Eklesiastee̱ 7:15 - Xo̱jo̱n eén Néná

¹⁵ Ngayeje kui ni bi̱ xi je kamábe an kui ni̱xtjin xi ta̱kjo̱a̱ndaní xi je kisꞌijña an: xota̱ xi kixi̱ xi ta̱ngatꞌanii̱ kjo̱a̱kixi̱i̱ nga jesón, ko̱jo xota̱ xi ndajín xi achichí tsie maá, ndatsi ndajín ndyi̱tsꞌèn.

Eklesiastee̱ 7:15 ပူးပေါင်းရင်းမြစ်များ

Jenesii̱s 47:9

Kó Jakoo̱b, bi̱ katsoó nda̱ ree̱: —Úchán ko̱jo kantié nó tjínna nda̱ re nga ja̱kꞌi̱e̱ ja̱ngaján tsꞌénfí an. Ndatsi tsie kjo̱a̱ni̱ma̱ tsꞌénfoaꞌatio an, ta̱nga kji̱e̱ fochójín an xikó kjiꞌi nó kisꞌińdo xota̱ xi xchána.

Xo̱jo̱n Salmoo̱ 10:3

Ngatꞌa̱ xota̱ xi ndajiín, achichí nkꞌa maá yojoo̱ kjo̱a̱a̱ ni xi mejeén ini̱ma̱a̱, kó xota̱ xi xki̱ꞌá to̱o̱n, chꞌo tsoó ko̱jo tsꞌenchꞌó Néná.

Xo̱jo̱n Salmoo̱ 39:6

Ta̱ xikónií tsi ngo ni xi ja̱koxi̱, nga síndo xotaa̱ kui nga̱sondiee̱, ta̱kjo̱a̱ndaní nga ki̱a̱ mongatji̱ngii̱ tjo̱o̱, ngatꞌa̱ tsie kjo̱a̱cho̱n foaꞌátjó, ta̱nga nde bejín ꞌyá xota̱ xi tsi̱ꞌe̱ ka̱ma kui nii̱.

Eklesiastee̱ 2:23

Ngatꞌa̱ ngayeje ni̱xtjin nga kjo̱a̱ni̱ma̱ tsꞌénfoaꞌatio, nga katsꞌén xá xí tsjajín kamaá nga katsꞌén, kó ndatsi nga jñoó nde jmí kjo̱a̱xió kisꞌiejiín ini̱ma̱a̱. ¡Kó kui nii̱, ti̱ ta̱kjo̱a̱ndaní bo̱a̱ nga!

Eklesiastee̱ 3:16

Kó ti̱ kamábe ngase an ni kui nga̱sondiee̱, ni xi ndajín xi ma ki̱a̱ nínga botíjeé xotaa̱, ko̱jo ni xi ꞌniú ndajín xi ma ki̱a̱ nínga kixi̱tsꞌèn mandajin kjo̱a̱xtii̱ xotaa̱.

Eklesiastee̱ 6:12

Nga ja̱koxi̱, jmíjín xi be mí ni xi nda ngase ka̱maa̱ xota̱ nga̱sondiee̱ kjo̱a̱a̱ ngayeje ni̱xtjin xi je tjixki̱ nga kꞌuijñá kui nga̱sondiee̱ xi ta̱kjo̱a̱ndanií. Ngatꞌa̱ foaꞌa ni̱xtjii̱n xikó maá tsi ngo tji̱nkꞌi̱én. Kósꞌe̱, ꞌyá xi ka̱tso̱yaa̱ ni xi ka̱ma kui nga̱sondiee̱ ngije kꞌien kui.

Eklesiastee̱ 9:9

Tsjatsꞌèn ti̱ndyinje̱ ji chjo̱on xí tjoó, ngayeje ni̱xtjin nga ku̱i̱ndyin ji kui nga̱sondiee̱, ngayeje kui ni̱xtjin xi ta̱kjo̱a̱ndanií, ngatꞌa̱ kuí boá kui nii̱ xi tsoboaá, ko̱jo xá xí kꞌuiníi̱ yojòo̱ kui nga̱sondiee̱.

Juaa̱ 16:2

Ku̱i̱yotjíngíjnú ndiꞌa nínga ndokjo̱a̱ eén Néná, kó ngaskande kjo̱chó chi̱bo̱a̱ nga tjín xí sa̱ꞌínkꞌiénjnú, kó sa̱ꞌínkjó nga xaá Néná xí tjítsꞌén.

Ni xi kamá 7:52

ꞌYání bo̱a̱ nda̱ chji̱ni̱e̱ꞌe̱én Néná xi chꞌójín katsꞌénjo̱ xota̱ tji̱e̱ xchájnú. Kó katsꞌénkꞌién xota̱ xi katsóyà nga kjo̱e̱ꞌe ngo nda̱ xi kixi̱, xi ti̱ juún ngotꞌe̱ ꞌne̱ kiniꞌánkꞌasꞌienjnú ngi̱ya tsja xota̱ jé, kó kiniꞌánkꞌiénjnú,