Eklesiastee̱ 9:3 - Xo̱jo̱n eén Néná

³ Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Eklesiastee̱ 9:3 ပူးပေါင်းရင်းမြစ်များ

Jenesii̱s 6:5

Kó xi chjo̱on xí xi̱ꞌin xi kisꞌińdo kui nga̱sondiee̱ saꞌniú sáꞌniú ndajínkjiꞌi ni xi katsꞌén, kó ngatsjéni̱xtjin katsꞌénkjó nga ta̱soboá ni xi ndajín xí sa̱ꞌín. Kó kjiꞌanga Néná kamábe nga ta̱nisién ndajín kjima kui xotaa̱,

Jenesii̱s 8:21

Kó Néná ngije jaꞌándá sije̱n sije̱e̱n kui nii̱, bi̱ katsó ngi̱jin ini̱ma̱a̱: «Ndatsi xota̱ nga̱sondiee̱ ndajín ni xi tsꞌénkjó ngi̱jin ini̱ma̱a̱ ndeskande koó nga kjindí, nginijánjín kotijée̱ nga sa̱ꞌinkjié an tꞌanangii̱ ta̱ngatꞌanii̱ xota̱ nga̱sondiee̱, xikó je katsꞌen an.

Joo̱b 15:16

Akja̱ꞌmíra̱ xota̱ nga̱sondiee̱ ka̱maꞌniátakón, nga be nga ndajín ko̱jo nga chꞌo, nga xikoó tsi xíndaá nga ni xi ndajín mejeén sa̱ꞌín.

Joo̱b 21:26

¡Ta̱nga nga jó tjiín nga kju̱i̱e̱són, kó ki̱a̱ nga̱tsjo̱ó sꞌi̱kitsie maá chi̱ndo!

Joo̱b 9:22

Ta̱ ingo tsí ni xi chaja ngasena xi xián án: nga Néná ta̱ ngo ndséje̱n tsꞌenkjié tsi xota̱ xi nda, ko̱jo tsi xota̱ xi ndajín.

Xo̱jo̱n Salmoo̱ 51:5

Ja̱koxi̱ boá nga ngi̱jii̱n ni xi ndajiín nga kamánda an, ko̱jo nga jè tjínna jé nga nga yeꞌéna na̱anna.

Xo̱jo̱n Salmoo̱ 64:7

Ta̱nga Néná ngo yáyojó ko̱sieén: Kó ta̱niján má nga ka̱maꞌoo̱n,

Énkjínkón 14:32

Xota̱ xi ꞌniú ndajiín, ti̱kuíní ni xi ndajiín xi tsꞌénchájá, ta̱nga xota̱ xi kixi̱i̱, kjo̱a̱kixi̱i̱ xí koo̱n ngaskande nga ko̱yà.

Eklesiastee̱ 1:17

Kósꞌe̱ ja̱ ngayejení ini̱ma̱na nga kamámejénna skuie ngase ni xi yaꞌanii̱ kjo̱a̱kjínkoón, ko̱jo nga ka̱makjínna kjo̱a̱tsobeé, ko̱jo kjo̱a̱chi̱nii̱, ta̱nga ti̱ kamábe an nga kui nii̱ ta̱ tsꞌénboa tsíná.

Eklesiastee̱ 12:7

Ngindiee̱ nga chojo ka̱má nginí ji, xikoó ngasꞌe̱, kó a̱si̱énni̱xtjìi̱n Néná skjíbé nginí, ngatꞌa̱ kuí boá xi katsjá.

Eklesiastee̱ 2:14

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 7:2

Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 7:25

Kósꞌe̱ tsangasendi̱yà án ngayeje ni xi yaꞌanii̱ kjo̱a̱a̱ kjo̱a̱kjíntakoón, tsi̱ꞌe̱ nga sa̱kóna ngo kjo̱a̱, kjo̱a̱a̱ nga ngo nga ngo nii̱. Kó kamákjína nga ta̱ kjo̱a̱chi̱ni boá nga ndajín má, ko̱jo nga ta̱ kjo̱a̱tsobé boá nga kitikjo̱a̱ má.

Eklesiastee̱ 8:11

Kó kjiꞌanga tsájín niꞌánjeé xota̱ xi ndajín katsꞌeén, xota̱ xi ngasee̱ tsꞌénkjó nga ka̱ma sa̱ꞌín ni xi ndajiín kui nga.

