Éksondo̱ 1:17 - Xo̱jo̱n eén Néná

¹⁷ Ta̱nga na̱ Sifraa̱ ko̱jo na̱ Púaa̱ achichí kamábendikón Néná, kó kuíni nga katsꞌénkjatjosónjiín ni xi katsó nda̱ ree̱ nangi Ejiptoo̱ nga sa̱ꞌín.

Éksondo̱ 1:17 ပူးပေါင်းရင်းမြစ်များ

Jenesii̱s 20:11

Kó Abraa̱n bi̱ katsó: —Ngatꞌa̱ katsꞌenkjó án nga kui ngi̱ndiee̱ jmíjín xota̱ xi bendikón Néná, kó kixián án nga ta̱ngatꞌanii̱ chjo̱onna nga si̱ꞌankꞌienna.

Jenesii̱s 42:18

Kó xi ma ján ni̱xtjin Kosiee̱ bi̱ katsoó: «Tsakjón án Néná. Tsi ja̱koxi̱ nga xota̱ xi ndajnú ko̱jo tsi mejénjnú ku̱i̱ndyionra ngasejnú nga̱sondie, bi̱ ti̱ꞌánjnú: te̱ꞌéndièjnú nga ngo ntsꞌiejnú xi ngatꞌíjñára ndo̱bo̱a̱yà, kó xi ngasee̱ ngatjíjoo̱ to ndso̱ko̱a̱n ṉño̱pan xota̱ xi síndo ndiꞌajnú, ngatꞌa̱ achichíra̱ je bojoó, ta̱nga ndibájo̱jnú ntsꞌiejnú xi kjindií, kó bo̱a̱ tsí tsꞌén skuié an tsi ja̱koxi̱ ni xi ndyi̱ꞌmìjnú.» Kó já ntsꞌi̱e̱ Kosiee̱ jo̱ꞌo katsó ni xi kiꞌmií,

Na̱ Estee̱r (Ebreo̱) 3:3

kuíni nga mosoo̱ ree̱ xi síndotꞌa nga̱ntjo̱a̱a̱ ndo̱bo̱a̱xa̱á asíyaá Marndokeoo̱, míkjo̱a̱a̱ nga tsꞌénkjátjosónjín kjo̱a̱botíxomaa̱ ree̱.

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Éksondo̱ 1:18

Kósꞌe̱ nda̱ ree̱ tsíchji̱a̱a̱ ínchjín xí ꞌboje̱n ndií, kó bi̱ katsoó: —Ánní nga bo̱a̱ kiniꞌánjnú. Ánní kiniꞌánkꞌiénjínjnú jákjíndí xí xi̱ꞌii̱n.

Énkjínkón 16:6

Kjo̱a̱ni̱ma̱takón ko̱jo kjo̱a̱kixi̱ boá xi niꞌánjetakónni ngo jé, kó kjiꞌanga yandikón Néná, kuí nii̱ xi tsꞌén nga niꞌánkjìi̱n yojoná ni xi ndajiín.

Énkjínkón 8:13

Xota̱ xi bendikón Néná, chꞌórií ni xi ndajín. An chꞌóna kjo̱a̱nkꞌakoo̱n ko̱jo nga je ꞌnaxié yojoná, ko̱jo ndi̱yà xí ndajiín, ko̱jo én xí chꞌo aa̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Eklesiastee̱ 8:12

Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná,

Matioo̱ 10:28

Ngata̱ ndakonjínmájnú xi tsꞌenkꞌién yojoná, ta̱nga májiín tsꞌenkꞌién ini̱ma̱ná, ta̱sá ti̱nda̱kònjnú kui xi maa̱ tsꞌénkjí ini̱ma̱jnú ko̱jo yojojnú ndo̱bo̱a̱ṉkꞌi̱e̱e̱n.

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Ni xi kamá 5:29

Kó Peé ko̱jo já apostroo̱ xi ngasee̱, bi̱ katsó: –Chjiéngá Néná xi ko̱nda̱ꞌyáꞌénjne̱ ngindiee̱ nga xotaa̱ xi ko̱nda̱ꞌyáꞌénjne̱.