Eklesiastee̱ 2:23 - Xo̱jo̱n eén Néná

²³ Ngatꞌa̱ ngayeje ni̱xtjin nga kjo̱a̱ni̱ma̱ tsꞌénfoaꞌatio, nga katsꞌén xá xí tsjajín kamaá nga katsꞌén, kó ndatsi nga jñoó nde jmí kjo̱a̱xió kisꞌiejiín ini̱ma̱a̱. ¡Kó kui nii̱, ti̱ ta̱kjo̱a̱ndaní bo̱a̱ nga!

Eklesiastee̱ 2:23 ပူးပေါင်းရင်းမြစ်များ

Jenesii̱s 3:17

Kó Néná, bi̱ katsoó nda̱a̱: «Kó jí, ta̱ngatꞌanii̱ ni xi kiniꞌín ji, ngotꞌe̱ ꞌne̱ ndajín ka̱ma tꞌanangii̱, ngatꞌa̱ kandaꞌyéꞌíi̱n chjóo̱n, kó kichini ji too̱ kui yaá, kui xi ichjaá nga xi̱ni̱jín ji. Kuíni nga tji̱e̱nga ku̱i̱ndyin ji nga̱sondie, tsie kjo̱a̱ni̱ma̱ ku̱i̱tja̱tí nga kꞌuítji̱e̱ ji ni xi xi̱ni̱ ji nga̱són tꞌanangii̱.

Jenesii̱s 47:9

Kó Jakoo̱b, bi̱ katsoó nda̱ ree̱: —Úchán ko̱jo kantié nó tjínna nda̱ re nga ja̱kꞌi̱e̱ ja̱ngaján tsꞌénfí an. Ndatsi tsie kjo̱a̱ni̱ma̱ tsꞌénfoaꞌatio an, ta̱nga kji̱e̱ fochójín an xikó kjiꞌi nó kisꞌińdo xota̱ xi xchána.

Na̱ Estee̱r (Ebreo̱) 6:1

Kui ni̱xtji̱e̱e̱n kamájín kisꞌifé ree̱, kó tsíꞌá xo̱jo̱n xi tjisítꞌa ngayeje ni xi kjima nga tsꞌénbotixómá, tsi̱ꞌe̱ nga kiniꞌányaà kui xo̱jo̱o̱n.

Joo̱b 14:1

»Xota̱ nga̱sondiee̱, ta̱chiboa tsí ni̱xtjin ꞌbíndo, kó tsie kjo̱a̱ni̱ma̱ foaꞌatio.

Joo̱b 5:7

Xikótsꞌèn nga ndiꞌií boá xi konnii̱ nga kjínkꞌá xꞌueé, ti̱ bo̱a̱ ti̱ tsꞌén xota̱ nga̱sondiee̱ boá xi konnii̱ nga tsie kjo̱a̱ni̱ma̱ foaꞌatio.

Xo̱jo̱n Salmoo̱ 127:2

Ta̱kjo̱a̱ndaní nga ta̱jñó ku̱i̱stjíe̱njnú, ko̱jo tsi sájín tsjayójofejnú, ko̱jo tsi ꞌniú si̱ꞌanxájnú, tsi̱ꞌe̱ nga kꞌuiéjnú nichinie, kjiꞌanga Néná xí tjoó ngo xota̱ ndatsi kjiꞌifé nga tsjaá.

Xo̱jo̱n Salmoo̱ 32:4

Nga jñó nga ni̱xtji̱e̱n nga ꞌniú ngase kiniꞌínjéní, ngaskande nga je ngaꞌniúna, xikó maá ngo naxó xi xíꞌniú nga ma cho̱ndoboaá.

Xo̱jo̱n Salmoo̱ 90:15

Te̱ꞌéjne̱ kjo̱a̱tsja, xikó kjiꞌi ni̱xtjin nga katseꞌéjne̱ kjo̱a̱ndasen, ko̱jo ngayeje nó nga ikitjajinjne̱ ni xi ndajín.

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:18

Nga ja̱koxi̱, tji̱e̱nga tsie ngase kjo̱a̱kjínkón tjínná, tsie ngase ma xtinda, tji̱e̱nga tsie ngase kjo̱a̱kjíntakón tjínná, tsie ngase kjo̱a̱xti ꞌbéná.

Eklesiastee̱ 2:11

Sꞌe̱ askotsijèe̱n ngayeje xá xí je katsꞌen an, ko̱jo xikó kjiꞌi kisꞌingina nga katsꞌen an, kó kꞌi̱e̱ bí nga kamákjínna nga ngayeje kui nii̱ ta̱kjo̱a̱ndaní bo̱a̱, kó ta̱ tsꞌénboa tsíná, kó nga jmí ni chjíjiín kꞌi̱e̱ kui nga̱sondiee̱.

Eklesiastee̱ 5:12

kó ngaskande ngiti̱ foféjín ngatꞌa̱ achichí to̱n je tjiín. Ta̱nga xota̱ xi tsꞌénxaá, ka̱márií tsi tsie ko̱jo tsi chiboa nichinie skji̱ni̱e̱, ta̱nga ata̱ tsjatsꞌèn fofé.

Eklesiastee̱ 5:17

Kó ngayeje ni̱xtjin nga kꞌuijñá, kꞌuijñá xikoó tsi nínga jñó tikón, kó ndasen ka̱maa̱, kꞌuieé xi so xi ndakjan, kꞌuieé chiꞌin, ko̱jo kjo̱a̱xti.

Eklesiastee̱ 8:16

Kó án ki, ti̱ ta̱sá kamámejéna nga tsangasendi̱yàa̱ nga skuie ngase an kjo̱a̱a̱ kjo̱a̱kjínkoón, tsi̱ꞌe̱ nga ka̱makjínna ngayeje ni xi niꞌán kui nga̱sondiee̱, ngatꞌa̱ tjín xota̱ xi nde nga ni̱xtjin ko̱jo nga ni̱xtji̱e̱n foféjín,

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.