Eklesiastee̱ 8:1 - Xo̱jo̱n eén Néná

¹ Jmíjín xí kjo̱chótji̱ngi xota̱ xi kjínkoón, ti̱nde jmíjín xi kjo̱chótji̱ngi xota̱ xi tsꞌénkjiín kon kjo̱a̱a̱ ngo kjo̱a̱. Kjo̱a̱kjínkoón boá xi tsja tsꞌénkꞌié kje̱n xotaa̱, ko̱jo kuí boá xi bosíkjo kje̱n tamájin.

Eklesiastee̱ 8:1 ပူးပေါင်းရင်းမြစ်များ

Jenesii̱s 40:8

Kó kui jaá bi̱ katsó: —Kjo̱a̱a̱ nga ngo chi̱ni tseꞌéjne̱, ta̱nga jmíjín xi tsáyàjne̱ mí ni xi mejeén tsó kui chi̱nii̱. Kósꞌe̱ Kosiee̱ bi̱ katsó: —Tꞌíyájnúꞌun chi̱nijnú, kó Néná ka̱tso̱yàná mí ni xi mejeén tsó.

Joo̱b 33:23

»Ta̱nga tsi ki̱a̱ tikóntꞌaa̱ ngo ndítsjie ndeta̱ ngo chií kui xi mi̱ ma xi tjiín Néná, xi ka̱tso̱yaa̱ ndi̱yà xí nda xi chjiéngá ko̱e̱je̱,

Énkjínkón 1:6

Bo̱a̱ tsꞌén nga ka̱ma ka̱makjínjnú mí nii̱ bo̱a̱ xi énkjínkoón, mí nii̱ bo̱a̱ xi ngo chi̱bo̱a̱, ko̱jo mí nii̱ bo̱a̱ xi ngo én xi tjiín ngo ni xi tjiꞌmá.

Énkjínkón 12:8

Ndikón niꞌánjo̱ xotaa̱, ta̱ xikó kjiꞌi nga kjínkón, ta̱nga xota̱ xi ni xi ndajín tjíjin ngi̱jin ini̱ma̱a̱, niꞌánchꞌó.

Énkjínkón 17:24

Xota̱ xi tjiín kjo̱a̱kjíntakoón, bi̱ má ya kje̱n nga kjínkón, ta̱nga xota̱ xi kitikjo̱a̱a̱, ndeta̱ yàjín ñá xtji̱e̱e̱n tsꞌénkotsijen.

Énkjínkón 21:29

Xota̱ xi ꞌniú ndajiín ja̱ma xi nda síndo maa̱ kui, ta̱nga ta̱kuítsí xota̱ xi kixi̱i̱ xi ja̱koxi̱ nga nda ꞌbíndo.

Énkjínkón 24:5

Chjí ngasenii̱ ngo xota̱ xi kjínkón, ta̱bo̱a̱jiín ngo xota̱ xi ꞌniú, chjí ngasenii̱ kjo̱a̱kjínkoón, ta̱bo̱a̱jiín ngaꞌniuú.

Matioo̱ 17:2

kó ngindyi̱ko̱n kui jaá kje̱ꞌe kisꞌie Kjisoo̱, kó kje̱n ꞌna̱ kamá xikó maá tsꞌueé, kó ńjño xi yajá tiboa xó xó kamá.

Ni xi kamá 4:13

Kósꞌe̱ kjiꞌanga kamábe jáxaá nga katsakjónjín nga tsíchji̱a̱ Peé ko̱jo Juaa̱, kamákjiín nga kui já apostroo̱, jmí xo̱jo̱n kamájiín, kó achichí kijíndikoón, kó kamábe nga Kjisoo̱ kisꞌiṉtso̱majo̱.

Ni xi kamá 4:29

Kó ngotꞌe̱ ꞌne̱, Ndi̱a̱, tsitsíjìi̱n nga ndyi̱mindyiándíkón, kó te̱ꞌée̱ ngaꞌniú ngayeje mosòo̱ tsi̱ꞌe̱ nga stsa̱kjonjín nga ku̱i̱chji̱a̱ ée̱n.

Ni xi kamá 6:15

Kósꞌe̱ ngayeje jáxá xí síndotikó kuí ngi̱ndiee̱, askoꞌá ndá ndá Ixtibaa̱, kó kamábe kje̱n nga ja̱kjiꞌi kje̱n ndítsjie má kjiꞌi.

Xota̱ Roma̱ 13:5

Kó kuíni nga chjiéngá ko̱nda̱ꞌyáꞌée̱n xota̱ xi botixómaá, jmí tsi kjo̱a̱a̱ nga ko̱tíjéná, ta̱sá nda si̱ꞌán tsi̱ꞌe̱ nga nda tsꞌén kꞌuijñá kjo̱a̱kjíntakónná.

Xota̱ Éfeso̱ 6:19

Ti̱ bo̱a̱ ti̱ tsꞌén ndókjo̱a̱tjéjnúꞌun nga ko̱ndókjo̱a̱jnúu̱ Néná, tsi̱ꞌe̱ nga tsja̱ana én xí kꞌuini̱jmì an, ko̱jo tsi̱ꞌe̱ nga stsakjonjín an nga kuichjiá an, kó bo̱a̱ tsꞌén nga ka̱ma koko an ni xi kisiꞌma ngasꞌe̱ xi tsꞌén bokó éntjatsi̱e̱e̱ Néná ngotꞌe̱.

Ndeuteronomio̱ 28:50

Achichí nga ndajín, kó skji̱ni̱e̱ ngayeje cho̱jnú ko̱jo ngayeje ni xi ikꞌítji̱e̱jnú. Nde chií to ndso̱ko̱a̱n ṉño̱pan ko̱jo bino̱, ko̱jo isti̱ ku̱i̱ꞌíjñájínjnú tsi̱ꞌe̱ nga xi̱ni̱e̱jnú ko̱jo sꞌi̱o̱jnú. ¡Kuí nii̱ xi sa̱ꞌínkjiéjnú! ¡Kjindiaá sa̱ꞌínkjiéjnú ngayejejnú! ¡Ti̱nde jákjíndí xi̱xi̱i̱, ti̱nde xota̱ xi xchaá si̱ꞌanjetakónjiín nga si̱ꞌankꞌien!

2 Timoo̱ 4:17

Ta̱nga Ndi̱a̱ná kisꞌijñajo̱na, kó katsjána ngaꞌniú, tsi̱ꞌe̱ nga kamána nga íni̱jmì án eén Néná, kó tsintꞌié ngayeje xota̱ xi jundío̱jiín. Bo̱a̱ tsꞌén nga Néná tsꞌaxiéꞌána nga kiniꞌánkꞌiénjínna.

2 Xo̱jo̱o̱n Peé 1:20

Tjón ngatamakjínjnú kui nii̱, nga ngojín én xí Néná tsáyà xi kjitꞌa kui xo̱jo̱n eén Néná xi ka̱ma si̱ꞌankjién xikótsꞌèn mejénná ñá.