Eklesiastee̱ 9:11

Ti̱ askotsijen ngiñá an, kó kamábe an nga kui nga̱sondiee̱ jmí tsi xota̱ xi ꞌniú monga ngasee̱ xi tsꞌén nga mongandse̱je̱n, ti̱nde jmí tsi xota̱ xi ꞌniú ngasee̱ xi tsꞌén ngo kjo̱a̱xcha̱án, ti̱ kamábe an nga xota̱ xi kjínkoón nde nichinie jmíjiín, ko̱jo nga jmí tsi xota̱ xi kjínkoón xi cho̱n ma, ko̱jo nga jmí tsi xota̱ xi tjiín kjo̱a̱kjíntakoón xi nda niꞌánjo̱. Ngayejee̱ nga tjiín ni̱xtjin xi nda ko̱jo ni̱xtjin xi ndajín,

Eklesiastee̱ 9:2

Ti̱ bo̱a̱ ti̱ kjiꞌini ni xi maa̱ ngayeje xotaa̱ nga fetꞌani. Ti̱ kuínií tsi kixi̱ ko̱jo tsi kixi̱jín, tsi ndaxota̱ ko̱jo tsi ndajínxota̱, tsi tsjie ko̱jo tsi tsjiejín, tsi xi tsꞌenkꞌásꞌién kjo̱a̱tjó ko̱jo tsi tsꞌenkꞌásꞌiénjín, tsi xi tsꞌén ni xi ndaa̱ ko̱jo tsi xi tsꞌénjeé, tsi xi tsáyàtjoón ko̱jo tsi tsáyàtjónjiín Néná ni xi sa̱ꞌín.

Eklesiastee̱ 9:4

Ta̱nga tjínrií kjo̱a̱chiyá ngayeje xota̱ xi to̱kó síndo ngasee̱, ngatꞌa̱ chjí ngasenii̱ ngo ńñá xí tikón ngase, ta̱bo̱a̱jiín ngo xandi̱je̱ xi je kꞌien.

Rkaa̱ 15:17

Sꞌe̱ ti̱chaa̱n kamákjiín kui nii̱, kó bi̱ katsó: “¡Achichí kjín mosoo̱ na̱ꞌmina xi tjiín nichinie ndiꞌana, kó an, kjiꞌme kjindiá án!

Rkaa̱ 6:11

Kó kui já chji̱ni̱e̱kjo̱a̱kitii̱ ko̱jo já fariseo̱ xi ngasee̱, achichí katsꞌénxchán, kó ítsꞌi̱yanii̱ nga askjoyá kótsꞌèn ko̱e̱je̱e̱ kondra̱ Kjisoo̱.

Ni xi kamá 12:23

Ti̱ kuii̱ chi̱bo̱a̱ ngo ndítsjiee̱ Néná katsjaá ngo chiꞌin Erondee̱, ngatꞌa̱ katsjájiín kjo̱a̱je Néná, kó chi̱ndo katsꞌénkjié nga kꞌien.

Ni xi kamá 26:11

Kó kjín ndi̱yà katsꞌenjée̱ nga katsꞌée̱n kjo̱a̱ꞌniú tsi̱ꞌe̱ nga chꞌo ka̱tso̱ kjo̱a̱a̱ kjo̱a̱sꞌijii̱n, kó kui nii̱ katsꞌen an ngayeje ngi̱ya ndiꞌa nínga ndokjo̱a̱ eén Néná, kó achichí kamáxtína kondra̱ tsi̱ꞌe̱ kui jaá ngatꞌa̱ ngaskande na̱xi̱ńdá xi xín tsangatji̱ngíi̱.

Ni xi kamá 26:24

Kó tji̱e̱nga Pabloo̱, bi̱ tjítsó kjo̱a̱a̱ nga tsꞌénꞌboxiéꞌá yojoo̱, nda̱ xi ꞌmí Festoo̱ ngaskande ꞌniú má tsíchji̱a̱ nga bi̱ katsó: –¡Tsobeéri, Pabloo̱! Kjo̱a̱a̱ nga ta̱ jaꞌatio nga tichjatꞌayé ji xo̱jo̱n, kuíni nga je kjimatsobé maá.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

2 Xo̱jo̱o̱n Peé 2:16

Kó kiniꞌánxchánjo̱ ta̱ngatꞌanii̱ jeé. Ngo bórró, cho̱ chꞌià xi májiín chji̱a̱, tsíchji̱a̱jo Balaa̱n xikótsꞌèn chji̱a̱ ngo xota̱, kó íchjaá tsi̱ꞌe̱ nga ngiti̱ katsꞌénjín kui kjo̱a̱tsobeé.