi je ko̱jo xi ꞌniú kamá. ¡Kuíni nga ngayeje nangi Ejipto̱ nga kisꞌieni xota̱ Israee̱l!

Énkjínkón 11:18

To̱n xi tsꞌén xota̱ xi ꞌniú ndajiín, ta̱ ni xi ꞌboṉcha̱jo boá xi̱ꞌba̱, ta̱nga to̱n xi tsꞌén xota̱ xi kixi̱i̱, kuí boá xi ni xi nda xi niꞌaán.

Énkjínkón 19:17

Xota̱ xi tsꞌénkíyaà to̱n xota̱ xi ni̱ma̱a̱, xikónií tsi Néná xí tjítsꞌénkíyaá. ¡Kó kui kjo̱a̱ndaa̱ Néná ku̱i̱ꞌíchjí nginií!

Eklesiastee̱ 8:12

Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná,

Matioo̱ 10:42

Kó ta̱ ꞌyání xi tsja̱á ngo boso̱ ndáfoa nchꞌàn kui já xí tjimátji̱ngina, kjo̱a̱a̱ nga xota̱ tsa̱ꞌa̱n, ja̱koxi̱ boá nga sa̱ko̱ó ni xi je katsꞌén.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Xota̱ Ebreo̱ 6:10

Ngatꞌa̱ kixi̱ tsꞌénjo̱ná Néná, kó jmíni̱xtjin xchi̱yaa̱ ni xi ndyi̱niꞌánjnú xikótsꞌèn tjójnú Néná nga ndyi̱bosíko̱jojnú xota̱ na̱xi̱ńdá tsjiee̱, ko̱jo nga ta̱kó bo̱a̱ ndyi̱niꞌánjnú.