Eklesiastee̱ 3:19 - Xo̱jo̱n eén Néná

¹⁹ Ngatꞌa̱ ni xi maa̱ xota̱ nga̱sondiee̱ ko̱jo cho̱ tamaá, ti̱kuíní ni: Ngajoó nga fesón, ngajoó nga tjo̱ kjiendá, ti̱nde tsiejín ngase ni tjiín xota̱ nga̱sondiee̱, ti̱nde tsiejín ngase ni tjiín cho̱ tamaá. Ngayeje kui nii̱ xi ta̱kjo̱a̱ndaní bo̱a̱ nga.

Eklesiastee̱ 3:19 ပူးပေါင်းရင်းမြစ်များ

Xo̱jo̱n Salmoo̱ 104:29

Tsi niꞌínsénjíi̱n achichí tsakjón má, tsi chje̱ꞌéxíi̱n tjo̱ xi kjiendáni, fesón kó chojo má nginí,

Xo̱jo̱n Salmoo̱ 49:12

Ta̱nga xota̱ nga̱sondiee̱ jmí tsi ngatsjéni̱xtjin nga xcha̱ndikón, ngatꞌa̱ xikónií cho̱o̱ nga fesón nga.

Xo̱jo̱n Salmoo̱ 49:13

Kjo̱a̱kitikjo̱a̱ boá xi ndi̱ya̱à kui, kó xota̱ xi yajángií kui tsja maa̱ ni xi tsó.

Xo̱jo̱n Salmoo̱ 49:20

Kui nda̱ xi yandikoón, kó makjínjín kui nii̱, ti̱ bo̱a̱ ti̱ kjiꞌinii̱ xikoó cho̱ xi fesoón.

Eklesiastee̱ 1:14

Askotsijèe̱n ngayeje xá xí niꞌán kui nga̱sondiee̱, kósꞌe̱ kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná.

Eklesiastee̱ 1:17

Kósꞌe̱ ja̱ ngayejení ini̱ma̱na nga kamámejénna skuie ngase ni xi yaꞌanii̱ kjo̱a̱kjínkoón, ko̱jo nga ka̱makjínna kjo̱a̱tsobeé, ko̱jo kjo̱a̱chi̱nii̱, ta̱nga ti̱ kamábe an nga kui nii̱ ta̱ tsꞌénboa tsíná.

Eklesiastee̱ 2:14

Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 2:16

Ngatꞌa̱ jmíjín xi sa̱ꞌínkjaꞌátsjien xota̱ xi kjínkoón ko̱jo xota̱ xi kitikjo̱a̱a̱, ngatꞌa̱ ni̱xtjin xi jaskan ndibaá ngayeje nii̱ xi si̱ꞌanchíyá, kó ko̱yà xota̱ xí kjínkoón, kó ti̱ ko̱yà xota̱ xí kitikjo̱a̱a̱ nga.

Eklesiastee̱ 7:2

Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 9:12

ngatꞌa̱ xota̱ nga̱sondiee̱ bejín ni̱xtjin nga kjo̱chó chi̱bo̱a̱a̱, bo̱a̱ má maá xikoó tji̱o̱o̱ nga fíyá ki̱a̱ nda̱ꞌya̱a̱, ko̱jo tsi xikoó ni̱siee̱ nga fíyá chja̱ya̱a̱, bo̱a̱ maá xota̱ nga̱sondiee̱, ta̱niján má ndibá nga ndajín maá.

Eklesiastee̱ 9:2

Ti̱ bo̱a̱ ti̱ kjiꞌini ni xi maa̱ ngayeje xotaa̱ nga fetꞌani. Ti̱ kuínií tsi kixi̱ ko̱jo tsi kixi̱jín, tsi ndaxota̱ ko̱jo tsi ndajínxota̱, tsi tsjie ko̱jo tsi tsjiejín, tsi xi tsꞌenkꞌásꞌién kjo̱a̱tjó ko̱jo tsi tsꞌenkꞌásꞌiénjín, tsi xi tsꞌén ni xi ndaa̱ ko̱jo tsi xi tsꞌénjeé, tsi xi tsáyàtjoón ko̱jo tsi tsáyàtjónjiín Néná ni xi sa̱ꞌín.

Xki̱ 16:29

Tsi xikótsꞌèn fesón ngo xota̱, tsi bo̱a̱ tsꞌén kju̱i̱e̱són kui xotaa̱, ja̱ kuí nii̱ xi ko̱kó nga ni xi mejénna án boá xi tsꞌen an.