Eklesiastee̱ 3:4 - Xo̱jo̱n eén Néná

⁴ Ni̱xtjin nga ka̱ma xchaꞌá, ko̱jo ni̱xtjin nga ka̱ma ko̱jno̱, ni̱xtjin nga ka̱ma ku̱i̱tjá xa̱ꞌya̱, ko̱jo ni̱xtjin nga ka̱ma xcha̱.

Eklesiastee̱ 3:4 ပူးပေါင်းရင်းမြစ်များ

Jenesii̱s 21:6

Kósꞌe̱ na̱ Saraa̱ bi̱ katsó: «¡Néná katsꞌénkajnóna, kó ta̱ꞌyaní xi sku̱i̱e̱ nga ngo ndí tjínna ti̱ ko̱jno̱jona nga!

Xo̱jo̱n Salmoo̱ 30:11

Jí boá xi akasíkje ji kjo̱a̱ndasenna, kó kjo̱a̱chá kiniꞌín ji. Kachjeꞌéxín ji ńjño xa̱ꞌya̱ xi yajà an, sꞌe̱ ńjño xi chajá nga ma sꞌué kiniꞌínkajéní,

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Éksondo̱ 15:20

Kósꞌe̱ ndichja Aaroo̱n kui xi ꞌmí na̱ Riyaa̱ xi na̱ chji̱ni̱e̱ꞌe̱én Néná kamá, iskjíbé ngo ni xi niꞌánkjanie xi ꞌmí pandero̱, sꞌe̱ ítsꞌi̱yani nga kisie, kó ngayeje ínchjiín ti̱ bo̱a̱ ti̱ katsꞌén nga, kó ítsꞌi̱yanii̱ nga kitié.

Eklesiastee̱ 3:5

Ni̱xtjin nga ka̱ma ko̱ti̱tsojó ndi̱jo̱, ko̱jo ni̱xtjin nga ka̱ma chja̱ꞌátikó, ni̱xtjin nga ka̱ma ko̱jna̱níkjá xingi̱, ko̱jo ni̱xtjin nga ka̱ma si̱ꞌankixotꞌá.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Matioo̱ 11:17

«Kiniꞌánkjaniejne̱ yána̱xo̱ xi foniee̱, ta̱nga jún kichájínjnú, kandajne̱ só xi ndasen tsó, ta̱nga jún kichaꞌájínjnú.»

Matioo̱ 9:15

Kó Kjisoo̱, bi̱ katsoó: –A ka̱márií xa̱ꞌya̱ kjo̱a̱ꞌa xota̱ xi tjimá ngo ndiꞌibixan tji̱e̱nga nda̱ xi ku̱i̱xaa̱n ki̱a̱ tikónjo̱. Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kjiꞌá boá nga ka̱ma kꞌuíndo kjindiá.

Rkaa̱ 1:58

Kó xota̱ tꞌa ndiꞌaa̱ ko̱jo xota̱ xkjín, nga tsintꞌié nga Néná katsjaá kjo̱a̱je nga kamáni̱ma̱a̱, tsja kamaá nga.

Xota̱ Roma̱ 12:15

Tsja ngatamajnú tsi tjín xí tsja tjiín, kó chaꞌájo̱jnú tsi tjín xí ndyi̱kjandà.

2 Xota̱ Korinto̱ 7:10

Ngatꞌa̱ kui kjo̱a̱ndasen xi tsi̱ꞌe̱ Néná, kuí boá xi tsjáná nga niꞌánkꞌoyá yojoná, tsi̱ꞌe̱ nga kjo̱tjoꞌa. Kuíni nga jmí kjo̱a̱jín nga nda̱ ka̱máná. Ta̱nga kjo̱a̱ndasen xi tsjáná nga̱sondiee̱ kuí boá xi tsꞌenkꞌiénná.

Xo̱jo̱o̱n Sandiyaá 4:9

Ngatama ndasenjnú, ko̱jo chaꞌájnú, kó on ngatamajnú. Kjo̱a̱mojnójnú kjo̱a̱chaꞌá ngatama, kó kjo̱a̱tsjajnú kjo̱a̱ndasen ngatama.