Eklesiastee̱ 2:14 - Xo̱jo̱n eén Néná

¹⁴ Xota̱ xi kjínkoón be boá nínga fí, ta̱nga xota̱ xi kitikjo̱a̱a̱ jñó boá nínga fotsoꞌbá, ta̱nga ti̱ kamákjínna nga ni xi ka̱maa̱ ngo, ti̱ bo̱a̱ ti̱ ka̱maa̱ xi ingoo̱ nga.

Eklesiastee̱ 2:14 ပူးပေါင်းရင်းမြစ်များ

Xo̱jo̱n Salmoo̱ 19:10

ꞌNiú ngase niꞌánmején ta̱bo̱a̱jiín to̱nsinieé, ta̱bo̱a̱jiín kjín to̱nsinié, kó ixi ngase ta̱bo̱a̱jiín ntsjieén, kui tín ntsjién xí fotjoo̱ ndo̱bo̱a̱a̱ cho̱ndo̱ꞌo̱sieèn.

Xo̱jo̱n Salmoo̱ 49:10

Ngatꞌa̱ sku̱i̱e̱ nga ngaskande xota̱ xi kjínkoón fesón nga, kó ti̱ fesón xota̱ xi jmí ni bejín, ko̱jo xi kitikjo̱a̱a̱ nga, kó kjo̱a̱cho̱o̱n kje̱ꞌe xí ꞌbijñaá.

Xo̱jo̱n Salmoo̱ 49:11

Katsꞌénkjó nga ndiꞌaa̱ ngatsjéni̱xtjin nga kꞌuijñá, ko̱jo nga ngi̱ndiee̱ kꞌuijñá ta̱kjiꞌání, kó ngaskande tꞌanangii̱ jaꞌeén je índoni.

Énkjínkón 14:8

Xota̱ xi kjínkoón ko̱jo xi xi̱ꞌinkjo̱a̱a̱, jè be ndi̱yà nínga fí, ta̱nga xota̱ xi kitikjo̱a̱a̱, ti̱kuíní kjo̱a̱kitikjo̱a̱a̱ xi ꞌboṉcha̱jo.

Énkjínkón 17:24

Xota̱ xi tjiín kjo̱a̱kjíntakoón, bi̱ má ya kje̱n nga kjínkón, ta̱nga xota̱ xi kitikjo̱a̱a̱, ndeta̱ yàjín ñá xtji̱e̱e̱n tsꞌénkotsijen.

Eklesiastee̱ 2:16

Ngatꞌa̱ jmíjín xi sa̱ꞌínkjaꞌátsjien xota̱ xi kjínkoón ko̱jo xota̱ xi kitikjo̱a̱a̱, ngatꞌa̱ ni̱xtjin xi jaskan ndibaá ngayeje nii̱ xi si̱ꞌanchíyá, kó ko̱yà xota̱ xí kjínkoón, kó ti̱ ko̱yà xota̱ xí kitikjo̱a̱a̱ nga.

Eklesiastee̱ 3:19

Ngatꞌa̱ ni xi maa̱ xota̱ nga̱sondiee̱ ko̱jo cho̱ tamaá, ti̱kuíní ni: Ngajoó nga fesón, ngajoó nga tjo̱ kjiendá, ti̱nde tsiejín ngase ni tjiín xota̱ nga̱sondiee̱, ti̱nde tsiejín ngase ni tjiín cho̱ tamaá. Ngayeje kui nii̱ xi ta̱kjo̱a̱ndaní bo̱a̱ nga.

Eklesiastee̱ 6:6

Ka̱maraa̱ jó mi̱ nó kꞌuijñá nga̱sondiee̱ kui xotaa̱, kó tsi ndajín tsꞌén katsꞌénkjién ngayeje ni nda xi kisꞌiee̱, nga fetꞌani kjo̱a̱, a mí tsí ngajoó nga ta̱ ngo tsí ngi̱ndie fochó.

Eklesiastee̱ 6:8

Ngatꞌa̱, mí ni xi tjín ngasee̱ xota̱ xi kjínkoón, ko̱jo xota̱ xi kitikjo̱a̱a̱. Kó mí ni xi tjín ngasee̱ xota̱ xi ni̱ma̱a̱, kui xi kamaá nga jaꞌatio kui nga̱sondiee̱.

Eklesiastee̱ 7:2

Chjí ngasenii̱ nga ngo ndiꞌa nínga tjín xí kꞌien mongín, ta̱bo̱a̱jiín tsi ngo sꞌué mongín, ngatꞌa̱ kjo̱a̱bo̱yaa̱ boá nínga fetꞌani ni̱xtjii̱n xotaa̱, kó xota̱ xi síndo ngasee̱ chjiéngá kjo̱a̱ꞌátsjiee̱n kui nii̱.

Eklesiastee̱ 8:1

Jmíjín xí kjo̱chótji̱ngi xota̱ xi kjínkoón, ti̱nde jmíjín xi kjo̱chótji̱ngi xota̱ xi tsꞌénkjiín kon kjo̱a̱a̱ ngo kjo̱a̱. Kjo̱a̱kjínkoón boá xi tsja tsꞌénkꞌié kje̱n xotaa̱, ko̱jo kuí boá xi bosíkjo kje̱n tamájin.

Eklesiastee̱ 9:11

Ti̱ askotsijen ngiñá an, kó kamábe an nga kui nga̱sondiee̱ jmí tsi xota̱ xi ꞌniú monga ngasee̱ xi tsꞌén nga mongandse̱je̱n, ti̱nde jmí tsi xota̱ xi ꞌniú ngasee̱ xi tsꞌén ngo kjo̱a̱xcha̱án, ti̱ kamábe an nga xota̱ xi kjínkoón nde nichinie jmíjiín, ko̱jo nga jmí tsi xota̱ xi kjínkoón xi cho̱n ma, ko̱jo nga jmí tsi xota̱ xi tjiín kjo̱a̱kjíntakoón xi nda niꞌánjo̱. Ngayejee̱ nga tjiín ni̱xtjin xi nda ko̱jo ni̱xtjin xi ndajín,

Eklesiastee̱ 9:16

Kósꞌe̱ bi̱ kixian an: nda ngase kjo̱a̱kjínkoón ta̱bo̱a̱jiín ngaꞌniuú, ndatsi nde jmíjín xi tsaꞌaxki̱ kjo̱a̱kjínkoón nda̱ xi ni̱ma̱a̱, ti̱nde ndatsi nde jmíjín xi ko̱siénnijoo̱n ni xi ka̱tso̱.

1 Xo̱jo̱o̱n Juaa̱ 2:11

Ta̱nga xi chꞌoo̱ xota̱ xi ngasee̱, ngi̱jin nínga jñoó boá nínga tikón, kó nínga jñoó boá nínga tsoꞌbá, kó nde bejín nínga tsꞌénfí, ngatꞌa̱ kui kjo̱a̱jñoó jè katsꞌénti̱ka̱.