Eklesiastee̱ 9:11 - Xo̱jo̱n eén Néná

¹¹ Ti̱ askotsijen ngiñá an, kó kamábe an nga kui nga̱sondiee̱ jmí tsi xota̱ xi ꞌniú monga ngasee̱ xi tsꞌén nga mongandse̱je̱n, ti̱nde jmí tsi xota̱ xi ꞌniú ngasee̱ xi tsꞌén ngo kjo̱a̱xcha̱án, ti̱ kamábe an nga xota̱ xi kjínkoón nde nichinie jmíjiín, ko̱jo nga jmí tsi xota̱ xi kjínkoón xi cho̱n ma, ko̱jo nga jmí tsi xota̱ xi tjiín kjo̱a̱kjíntakoón xi nda niꞌánjo̱. Ngayejee̱ nga tjiín ni̱xtjin xi nda ko̱jo ni̱xtjin xi ndajín,

Eklesiastee̱ 9:11 ပူးပေါင်းရင်းမြစ်များ

Joo̱b 34:29

Ta̱nga tsi Néná xí mejeén nga xió kꞌuijñá, ꞌyá xí ka̱maa̱ sa̱ꞌínchꞌó nga bo̱a̱ sa̱ꞌín. Tsi kui xi mejénjiín nga ko̱kó yojoo̱, ꞌyá xí ka̱maa̱ sku̱i̱e̱ kje̱n. Ta̱nga Néná, kuí boá xi tsꞌénkotsijee̱n ngayeje na̱xi̱ńdá ko̱jo xota̱ xi tjín nga̱sondiee̱,

Xo̱jo̱n Salmoo̱ 76:5

Já chꞌokon xi fí kjo̱a̱xcha̱án kachjeꞌéxiín ngaꞌniú xí kisꞌiee̱, kó kisꞌiyojofé. Ngiti̱ ingojín já xí ꞌniuú, xi kamaá katsꞌénkjién ngase tsja.

Énkjínkón 1:5

Jún, xota̱ xi chji̱ni̱e̱ ko̱jo xi kjínkónjnú, tasiénijónjnú, kó bo̱a̱ tsꞌén nga chji̱ni̱e̱ ngase ka̱majnú, ko̱jo ꞌniú ngase xcha̱jnú ni xi bokoyá kjo̱a̱mindyioo̱n.

Eklesiastee̱ 2:12

Jaskan katsꞌenkjó án kjo̱a̱a̱ kjo̱a̱kjínkoón, ko̱jo kjo̱a̱a̱ kjo̱a̱tsobeé, ko̱jo kjo̱a̱a̱ kjo̱a̱kitikjo̱a̱a̱, ngatꞌa̱, mí ni xi ka̱ma sa̱ꞌín ngase kui re xi jaskan kꞌuijñá xaá. Ta̱jmìjínni, ta̱kuítsí ni xi je kiniꞌaán.

Eklesiastee̱ 3:14

Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Eklesiastee̱ 4:1

Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 7:13

Tsitsíjìi̱n ni xi je katsꞌénda Néná, ngatꞌa̱, ꞌyá xí ka̱maa̱ sa̱ꞌínna̱xo̱ ni xi kui katsꞌénti̱ki̱e̱n.

Eklesiastee̱ 9:2

Ti̱ bo̱a̱ ti̱ kjiꞌini ni xi maa̱ ngayeje xotaa̱ nga fetꞌani. Ti̱ kuínií tsi kixi̱ ko̱jo tsi kixi̱jín, tsi ndaxota̱ ko̱jo tsi ndajínxota̱, tsi tsjie ko̱jo tsi tsjiejín, tsi xi tsꞌenkꞌásꞌién kjo̱a̱tjó ko̱jo tsi tsꞌenkꞌásꞌiénjín, tsi xi tsꞌén ni xi ndaa̱ ko̱jo tsi xi tsꞌénjeé, tsi xi tsáyàtjoón ko̱jo tsi tsáyàtjónjiín Néná ni xi sa̱ꞌín.

Eklesiastee̱ 9:3

Kuí bí kui ni xi ndajiín xi ma kui nga̱sondiee̱, nga ngayeje xotaa̱ ti̱kuíní ni xi maa̱, ko̱jo nga xota̱ nga̱sondiee̱ ngi̱jin ini̱ma̱a̱ tjikítsie maá ni xi ndajín, ko̱jo kjo̱a̱chi̱ni, ngayeje ni̱xtjin nga síndo kui nga̱sondiee̱, kósꞌe̱ nga fetꞌani ꞌme ꞌne̱ ngijee̱.

Xota̱ Éfeso̱ 1:11

Xikó tsꞌén índa tjón tjón Néná, bo̱a̱ tsꞌén katsꞌénkjién Kristoo̱ tsi̱ꞌe̱ nga ko̱jo ji̱n jaꞌájinjne̱ nga katsjájne̱ ni xi tsja̱á ndií, ngatꞌa̱ Néná tsꞌénkjátjosón ngayeje ni xi mejeén nga sa̱ꞌín kuí.

Ndeuteronomio̱ 8:17

Tsi xchi̱yàjnú kui nii̱, si̱ꞌankjóra̱jnú nga ta̱ngatꞌanii̱ ngaꞌniújnú nga tjínjnú ngayeje ni xi tjínjnú, ko̱jo ni xi je kasakojnú.

Ndeuteronomio̱ 8:18

Ta̱sá ngatjaꞌátsjienjnú nga Néná boá xi katsjájnú ngayeje kui nii̱, kó bo̱a̱ katsꞌén, ngatꞌa̱ katsꞌénkjatjosón ni xi katsóyàtjoón xota̱ xi xcháná nga tsja̱á.