Eklesiastee̱ 7:14 - Xo̱jo̱n eén Néná

¹⁴ Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Eklesiastee̱ 7:14 ပူးပေါင်းရင်းမြစ်များ

Joo̱b 2:10

Ta̱nga Joo̱b, bi̱ katsoó: —¡Jmí chjo̱ón! Ngata̱ bo̱a̱jín tsó kjo̱a̱chi̱ni xi ndokjo̱e̱ ji. Tsi niꞌánjo̱ꞌó ñá ngayeje ni nda xi tsjáná Néná, ja̱ ti̱ chjiéngá si̱ꞌanjo̱ꞌo ni xi ndajiín nga. Kó ndatsi bo̱a̱ kjiꞌi ngayeje ni xi je kamaá Joo̱b, katsꞌénjéjín nga chꞌo katsoó Néná.

Xo̱jo̱n Salmoo̱ 119:71

Nda kiniꞌín ji nga kjo̱a̱ni̱ma̱ kiniꞌínkjeꞌení, ngatꞌa̱ bo̱a̱ tsꞌén kamákjínna kjo̱a̱bokoyáa̱.

Xo̱jo̱n Salmoo̱ 40:3

Kósꞌe̱ ngo só tja̱tsi̱e̱ íjñá ngi̱ya ndso̱ꞌba án, ngo só xi nda nga niꞌántsjaá Néná. Achichí má xota̱ xi sku̱i̱e̱ kui nii̱, kó sku̱i̱e̱ndikón, kó kamáꞌniátakón Néná.

Eklesiastee̱ 10:14

Nda̱ xi kitikjo̱a̱a̱ achichí kjín én xí chji̱a̱, ndatsi nde ngojín xi be mí ni xi ka̱ma, ti̱nde ta̱ꞌyajín xi ka̱tso̱yaa̱ ni xi jaskan ka̱ma.

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 12:13

Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Eklesiastee̱ 12:8

Ta̱kjo̱a̱ndaní, ngayeje nii̱ xi ta̱kjo̱a̱ndaní, katsó Nda̱ xi Tsáyà Eén, ngayeje nii̱ xi ta̱kjo̱a̱ndaní.

Eklesiastee̱ 3:22

Kuíni nga jè kamábe an, nga jmíjín ingo ni xi nda ngase nga tsja ka̱maa̱ xota̱ nga̱sondiee̱ kjo̱a̱a̱ xaá, ngatꞌa̱ kuí bí kui nii̱ xi tsoboaá nga sa̱ꞌín, ngatꞌa̱, ꞌyá xí kjo̱e̱ꞌéjo̱ nginí kui nga̱sondiee̱ tsi̱ꞌe̱ nga sku̱i̱e̱ ni xi kamá jaskan ngije kꞌien.

Eklesiastee̱ 3:4

Ni̱xtjin nga ka̱ma xchaꞌá, ko̱jo ni̱xtjin nga ka̱ma ko̱jno̱, ni̱xtjin nga ka̱ma ku̱i̱tjá xa̱ꞌya̱, ko̱jo ni̱xtjin nga ka̱ma xcha̱.

Eklesiastee̱ 5:17

Kó ngayeje ni̱xtjin nga kꞌuijñá, kꞌuijñá xikoó tsi nínga jñó tikón, kó ndasen ka̱maa̱, kꞌuieé xi so xi ndakjan, kꞌuieé chiꞌin, ko̱jo kjo̱a̱xti.

Eklesiastee̱ 8:7

ngatꞌa̱ nde bejín mí ni xi ka̱ma jaskan, kó ngije ka̱ma kui nii̱, ꞌyá xí ka̱tso̱yaa̱ mí nii̱ bo̱a̱.

Eklesiastee̱ 9:7

¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Kjo̱a̱chaꞌaá 3:38

A mí tsí nga tsꞌoa Néná boá nínga fotjo ngayeje ni xi ndaa̱ ko̱jo ni xi ndajiín nga.

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ndeuteronomio̱ 26:11

Jaskan ngije kamá kui nii̱, ngo sꞌué sa̱ꞌín tsi̱ꞌe̱ nga tsja̱á ndokꞌóchjì Néná kjo̱a̱ ni xi Néná katsjaá kuí ko̱jo xota̱ ndiꞌaa̱. Nga ka̱ma kui sꞌueé chjiéngá ka̱tso̱yaa̱ tsi̱ꞌe̱ nga ko̱e̱je̱ chináꞌmii̱, ko̱jo xota̱ xi ta̱ ngotjón síndo ki̱a̱ na̱xi̱ńdaá.

Ndeuteronomio̱ 28:47

ngatꞌa̱ Néná nda katsꞌénjo̱jnú katsaki, ta̱nga jún kandaꞌyáꞌénjínjnúu̱, ti̱nde kiniꞌántsjájínjnúu̱ nga tsja kisꞌiejnú ko̱jo nga kixi̱ kamájnú.

Ndeuteronomio̱ 8:3

Jè katsꞌénkjaꞌájnú kjindiá, ta̱nga katsjájnú nichinie xi kjindibájénni ndiꞌakꞌajmii̱, ngo nichinie xi ti̱nde jún, ti̱nde xota̱ xi xchájnú kamábejín. Kó kui nii̱ xi katsꞌén Néná nga akóyájnú, tsi̱ꞌe̱ nga ndatsi kꞌuiéjínjnú nichinie, ta̱nga ka̱ma ka̱maꞌniátakónjnú ni xi katsóyàtjón ko̱jo eén, tsi̱ꞌe̱ nga ku̱i̱ndyionjnú nga̱sondie.

Ndeuteronomio̱ 8:5

»Tsi Néná katsꞌénchji̱ni̱e̱jnú, ngatamakjínjnú nga kui nii̱ xi katsꞌén ngatꞌa̱ tjoó jún, xikó tsꞌénjo̱ ndií ngo na̱ꞌmi.

Xo̱jo̱o̱n Sandiyaá 5:13

A tjín ngi̱jinjnú xota̱ xi kjo̱a̱ni̱ma̱ tsꞌénfoaꞌatio. Ngatíchji̱a̱a̱ Néná. A tjín xi tsja tjiín. Nga siee̱ só xi ndaa̱ Néná.