Eklesiastee̱ 9:7 - Xo̱jo̱n eén Néná

⁷ ¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Eklesiastee̱ 9:7 ပူးပေါင်းရင်းမြစ်များ

Jenesii̱s 12:19

Ánní nga: Ndichja án má kase ji. ¡A yejín ji nga jè chjo̱onna sa̱ꞌin an katsaki! ¡Jiꞌín, chjábé chjóo̱n, kó chjéndi̱yáa̱ kꞌi̱e̱e̱!»

Eklesiastee̱ 10:19

Paa̱n boá xi cha̱n chiniená, kó binoo̱ boá xi tsjáná kjo̱a̱tsja nga tindyión nga̱sondie, kó to̱o̱n boá xi mejennii̱ ngayeje nii̱.

Eklesiastee̱ 11:8

Ta̱nga ndatsi achichí kjín nó maá nga ꞌbíjñá xota̱ nga̱sondiee̱, kó nga tsjatsꞌèn kisꞌijña ngayeje kui ni̱xtjii̱n, ngatjaꞌátsjiee̱n nga ti̱ achichí ka̱ma ni̱xtjin nga sꞌi̱jñoó. Kó ngayeje ni xi sꞌe̱ ndibaá, ta̱kjo̱a̱ndaní bo̱a̱ nga.

Eklesiastee̱ 5:18

Ta̱nga, jè kamábe an ngo ni xi nda: Nga xi̱ni̱e̱ ko̱jo nga sꞌi̱o̱, ko̱jo nga tsja ka̱máná kjo̱a̱a̱ xá xí niꞌán kꞌi̱e̱ kui nga̱sondie xi katsjáná Néná. Ngatꞌa̱ kuí boá kui nii̱ xi íjñáná Néná.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Eklesiastee̱ 8:15

Kuíni nga an ta̱sá tsjá kamána kjo̱a̱a̱ kjo̱a̱tsjaa̱, ngatꞌa̱ ni xi nda ngase xi ka̱ma sa̱ꞌín xota̱ nga̱sondiee̱, kuí boá nga skji̱ni̱e̱, nga kꞌuí, ko̱jo nga tsja tsꞌén kꞌuijñá, ngatꞌa̱ ta̱kuítsí kui nii̱ xi tsijeén kjo̱a̱a̱ xá xí katsꞌén ni̱xtjin xi katsjaá Néná nga kisꞌijña kui nga̱sondiee̱.

Xki̱ 6:20

»Sꞌe̱ jaskan chináꞌmii̱ ku̱i̱ꞌítji̱ya ńdanisee̱n ko̱jo ti̱ꞌmi̱í kui cho̱ xi tjíniꞌánkꞌasꞌien nganda tsa̱ꞌa̱n. Ndikón kui chikjaa̱n kui cho̱o̱, kó ta̱ chináꞌmii̱ tsí xi ko̱e̱ꞌeé. Jaskan ngije katsꞌén kui nii̱, xota̱ nasareoo̱ ka̱ma kꞌuí bino̱.

Markoo̱ 7:29

Kó Kjisoo̱, bi̱ katsó: –Ta̱ngatꞌanii̱ én xí kandokjo̱e̱ ji, tꞌen ꞌne̱. Kui xindajín xi tjíjii̱n tsa̱kjíi̱n, je jatjo.

Rkaa̱ 11:41

Ta̱nga te̱ꞌéjnú chji̱e̱ ni xi tjíjii̱n ini̱ma̱jnú, kósꞌe̱ bo̱a̱ tsí tsꞌén nga tsjie ka̱ma ngayeje nii̱ ngindyi̱ko̱n Néná.

Juaa̱ 4:50

Kó Kjisoo̱, bi̱ katsoó: –Tꞌen ndiꞌàa̱, tikón ndíi̱. Sꞌe̱ kui nda̱a̱ kisꞌijii̱n ni xi katsó Kjisoo̱, sꞌe̱ kijí.

Ni xi kamá 10:35

ta̱sá ngayeje na̱xi̱ńdá tsja maá Néná kjo̱a̱a̱ ngayeje xota̱ xi bendikón ko̱jo xi ni xi kixi̱ ndyi̱tsꞌèn.

Ndeuteronomio̱ 12:7

»Ngo sꞌué ti̱ꞌánjnú kui ngi̱ndiee̱, kó tsjatsꞌèn ku̱i̱ndyionjnú jún, ko̱jo xota̱ ndiꞌajnú, ko̱jo moso̱jnú, ko̱jo xota̱ tji̱e̱e̱ Lebii̱ xi ki̱a̱ síndojinjnú. Ngatjaꞌátsjienjnú nga chjiéngá ko̱e̱ꞌéchiboajnúu̱ kui xotaa̱ ni xi an tsjajnúꞌun, ngatꞌa̱ kui xotaa̱ nde ngo chikjan tꞌanangi sa̱kójiín xi kui tsi̱ꞌe̱ ka̱ma. »Ngije ki̱a̱ tindyiónjnú kui tꞌanangii̱, ngiti̱ ka̱májín ta̱xkiya si̱ꞌánjnú ni xi mejénjnú, xikó ndyi̱niꞌánjnú ngaskande ngotꞌe̱. Ngatꞌa̱ ki̱a̱ ngi̱ndie nínga tindyiónjnú ngotꞌe̱, jmí tsi kui xi ngi̱ndie nínga xió kjiꞌi xi tsja̱ajnú Néná, tsi̱ꞌe̱ nga kjóchójnú kui ngi̱ndiee̱, chjiéngá ku̱i̱tja̱tiójnú ndejèꞌ Jorndaa̱n. Ta̱ niꞌin kjóchójnú kui ngi̱ndiee̱, kó ngije kiniꞌánjnúu̱ ngayeje kondra̱jnú, kꞌuiéjnú kjo̱a̱xió, kó ndatsꞌèn ku̱i̱ndyionjnú.

Na̱ Ruu̱t 3:7

Ngije kamaá Boo̱ nga iskjinie ṉño̱ ko̱jo nga katsꞌe ndá, ki̱a̱ kijíkjajña nínga síndotikó sebandaa̱, kó achichí tsjákjiꞌii̱. Ngije kisꞌifé Boo̱, na̱ Ruu̱t inda inda ko̱jo si̱e̱n si̱e̱n kijíkóntiñaa̱, kósꞌe̱ ki̱a̱ kisꞌietꞌaa̱.