Eklesiastee̱ 8:17 - Xo̱jo̱n eén Néná

¹⁷ bo̱a̱ tsꞌén nga je kamábe an ngayeje ni xi je katsꞌénda Néná, kó ti̱ je kamábe an nga xota̱ nga̱sondiee̱ jmíni̱xtjin nga ka̱makjiín ni xi ma kui nga̱sondiee̱. Ndatsi ꞌniú ka̱mamejeén nga ka̱makjiín, ka̱makjínjiín, kó ndatsi xota̱ xi kjínkoón xi bo̱a̱ ka̱tso̱ nga mejeén nga ka̱makjiín, jmí tsi kjo̱a̱a̱ kui nii̱, sꞌe̱ ka̱makjiín ngijee̱.

Eklesiastee̱ 8:17 ပူးပေါင်းရင်းမြစ်များ

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 40:5

Ji Ne xi tsa̱ꞌa̱n, jè kiniꞌín kjín ngase ji kjo̱a̱ndikóo̱n, ko̱jo ni xi kiniꞌín ji nganda tsa̱ji̱n. Jmíjín xi kjo̱chótji̱ngii̱ ji. Tsi xiyà an ngayeje kui nii̱ nde jmíjín xi ka̱maxki̱i̱.

Xo̱jo̱n Salmoo̱ 73:16

Katsꞌenkjó án tsi̱ꞌe̱ nga ka̱makjínna kui nii̱ katsaki, ta̱nga achichí niꞌín kamána.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 11:5

Xikótsꞌèn nga yejín ji ñá xtji̱e̱e̱n fí tjo̱o̱, ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n, ti̱ bo̱a̱ ti̱ tsꞌén nde yejín ji ni xi tsꞌén Néná, kui Néná xi katsꞌénda ngayeje nii̱.

Eklesiastee̱ 3:11

Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Eklesiastee̱ 7:13

Tsitsíjìi̱n ni xi je katsꞌénda Néná, ngatꞌa̱, ꞌyá xí ka̱maa̱ sa̱ꞌínna̱xo̱ ni xi kui katsꞌénti̱ki̱e̱n.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.