Eklesiastee̱ 7:1 - Xo̱jo̱n eén Néná

¹ Chjí ngasenii̱ kjo̱a̱yandikoón, ta̱bo̱a̱jiín ndásíje̱n xi nda ngasee̱. Chjí ngasenii̱ ni̱xtjin nga mayá, ta̱bo̱a̱jiín ni̱xtjin nga tsen.

Eklesiastee̱ 7:1 ပူးပေါင်းရင်းမြစ်များ

Joo̱b 3:17

Ki̱a̱ kjo̱a̱bo̱yaa̱, xota̱ xi ꞌniú ndajiín, ngiti̱ jmí ni májiín tsꞌén ngase, kó ki̱a̱ boá nínga tsꞌénkjaꞌyá xota̱ xi je jendaa̱.

Xo̱jo̱n Salmoo̱ 133:2

Achichí tsjákjiꞌi nga yà kuí nii̱, bo̱a̱ fóyanii̱ xikó maá kui ndásíje̱n nda xi botiéjón to̱ko̱ já chináꞌmii̱, kui xi ndibajénni ndeskande to̱ko̱, kó fochó ngaskande se.

Énkjínkón 15:30

Kjiꞌanga nda ndyi̱a̱ ndyikón, achichí tsjá maá ini̱ma̱ná, kó nga ndaꞌyáa̱ ngo én xí nda, kuí nii̱ xi tsjangaꞌniúná.

Énkjínkón 22:1

Ndakjiꞌi ngase nga xcha̱ndikónná, ta̱bo̱a̱jiín nga ꞌniú cho̱n ka̱má, ngatꞌa̱ ngo xota̱ xi tjó niꞌánjo̱, chjí ngasenii̱ ta̱bo̱a̱jiín to̱ntiboaa̱ ko̱jo to̱nsinieé.

Énkjínkón 25:10

ngatꞌa̱ kó tsita̱ tjín xí ku̱i̱ntꞌie̱é kó kjo̱a̱soboá sa̱ꞌínkjaꞌaa̱, kósꞌe̱ ngiti̱ jmíjín xi nda ku̱i̱chji̱a̱ kjo̱a̱a̱ ji.

Énkjínkón 27:9

Ndásíjee̱n ko̱jo ni xi nangijon yojoná tsjatsꞌèn tsꞌénkꞌijñá ini̱ma̱ná, kó ngo amingo̱ xi nda ko̱tíxománá, kuí boá xi tsjáná kjo̱a̱tsja.

Eklesiastee̱ 10:1

Xikótsꞌèn nga chisien xi je kꞌiee̱n kuí boá xi tsꞌénkjátsón ndásíje̱n xi kui soboá soboaá, bo̱a̱ tsꞌén ngo kjo̱a̱chi̱ni, ndajín tsꞌén tsꞌénkꞌijñá ngo nda̱ xi kjínkón ko̱jo xi yandikón.

Eklesiastee̱ 4:2

Kósꞌe̱ kamábendikón án xota̱ xi je jesoón, ngatꞌa̱ kui xota̱ xi je jesoón tjín ngasee̱ kjo̱a̱tsja, ta̱bo̱a̱jiín xota̱ xi to̱kó síndo ngasee̱.

Eklesiastee̱ 7:8

Chjí ngasenii̱ nga ndatsꞌèn si̱ꞌankjietꞌani ngo ni, ta̱bo̱a̱jiín nga ndatsꞌèn ku̱i̱ꞌítsꞌi̱yanii̱. Chjí ngasenii̱ ngo xota̱ xi koyakjo̱a̱, ta̱bo̱a̱jiín ngo xota̱ xi nkꞌakon.

Én xí nda xi ꞌniú tsjatsó ngasee̱ 1:3

Achichí sije̱n mana ji, xikó má je̱n ndásíjèe̱n, ngatꞌa̱ jaꞌée̱n, xikónií tsi ngo ¡ndásíje̱n xi katjon! ¡Kuíni nga ínchjín xo̱ngo̱ò, achichí mejeén ji!

Én xí nda xi ꞌniú tsjatsó ngasee̱ 4:10

¡Achichí tsjatsꞌèn niꞌíndajìnní, jí ndí ndíchja, jí ndí chjo̱onna! ¡Ixi ngase niꞌínje̱ní, ta̱bo̱a̱jiín xikótsꞌèn ixi binoo̱, kó sije̱n ngase ji, ta̱bo̱a̱jiín ngayeje ndásíje̱n xi tjiín!

