Eklesiastee̱ 9:9 - Xo̱jo̱n eén Néná

⁹ Tsjatsꞌèn ti̱ndyinje̱ ji chjo̱on xí tjoó, ngayeje ni̱xtjin nga ku̱i̱ndyin ji kui nga̱sondiee̱, ngayeje kui ni̱xtjin xi ta̱kjo̱a̱ndanií, ngatꞌa̱ kuí boá kui nii̱ xi tsoboaá, ko̱jo xá xí kꞌuiníi̱ yojòo̱ kui nga̱sondiee̱.

Eklesiastee̱ 9:9 ပူးပေါင်းရင်းမြစ်များ

Jenesii̱s 26:8

Ngo ndi̱yà Abimelee̱k tsꞌénkotsijen xtji̱e̱e̱n nga̱ntjo̱a̱masienkjaá ndiꞌaa̱, kó kamábe nga Isaa̱ tjítsꞌéndájoón na̱ Rebekaa̱.

Xo̱jo̱n Salmoo̱ 144:4

Bo̱a̱ má kónjne̱ xikoó ngo ni xi niꞌánkjiín takón, ¡achichí tsá chajajne̱ xikoó ngo tji̱nkꞌi̱én!

Xo̱jo̱n Salmoo̱ 39:5

Xikoó tsi ndse̱ tichꞌíchi̱bo̱e̱ ji ni̱xtjin xi katseꞌéní, kó nde nijín bo̱a̱ ngindyikin ji nó xí tjínna. Ja̱koxi̱ boá nga ta̱kjo̱a̱ndaní nga ꞌbíjñá nga̱sondie ngo xota̱.

Énkjínkón 18:22

Xi je kasakoo̱ chjo̱on xí tikónjo̱, jè ngo ni xi nda je kasakoo̱, ¡kó ja̱ jè kasakoo̱ kjo̱a̱ndaa̱ Néná!

Énkjínkón 19:14

Ndiꞌaa̱ ko̱jo kjo̱a̱cho̱o̱n, ni xi ꞌbijñáná xi xcháná boá, ta̱nga kui chjo̱on xí kjínkoón, ni xi ta̱ katsjáná Néná boá.

Eklesiastee̱ 2:10

Ngayeje ni xi kamámejénna nga skuie an, kamábe an, ngayeje kjo̱a̱tsja xi kamámején ini̱ma̱na, katsꞌenkjatjosón an, ngatꞌa̱ ini̱ma̱na tsja kamaá kjo̱a̱a̱ ngayeje xá xí katsꞌen an, kó ngayeje kui nii̱ xi katsꞌen an kjo̱a̱a̱ kui xaá.

Eklesiastee̱ 2:24

Jmíjín ingo ni xi nda ngase, nga xota̱ nga̱sondiee̱ skji̱ni̱e̱ ko̱jo kꞌuí, ko̱jo nga tsja ka̱maa̱ nga kꞌuijñá nga̱sondie kjo̱a̱a̱ xaá. Kó jè kamábe an nga kui nii̱, ngi̱ya tsja Néná ndibání.

Eklesiastee̱ 3:13

ko̱jo nga kjo̱a̱ndaa̱ Néná boá nga ngayeje xotaa̱ skji̱ni̱e̱ ko̱jo kꞌuí, ko̱jo nga ndatsꞌèn sa̱ꞌín ngayeje xá xí tsꞌén.

Eklesiastee̱ 3:22

Kuíni nga jè kamábe an, nga jmíjín ingo ni xi nda ngase nga tsja ka̱maa̱ xota̱ nga̱sondiee̱ kjo̱a̱a̱ xaá, ngatꞌa̱ kuí bí kui nii̱ xi tsoboaá nga sa̱ꞌín, ngatꞌa̱, ꞌyá xí kjo̱e̱ꞌéjo̱ nginí kui nga̱sondiee̱ tsi̱ꞌe̱ nga sku̱i̱e̱ ni xi kamá jaskan ngije kꞌien.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 6:12

Nga ja̱koxi̱, jmíjín xi be mí ni xi nda ngase ka̱maa̱ xota̱ nga̱sondiee̱ kjo̱a̱a̱ ngayeje ni̱xtjin xi je tjixki̱ nga kꞌuijñá kui nga̱sondiee̱ xi ta̱kjo̱a̱ndanií. Ngatꞌa̱ foaꞌa ni̱xtjii̱n xikó maá tsi ngo tji̱nkꞌi̱én. Kósꞌe̱, ꞌyá xi ka̱tso̱yaa̱ ni xi ka̱ma kui nga̱sondiee̱ ngije kꞌien kui.

Eklesiastee̱ 7:15

Ngayeje kui ni bi̱ xi je kamábe an kui ni̱xtjin xi ta̱kjo̱a̱ndaní xi je kisꞌijña an: xota̱ xi kixi̱ xi ta̱ngatꞌanii̱ kjo̱a̱kixi̱i̱ nga jesón, ko̱jo xota̱ xi ndajín xi achichí tsie maá, ndatsi ndajín ndyi̱tsꞌèn.