Eklesiastee̱ 5:9 - Xo̱jo̱n eén Néná

⁹ Kó ingo ni ngase, ni xi tsjá tꞌanangii̱ ngayeje xota̱ na̱xi̱ńdaá xi nda maá, kó ngaskande ti̱ kuii̱ nda̱ ree̱ koyakjo̱a̱a̱ tꞌanangii̱ nga.

Eklesiastee̱ 5:9 ပူးပေါင်းရင်းမြစ်များ

Xo̱jo̱n Salmoo̱ 115:16

Ngayeje nkꞌajmii̱, tsi̱ꞌe̱ Néná boá, kó ñá boá xi katsjáná tꞌanangii̱ nga kamáꞌniátakónná.

Énkjínkón 13:23

Ngi̱jin kꞌijñaá xota̱ ni̱ma̱a̱, achichí nichinie ꞌbeé, ta̱nga chaja kuí nii̱ kjiꞌanga kixi̱jín niꞌánseén xotaa̱.

Énkjínkón 28:19

Xota̱ xi tsꞌénxájin tꞌanangii̱, tsie nichinie kꞌuieé, ta̱nga xota̱ xi tsꞌénkámajo̱ xota̱ xi tsiꞌeé, ni̱ma̱ tsꞌén kꞌuijñá.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 5:10

Xota̱ xi tjoó to̱o̱n, tsꞌéntsiejiín to̱o̱n, kó xi tjoó kjo̱a̱cho̱o̱n, jmíni̱xtjin nga tsie kjo̱a̱cho̱n sakoó. Kó kui nii̱ ti̱ ta̱kjo̱a̱ndaní bo̱a̱ nga,

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Eklesiastee̱ 6:7

Ngayeje xá xí tsꞌén xota̱ nga̱sondiee̱, ta̱ tsi̱ꞌe̱ nga skji̱ni̱e̱ ko̱jo nga kꞌuí tsí, kó ngaskande bo̱a̱ tsꞌén jmíni̱xtjin tsiee̱.