Eklesiastee̱ 7:16 - Xo̱jo̱n eén Néná

¹⁶ Ngata̱ tsꞌatiojín kixi̱ niꞌín ji yojòo̱, ti̱nde nga tsꞌatiojín kjínkón má ji, ngatꞌa̱ míkjo̱a̱a̱ nga si̱ꞌincheje ji yojòo̱.

Eklesiastee̱ 7:16 ပူးပေါင်းရင်းမြစ်များ

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Joo̱b 11:12

»Xota̱ xi ta̱chiboaa̱, kjiꞌá boá nga ka̱makjínkón, kjiꞌanga ngo bórró chjo̱on ku̱i̱ꞌé ngo ndí xí xota̱ ka̱ma.

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Énkjínkón 23:4

Ngata̱ niꞌínmejénjín ji nga ka̱macho̱n ji, ta̱sá nda ti̱ꞌinkjé jí, kó tꞌíjñímasin ji kui nii̱.

Énkjínkón 25:16

Tsi ntsjién kasakoo̱, ngata̱ tsꞌatiojín chini ji, ngatꞌa̱ tsájmi̱ sa̱ꞌíntsꞌe̱e̱ tsobo̱a̱.

Eklesiastee̱ 12:12

Ji ndí ndí tsa̱ꞌa̱n, ingo ni ngase kjo̱a̱a̱ ni xi je kandokjo̱a̱a̱, ngatjaꞌátsjiee̱n nga jmíni̱xtjin fetꞌanii̱ nga niꞌánꞌindó kjín xo̱jo̱n, kó nga fenda yojoná nga ta̱nisién ꞌniú chjátꞌayá.

Matioo̱ 23:29

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ niꞌándajnúu̱ nga̱tsjo̱ó já chji̱ni̱e̱ꞌe̱én Néná, kó niꞌánnaxójnú nínga kjiyojonijín xota̱ xi kixi̱ kamá,

Matioo̱ 23:38

Ngotꞌe̱ ꞌne̱, ngi̱ndiejnú kꞌuijñámasien.

Matioo̱ 23:5

Ngatꞌa̱ tsꞌén ngayeje nii̱, tsi̱ꞌe̱ nga xotaa̱ sku̱i̱e̱ ko̱jo ku̱i̱ꞌíndikón, kuíni nga tjín én xí kjitꞌa xo̱jo̱n eén Néná xi ꞌbítꞌa ngo ndí xo̱jo̱n, sꞌe̱ ngo koxa̱ tji̱xin mindyiá, sꞌe̱ xtjien ko̱jo tjiaa̱ ꞌbítꞌa, kó sa yiꞌi, sa yiꞌi tsꞌén kuí koxa̱a̱ ko̱jo tsje̱je̱é ńjñoo̱, tsi̱ꞌe̱ nga ngayeje xotaa̱ sa̱ꞌínkjó nga ta̱nisién bendikón Néná,

Matioo̱ 9:14

Kósꞌe̱ jachókoón Kjisoo̱ xota̱ tsi̱ꞌe̱ Jua̱ xi botíndaá, kó bi̱ katsoó: –Míkjo̱a̱a̱ nga ji̱n ko̱jo já fariseoo̱ kjín ndi̱yà niꞌánkjaꞌajne̱ kjindiá yojojne̱, kó xota̱ tse̱ tsꞌenkjaꞌájín kjindiá yojoo̱.

Rkaa̱ 18:12

jó ndi̱yà tsꞌenkjaꞌa an kjindiá yojona nga ngo xomana̱, kó tsja an tie nga úchán to̱n xi tsꞌen an.”

Xota̱ Roma̱ 10:2

Ngatꞌa̱ an xiyà an nga kui xotaa̱ achichí tsꞌénchíni̱tꞌaa̱ Néná, ta̱nga kamákjínjiín nga Néná maá tsꞌénkixi̱ xotaa̱.

