Eklesiastee̱ 5:10 - Xo̱jo̱n eén Néná

¹⁰ Xota̱ xi tjoó to̱o̱n, tsꞌéntsiejiín to̱o̱n, kó xi tjoó kjo̱a̱cho̱o̱n, jmíni̱xtjin nga tsie kjo̱a̱cho̱n sakoó. Kó kui nii̱ ti̱ ta̱kjo̱a̱ndaní bo̱a̱ nga,

Eklesiastee̱ 5:10 ပူးပေါင်းရင်းမြစ်များ

Xo̱jo̱n Salmoo̱ 52:1

Ji nda̱ chꞌokon, míkjo̱a̱a̱ nga nkꞌakon ꞌnaxié yojòo̱ kjo̱a̱a̱ ni xi ndajín xi niꞌín ji. Kjo̱a̱ni̱ma̱takoón Néná tikón síkijí boá.

Xo̱jo̱n Salmoo̱ 52:7

«¡Tsitsíjenjnúu̱ kꞌi̱e̱e̱ kui nda̱ xi jmí tsi Néná tsangase nga tsja̱angaꞌniuú! ¡Ta̱sá kjo̱a̱cho̱n tsiee̱ xi kamáꞌniátakón, kó ꞌniú ngase kamá nga katsꞌén ni xi ndajín!»

Xo̱jo̱n Salmoo̱ 62:10

Ngata̱ ki̱a̱jín maꞌniátakónjnú ni xi ꞌniú ndajiín, ti̱nde ngata̱ ꞌbejínjnú kjo̱a̱chiyá kjo̱a̱a̱ kjo̱a̱chejeé, ndatsi ka̱matsie ngase kjo̱a̱cho̱njnú, nga ki̱a̱jín ꞌbíjñajnú ini̱ma̱jnú.

Eklesiastee̱ 1:17

Kósꞌe̱ ja̱ ngayejení ini̱ma̱na nga kamámejénna skuie ngase ni xi yaꞌanii̱ kjo̱a̱kjínkoón, ko̱jo nga ka̱makjínna kjo̱a̱tsobeé, ko̱jo kjo̱a̱chi̱nii̱, ta̱nga ti̱ kamábe an nga kui nii̱ ta̱ tsꞌénboa tsíná.

Eklesiastee̱ 1:8

¡Achichí ꞌbojónná ngayeje nii̱, kó nde jmíjín xi kó ka̱tso̱! ¡Nde ngojín xi fenda nga kotsijen! ¡Nde ngojín xi fenda nga ntꞌié!

Eklesiastee̱ 2:10

Ngayeje ni xi kamámejénna nga skuie an, kamábe an, ngayeje kjo̱a̱tsja xi kamámején ini̱ma̱na, katsꞌenkjatjosón an, ngatꞌa̱ ini̱ma̱na tsja kamaá kjo̱a̱a̱ ngayeje xá xí katsꞌen an, kó ngayeje kui nii̱ xi katsꞌen an kjo̱a̱a̱ kui xaá.

Eklesiastee̱ 2:11

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Eklesiastee̱ 2:26

Ngatꞌa̱ Néná, kui xota̱ xi nda ꞌbókaa̱, tsjaá kjo̱a̱kjínkón, ko̱jo kjo̱a̱kjíntakón, ko̱jo kjo̱a̱tsja, ta̱nga xota̱ xi tsꞌénjeé, Néná tsjaá xá, tsi̱ꞌe̱ nga kui kjo̱a̱ꞌáꞌyá, ko̱jo kjo̱a̱ꞌátikó ni xi jaskan Néná sa̱ꞌínkꞌasꞌiee̱n kui xota̱ xi nda ꞌbókaa̱ kui. Kó ngayeje kui nii̱, ti̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 3:19

Ngatꞌa̱ ni xi maa̱ xota̱ nga̱sondiee̱ ko̱jo cho̱ tamaá, ti̱kuíní ni: Ngajoó nga fesón, ngajoó nga tjo̱ kjiendá, ti̱nde tsiejín ngase ni tjiín xota̱ nga̱sondiee̱, ti̱nde tsiejín ngase ni tjiín cho̱ tamaá. Ngayeje kui nii̱ xi ta̱kjo̱a̱ndaní bo̱a̱ nga.

