Eklesiastee̱ 5:8 - Xo̱jo̱n eén Néná

⁸ Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Eklesiastee̱ 5:8 ပူးပေါင်းရင်းမြစ်များ

Joo̱b 24:23

Ngotꞌe̱ ꞌne̱ tsjandieè nga ꞌniú síndo, ta̱nga ngatsjéni̱xtjin nga ki̱a̱ tsꞌénkotsijee̱n.

Xo̱jo̱n Salmoo̱ 12:5

Ta̱nga ta̱ngatꞌanii̱ nga ndajín kjimataꞌin xota̱ ni̱ma̱a̱, ko̱jo ta̱ngatꞌanii̱ nga ni̱ma̱ ndyi̱tsó xota̱ xi ni̱ma̱kjo̱a̱a̱, kuíni nga bi̱ kase ji: «Ngotꞌe̱ ꞌne̱ kjo̱stjíe̱n mára an, tsi̱ꞌe̱ nga skóo̱n xota̱ xi tjímojnóchaá».

Xo̱jo̱n Salmoo̱ 55:9

Ti̱ꞌinkjatsén ji Ne, ti̱ꞌintsobéjìi̱n ni xi ndyi̱chji̱a̱, ngatꞌa̱ jè kamábe an nga ki̱a̱ ngi̱jii̱n na̱xi̱ńdáꞌniuú ta̱ kjo̱a̱bixkán ko̱jo ni xi ndajín tsí xi tjín.

Xo̱jo̱n Salmoo̱ 82:1

Néná boá xi tikóntjoón kui ngi̱ndie nínga botíxoma xi tikón ki̱a̱ nkꞌajmii̱, kó ngamasiee̱n ngayeje ne xi ki̱a̱ síndoo̱, kuí boá xi tsꞌénjeé:

Xo̱jo̱n Salmoo̱ 83:18

¡Kó ngatamabe nga ta̱ jí tsí, ji xi ꞌmií Néná, nga jí boá xi Néná xí tikón nkꞌajmii̱ xi tsꞌénbotixómaá ngayeje nga̱sondiee̱!

Xo̱jo̱n Salmoo̱ 95:3

Ngatꞌa̱ Néná, achichí ngaꞌniú xí tjiín, ¡kó kuí boá ngo re xi nkꞌa ngase xaá, ngi̱jii̱n ngayeje ne xi ngasee̱!

Énkjínkón 22:16

Xota̱ xi tsꞌénchéjeé xota̱ ni̱ma̱a̱ tsi̱ꞌe̱ nga kꞌuié ngasee̱ to̱n, nga kju̱i̱e̱tꞌaa̱ kuí xí ni̱ma̱ tsꞌén kꞌuijñá ngase.

Énkjínkón 24:12

Ngatꞌa̱ tsi bi̱ sé jí: Yajín ji̱n kui nii̱. Kó a ka̱makjínjínrií kui Néná xí kotꞌa ini̱ma̱a̱. Kui xi kotsijee̱n ko̱jo xi bee ji. Ti̱ ka̱márií sku̱i̱e̱ kui nii̱ nga, ¡kó kuí boá xi tsja̱á ni xi tsoboaá xotaa̱ kjo̱a̱a̱ ni xi katsꞌén nga ngo nga ngo!

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Eklesiastee̱ 3:16

Kó ti̱ kamábe ngase an ni kui nga̱sondiee̱, ni xi ndajín xi ma ki̱a̱ nínga botíjeé xotaa̱, ko̱jo ni xi ꞌniú ndajín xi ma ki̱a̱ nínga kixi̱tsꞌèn mandajin kjo̱a̱xtii̱ xotaa̱.

Eklesiastee̱ 4:1

Kósꞌe̱ ti̱ askotsijen ngiñá an, kó kui nii̱ xi kamábe an: Achichí má xota̱ xi tjíꞌbiniéꞌniuú xá, kuí nga̱sondiee̱, kó kui xota̱ xi bo̱a̱ ndyi̱tsꞌe̱én, kuí boá xi botixómaá, ndyi̱kjandà xotaa̱, kó nde jmíjín xi tsꞌéndájoón.

Eklesiastee̱ 5:9

Kó ingo ni ngase, ni xi tsjá tꞌanangii̱ ngayeje xota̱ na̱xi̱ńdaá xi nda maá, kó ngaskande ti̱ kuii̱ nda̱ ree̱ koyakjo̱a̱a̱ tꞌanangii̱ nga.

Eklesiastee̱ 7:7

Xota̱ xi kjínkoón xikónií tsi ngo xota̱ xi chi̱ni ka̱ma kjiꞌanga tjín xí tsja̱á ngo to̱n, tsi̱ꞌe̱ nga tjín xí kjo̱a̱ndaa̱ ko̱e̱je̱ni, ngatꞌa̱ kui to̱o̱n, kuí boá xi sa̱ꞌínkjatsón ini̱ma̱a̱.

Eklesiastee̱ 8:9

Ngayeje kui nii̱ xi je kamábe an kjiꞌanga tsangasendi̱yàa̱ ngayeje ni xi niꞌán kui nga̱sondiee̱, ko̱jo xikó kjiꞌi ngaꞌniú xí tjiín xota̱ nga̱sondiee̱ nga ni xi ndajín tsꞌénjo̱ xkjín.

Rkaa̱ 1:32

Kuí xí ꞌniú nkꞌa ka̱ma xaá, kuí xí ndií Néná xí tikón ndiꞌakꞌajmi jàn kꞌuiín, kó Ndi̱a̱ná kui xi Néná, tsja̱à nga ko̱tíxoma xikoó Ndabii̱, kui xi xota̱ tji̱e̱e̱,

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 1:76

Kó kjo̱a̱a̱ ji nga ꞌne̱, ndí ndí tsa̱ꞌa̱n, nda̱ chji̱ni̱e̱ꞌe̱én Néná xí tikón ndiꞌakꞌajmi jàn kꞌuiín jí, ngatꞌa̱ jí xí ku̱i̱ṉtje̱tjée̱n Ndi̱a̱ná, nga kꞌuijñínde ji ndi̱yà xí tsi̱ꞌe̱,

Ni xi kamá 12:23

Ti̱ kuii̱ chi̱bo̱a̱ ngo ndítsjiee̱ Néná katsjaá ngo chiꞌin Erondee̱, ngatꞌa̱ katsjájiín kjo̱a̱je Néná, kó chi̱ndo katsꞌénkjié nga kꞌien.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.

Xo̱jo̱o̱n Sandiyaá 2:13

Ngatꞌa̱ ni̱xtjin nga Néná sa̱ꞌíndajin kjo̱a̱a̱, ni̱ma̱jín ka̱maa̱ xota̱ xi ni̱ma̱jín kamaá kje̱ꞌe xota̱. Ta̱nga kui xota̱ xi ni̱ma̱ kamaá kje̱ꞌe xota̱, sa̱kójiín kjo̱a̱botíjeé Néná kui ni̱xtjii̱n.

1 Xo̱jo̱o̱n Peé 4:12

Jún ndí ntsꞌie xi tjóna, ngata̱ fíndikónjínjnú kjo̱a̱a̱ kjo̱a̱chjatꞌayákón xi ndyi̱bitjajinjnú, xikoó tsi ngo ni xi yàjínjnú ka̱majnú.

1 Xo̱jo̱o̱n Juaa̱ 3:13

Ndí já ntsꞌie, ngata̱ fíndikónjínjnú tsi xotaa̱ kui nga̱sondiee̱ sa̱ꞌínchꞌójnú.