Eklesiastee̱ 8:7 - Xo̱jo̱n eén Néná

⁷ ngatꞌa̱ nde bejín mí ni xi ka̱ma jaskan, kó ngije ka̱ma kui nii̱, ꞌyá xí ka̱tso̱yaa̱ mí nii̱ bo̱a̱.

Eklesiastee̱ 8:7 ပူးပေါင်းရင်းမြစ်များ

Na̱ Estee̱r (Ebreo̱) 5:12

Kó Amaa̱n, bi̱ katsó ngase: —Kó ingo ni ngase, na̱ re Estee̱r, ta̱ꞌyajín xi katsóyà ngasee̱ nga katsꞌén kui sꞌueé, ta̱ án tsi ko̱jo ree̱ xi tsangínjne̱, kó ndyiojón ti̱ katsóyà nginíjne̱ tsi̱ꞌe̱ nga kongínjne̱ ingo sꞌué xí sa̱ꞌín.

Énkjínkón 24:22

ngatꞌa̱ ta̱niján má kji̱ndi̱bánié kjo̱a̱botíjeé, kó jmíjín xi be kjo̱a̱botíjé xí tsjá Néná ko̱jo ree̱.

Énkjínkón 27:1

Ngata̱ nkꞌakonjín má ji kjo̱a̱a̱ ni xi si̱ꞌin ji ndyiojón, ¡ngatꞌa̱ jmíjín xi be ni xi ka̱ma ndyiojón!

Énkjínkón 29:1

Xota̱ xi tsjajín maá nga niꞌánxchánjo̱, ta̱niján má kji̱ndi̱bá nga si̱ꞌankjie, kó jmíjín xi ka̱ma ku̱i̱ꞌíchjaá nga bo̱a̱ ka̱ma.

Eklesiastee̱ 10:14

Nda̱ xi kitikjo̱a̱a̱ achichí kjín én xí chji̱a̱, ndatsi nde ngojín xi be mí ni xi ka̱ma, ti̱nde ta̱ꞌyajín xi ka̱tso̱yaa̱ ni xi jaskan ka̱ma.

Eklesiastee̱ 3:22

Kuíni nga jè kamábe an, nga jmíjín ingo ni xi nda ngase nga tsja ka̱maa̱ xota̱ nga̱sondiee̱ kjo̱a̱a̱ xaá, ngatꞌa̱ kuí bí kui nii̱ xi tsoboaá nga sa̱ꞌín, ngatꞌa̱, ꞌyá xí kjo̱e̱ꞌéjo̱ nginí kui nga̱sondiee̱ tsi̱ꞌe̱ nga sku̱i̱e̱ ni xi kamá jaskan ngije kꞌien.

Eklesiastee̱ 6:12

Nga ja̱koxi̱, jmíjín xi be mí ni xi nda ngase ka̱maa̱ xota̱ nga̱sondiee̱ kjo̱a̱a̱ ngayeje ni̱xtjin xi je tjixki̱ nga kꞌuijñá kui nga̱sondiee̱ xi ta̱kjo̱a̱ndanií. Ngatꞌa̱ foaꞌa ni̱xtjii̱n xikó maá tsi ngo tji̱nkꞌi̱én. Kósꞌe̱, ꞌyá xi ka̱tso̱yaa̱ ni xi ka̱ma kui nga̱sondiee̱ ngije kꞌien kui.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Eklesiastee̱ 9:1

Kó ngayeje kui nii̱ xi katsꞌenkjó ndá ndá an, kó kamábe an nga ngi̱ya tsja Néná boá nínga síndo xota̱ xi kixi̱i̱, ko̱jo xota̱ xi kjínkoón, ko̱jo ngayeje ni xi tsꞌén. Kó ti̱ kamábe an nga xota̱ nga̱sondiee̱ bejín mí nii̱ bo̱a̱ xi kjo̱a̱tjoó ko̱jo mí nii̱ bo̱a̱ xi kjo̱a̱niꞌánchꞌoó, ndatsi ngindyi̱ko̱n boá nínga síndo kui nii̱.

Eklesiastee̱ 9:12

ngatꞌa̱ xota̱ nga̱sondiee̱ bejín ni̱xtjin nga kjo̱chó chi̱bo̱a̱a̱, bo̱a̱ má maá xikoó tji̱o̱o̱ nga fíyá ki̱a̱ nda̱ꞌya̱a̱, ko̱jo tsi xikoó ni̱siee̱ nga fíyá chja̱ya̱a̱, bo̱a̱ maá xota̱ nga̱sondiee̱, ta̱niján má ndibá nga ndajín maá.

Matioo̱ 24:44

Kó kuíni nga, ti̱ndyiondajnú ndatsa jún nga, ngatꞌa̱ nde xcha̱jínjnú, mí chi̱bo̱a̱ nga kjo̱e̱ꞌe ndií nda̱ xi̱ꞌii̱n.

Matioo̱ 24:50

kó ni̱xtjin ko̱jo chi̱bo̱a̱ nga skoyájín kui mosoo̱, kjo̱chó ndi̱a̱a̱,