Eklesiastee̱ 4:16

Kó ndatsi achichí kamá xota̱ xi ki̱a̱ kijítji̱ngii̱, ta̱nga kui xota̱ xi jaskan kꞌuieé, ngiti̱ tsjajín ka̱maa̱ kjo̱a̱a̱ kui ree̱. Kó kui nii̱ ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 4:4

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 4:8

Kamábe an ngo nda̱ xi tikón soboá, xi jmí ndíjiín ko̱jo xi jmí ntsꞌi̱e̱jín, kó ngatsjéni̱xtjin nga tjitsꞌénxá, kó jmíni̱xtjin nga bo̱a̱ kjiꞌi kamánii̱, ta̱sá ꞌniú ngase kamámejeén nga tsie ngase ni kꞌuieé. Kui nda̱a̱ jmíni̱xtjin bi̱ tsꞌén tsꞌénkjó: ꞌYá xí tjítsꞌenxáñáa̱. Kó míkjo̱a̱a̱ nga tsꞌénmejée̱n ko̱n an ni xi ndaa̱. ¡Ta̱kjo̱a̱ndaní bo̱a̱ kui nii̱, kó chꞌià é boá!

Eklesiastee̱ 5:9

Kó ingo ni ngase, ni xi tsjá tꞌanangii̱ ngayeje xota̱ na̱xi̱ńdaá xi nda maá, kó ngaskande ti̱ kuii̱ nda̱ ree̱ koyakjo̱a̱a̱ tꞌanangii̱ nga.

Eklesiastee̱ 6:7

Ngayeje xá xí tsꞌén xota̱ nga̱sondiee̱, ta̱ tsi̱ꞌe̱ nga skji̱ni̱e̱ ko̱jo nga kꞌuí tsí, kó ngaskande bo̱a̱ tsꞌén jmíni̱xtjin tsiee̱.

Matioo̱ 6:19

Ngata̱ jmí kjo̱a̱cho̱n ko̱jo ni xi chjí ꞌbíjñatjojínjnú kꞌi̱e̱ tꞌanangii̱, nínga xobií ko̱jo xtꞌaán sa̱ꞌínkjatsón, ko̱jo nínga chejeé sa̱ꞌín ngo ti̱xa̱, sꞌe̱ kjo̱jo.

Matioo̱ 6:24

Nde ngojín xota̱ xi jó ndi̱a̱ sa̱ꞌínseén, ngatꞌa̱ ngo chꞌo ka̱maa̱, kó xi ingoo̱ tjó ka̱maa̱, ko̱jo tsi ngo ndasen ka̱maa̱, kó xi ingoo̱ ndasénjín ka̱maa̱. Ka̱májín mosoo̱ Néná, ko̱jo mosoo̱ kjo̱a̱cho̱o̱n ka̱majnú.

Rkaa̱ 12:15

Kósꞌe̱ bi̱ katsó ngase: –Tsitsíjenjnú, kó chónjnúu̱ yojojnú kjo̱a̱a̱ ngayeje kjo̱a̱xki̱ꞌá to̱n, ngatꞌa̱ kui kjo̱a̱mindyioo̱n xotaa̱, jmí tsi tsi̱ꞌe̱ nga kjín ni kꞌuieé nga síndo.

1 Timoo̱ 6:10

Ngatꞌa̱ kjiꞌanga ꞌniú niꞌántjó to̱o̱n, ki̱a̱ ndibánií ngayeje to̱ko̱ya ni xi ndajín, kó tjín xota̱ xi ta̱ngatꞌanii̱ nga mejeén ka̱ma cho̱n, nga xín katsꞌénkjaꞌa kjo̱a̱sꞌijii̱n, kó ti̱kuíní xi ndyi̱tsꞌènꞌoón yojoo̱.