Jonaa̱ 4:3

Kuí ni xi̱ꞌba̱ xi tsjajín mána an, ta̱sá mejénna nga ti̱ꞌinkꞌinní ngotꞌe̱, tsi bo̱a̱ si̱ꞌin ji, ta̱sá ti̱ꞌinkꞌinní.

Rkaa̱ 10:20

Ta̱nga nga tsjajín májnú kjo̱a̱a̱ nga a̱si̱énni̱xtjii̱n xindajín ku̱i̱ntꞌiéꞌénjnú, ta̱sá tsja ngatamajnú kjo̱a̱a̱ nga jaꞌénjnú je kjitꞌa ndiꞌakꞌajmi jàn.

Juaa̱ 13:2

Kó nga ndyi̱kjinie ṉño̱ nga kamájñoó, xindajín ndiabloo̱ ja̱bo̱a̱ je tsꞌasꞌieén ngi̱jin ini̱ma̱a̱ Junda̱ Iskariotee̱, tsi̱ꞌe̱ nga sa̱ꞌínkꞌasꞌien Kjisoo̱,

2 Xota̱ Korinto̱ 5:1

Ngatꞌa̱ ñá jè ya nga yojoná xikónií tsi ngo ndiꞌańjño xi tindyionyá kuí nga̱sondiee̱. Kó nga kjo̱tsòn kuí ndiꞌańjñoo̱, ya nga ndiꞌakꞌajmi jàn tikónna ngo ndiꞌa xi tikón ngatsjéni̱xtjin xi tsjáná Néná, ngo ndiꞌa xi jmí tsi tsja xota̱ kamándani.

2 Xota̱ Korinto̱ 5:8

Kjimaꞌniátakón ñá kó mejénná nga kꞌuijñámasien kui yojo xchaá, tsi̱ꞌe̱ nga nínga tikón Ndi̱a̱ná konginkíndyión.

Xota̱ Ebreo̱ 11:2

Ta̱ngatꞌanii̱ nga kisꞌijii̱n Néná, kuíni nga xota̱ tji̱e̱ xcháná nda tsꞌén kandokjo̱a̱ kjo̱a̱a̱ kui.

Xota̱ Ebreo̱ 11:39

Ngayeje kui xotaa̱, nda tsꞌén kandokjo̱a̱ kjo̱a̱a̱ kui nga kisꞌiee̱ kjo̱a̱sꞌijin, kó Néná katsꞌénjo̱ꞌo, ta̱nga kasakojiín ni xi Néná katsóyàtjón nga tsja̱á.

Ni xi akakoo̱ 14:13

Kó tsintꞌie an ngo nda̱ xi kjindibáni ndiꞌakꞌajmii̱ xi bi̱ katsóna: –Títꞌe ji xo̱jo̱n kui nii̱: “Achichíra̱tsjaa̱ kui xota̱ xi ko̱yà nga je katsꞌéngojo̱ yojoo̱ Ndi̱a̱ná ngayeje kui ni̱xtjin xi fií.” “Jo̱o̱n, tsó A̱si̱énni̱xtjii̱n, sa̱ꞌínkjaꞌyájo̱ kjo̱a̱ni̱ma̱ ko̱jo kjo̱a̱niꞌii̱n, ngatꞌa̱ Néná tsja̱á ngo chjí kjo̱a̱a̱ ni nda xi je katsꞌén.”

Na̱ Ruu̱t 3:14

Kó na̱ Ruu̱t ki̱a̱ kisꞌietꞌaa̱ Boo̱, kósꞌe̱ kisꞌifé. Nga kamángindyiojón ti̱ jñóyà ngase nga jastjíe̱n na̱ Ruu̱t, bo̱a̱ katsꞌén ngatꞌa̱ Boo̱ kamámejénjiín nga tjín xí sku̱i̱e̱ nga ngo na̱ jachókjajñá nínga tikón ngi̱ndie nínga tsꞌénxá. Ta̱nga ngindiee̱ nga ko̱e̱je̱ ndí na̱xi̱ńdáꞌniú Belee̱n,