Xota̱ Roma̱ 11:25

Jún ntsꞌie, mejénna nga xcha̱jnú ngo ni xi tjiꞌmá, tsi̱ꞌe̱ nga nkꞌa nga jejín ko̱ꞌna̱xiéjnú ti̱ juún yojojnú: Nga kjín xota̱ xi chji̱a̱ni Israee̱l xi je kamákitikjo̱a̱, ngaskande nga sa̱ko̱ó ngi̱ndie ngindyi̱ko̱n Néná ngayeje xota̱ xi jundío̱jín xi chjiéngá kjo̱tjoꞌa.

Xota̱ Roma̱ 12:3

Kuí nii̱ xi xian an kjo̱a̱a̱ ngayeje kjo̱a̱nda xi katseꞌéna, míꞌájnúꞌun nga jejín ꞌnaxié ngasejnú yojojnú, ta̱sá ti̱ juún ti̱ꞌankjó cha̱n cha̱njnú xikó kjiꞌi kjo̱a̱sꞌijin xi katsjájnú Néná nga ngo nga ngojnú.

1 Xota̱ Korinto̱ 3:18

Ngata̱ ngojín xi ꞌboṉcha̱jo yojoo̱, tsi tjín ngi̱jinjnú ngo nda̱ xi nda̱ kjínkón kjimaa̱ yojoo̱, xikoó xota̱ kjínkoón kui nga̱sondiee̱, ta̱sá xikoó tsi ngo xota̱ xi jmí ni bejín nga tsꞌén yojoo̱, tsi̱ꞌe̱ nga ngo nda̱ xi kjínkón ja̱koxi̱ ka̱ma.

1 Xota̱ Korinto̱ 3:20

Kó ti̱ bi̱ ti̱ tsꞌén tjítꞌa nga: “Ndi̱a̱ná be nga kjo̱a̱kjíntakoón xota̱ xi kjínkoón ta̱ kjo̱a̱ndaní bo̱a̱.”

Xota̱ Filipo̱ 3:6

Achichí ꞌniú askóo̱n nga katsꞌenkjatjosón an kjo̱a̱kitii̱, nga ngaskande tsangatji̱ngíi̱ xota̱ na̱ngo̱xi̱i̱. Kixi̱ kisꞌijña an xikótsꞌèn bokoyá kjo̱a̱kitii̱. Jmíjín xi chꞌo tsꞌén tsíchji̱a̱taꞌinna.

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

Xota̱ Kolosa̱ 2:23

Ja̱ma xi ja̱koxi̱ makjiín maa̱ nga bo̱a̱ tsꞌén chji̱a̱, ngatꞌa̱ tsꞌénkjo̱a̱ꞌniuú xotaa̱ nga sku̱i̱e̱ndikón Néná, ko̱jo nga ni̱ma̱kjo̱a̱ ka̱ma, ko̱jo nga sa̱ꞌínkjaꞌatio kjo̱a̱ni̱ma̱ yojoo̱, ta̱nga jmí ni chjíjiín kui nii̱ tsi̱ꞌe̱ nga ko̱síko̱joná nga ꞌbíchjaá ni xi míꞌá yojoo̱.

1 Timoo̱ 4:3

Kui xotaa̱ tsja̱ndièjín nga ku̱i̱xan xotaa̱, kó tsja̱ndièjín nga ka̱ma xi̱ni̱e̱ kaꞌa, nichinie xi Néná katsꞌénda nga ka̱ma skji̱ni̱e̱ xota̱ xi sꞌijii̱n Néná, kui xi je be ja̱koxi̱i̱, kui xi tsjaá ndokꞌóchjì Néná kjo̱a̱a̱ ngayeje nii̱.

Ni xi akakoo̱ 18:19

Kó xa̱ iskjitjónjón to̱ko̱, ko̱jo askjandá, ko̱jo ni̱ma̱ katsó, kó bi̱ katsó nga askjandáyà: –¡Ni̱ma̱ xò, ni̱ma̱ xò ji, na̱xi̱ńdáꞌniú! Kjo̱a̱cho̱n xi kamácho̱nni ngayeje xi kisꞌiee̱ tjotso yiꞌi ngi̱jin ndáchíkoón, ta̱ ngo tsí ora̱ nga kiniꞌánkjié.