Eklesiastee̱ 5:13 - Xo̱jo̱n eén Néná

¹³ Jè kamábe an nga kui nga̱sondiee̱ nga ndajínkjiꞌi nga tsie to̱n chja̱ꞌátjó, ngatꞌa̱ kuí boá kui nii̱ xi ndajín tsꞌeén xota̱ xi bo̱a̱ tsꞌeén.

Eklesiastee̱ 5:13 ပူးပေါင်းရင်းမြစ်များ

Jenesii̱s 14:16

Kó bo̱a̱ tsꞌén Abra̱n íjñandé nginí Loo̱t, ndií ntsꞌi̱e̱, kó kasako nginií ni xi kachjeꞌéxiín, ko̱jo ínchjiín ko̱jo xota̱ xi ngasee̱.

Jenesii̱s 19:14

Kósꞌe̱ jataxie Loo̱t, kó tsíchji̱a̱jo já xí ka̱ma xkandaa̱, kó bi̱ katsoó: —¡Tsá ti̱sítji̱e̱njnú! ¡Kó tja̱tjójnú kui ngi̱ndiee̱, ngatꞌa̱ Néná jè sa̱ꞌínkjié kui na̱xi̱ńdaá! Ta̱nga kui já xí ka̱ma xkandaa̱ Loo̱t, ta̱ tsajnókie.

Jenesii̱s 19:26

Ta̱nga chjo̱ón Loo̱t katsꞌénkꞌafóyá nga askotsijen nga̱xto̱n, kó ndi̱jo̱ na̱xa̱ kamá ngayeje yojoo̱ kui xota̱chjo̱on.

Joo̱b 20:20

»Kuíni nga jmíni̱xtjin nga nda kꞌuíndo, kó nde ngo ni tsꞌenkꞌángíjín, ta̱ngatꞌanii̱ kjo̱a̱xké nii̱,

Énkjínkón 1:19

Nga fetꞌani, bo̱a̱ kjiꞌi ni xi maa̱ xota̱ xi xki̱ꞌáto̱o̱n, kui xi ta̱ngatꞌanii̱ kui nii̱ nga fesón.

Énkjínkón 1:32

Ngatꞌa̱ xota̱ xi jmí ni bejiín, achichí tsá fesón, ngatꞌa̱ mejénjiín nga xota̱ xi kjínkón ka̱ma. Kó xota̱ xi kitikjo̱a̱a̱, kjo̱a̱a̱ nga nda tjitjóninkꞌaa̱ yojoo̱ boá nga kju̱i̱e̱ni.

Énkjínkón 11:4

Kjiꞌanga kjo̱chó ni̱xtjin nga xcha̱ tsi nda ko̱jo tsi ndajín kiniꞌán, nde jmí ni ka̱machjíjiín kjo̱a̱cho̱o̱n, ta̱kuítsí kjo̱a̱kixi̱i̱ xi kꞌo̱xiéngíná ngi̱ya tsja kjo̱a̱bo̱yaa̱.

Énkjínkón 23:4

Ngata̱ niꞌínmejénjín ji nga ka̱macho̱n ji, ta̱sá nda ti̱ꞌinkjé jí, kó tꞌíjñímasin ji kui nii̱.

Énkjínkón 27:24

ngatꞌa̱ kjo̱a̱cho̱o̱n jmí tsi ngatsjéni̱xtjin nga sꞌijña, ti̱nde jmí tsi ngatsjéni̱xtjin nga ko̱tíxoma ngo nda̱ re,

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 5:14

Kó nga ngayeje kui to̱o̱n xi ka̱ma kju̱i̱e̱ tsi ndajín tsꞌén si̱ꞌanxájo̱, kósꞌe̱ kui xi cho̱n mára kamaá, nde ngiti̱ jmí ni kꞌuiéjiín xi ku̱i̱ꞌíjñaá ndií ngijee̱,

Eklesiastee̱ 8:9

Ngayeje kui nii̱ xi je kamábe an kjiꞌanga tsangasendi̱yàa̱ ngayeje ni xi niꞌán kui nga̱sondiee̱, ko̱jo xikó kjiꞌi ngaꞌniú xí tjiín xota̱ nga̱sondiee̱ nga ni xi ndajín tsꞌénjo̱ xkjín.

Rkaa̱ 16:19

Ngo nda̱ cho̱n kisꞌijña, xi achichí tsjakon ńjño tsajá, kó ndyiojón ndyiojón katsꞌén sꞌué, nga katsjá nichinie xi chjí.

Rkaa̱ 19:8

Kósꞌe̱ Sakeoo̱ kasasienkixi̱, kó bi̱ katsoó Ndi̱a̱a̱: –Ngotꞌe̱ ꞌne̱ Ndi̱a̱, masien ni xi tjínna tsjàa̱ ngayeje xota̱ ni̱ma̱a̱, kó tsi tjín káꞌá xota̱ xi katsꞌenchejée̱, nijón bo̱a̱ kjiꞌi tsjaꞌoyá ngiñáa̱.