Eklesiastee̱ 2:13 - Xo̱jo̱n eén Néná

¹³ Jè kamábe an nga kjo̱a̱kjínkoón foaꞌatjoón kjo̱a̱kitikjo̱a̱a̱, xikótsꞌèn ndiꞌií foaꞌatjoón nga jñoó.

Eklesiastee̱ 2:13 ပူးပေါင်းရင်းမြစ်များ

Xo̱jo̱n Salmoo̱ 119:105

Ée̱n boá xi ndiꞌíxò kjimana, kuí boá xi tsꞌentsíjee̱n ndi̱yàna.

Xo̱jo̱n Salmoo̱ 119:130

Kjiꞌanga ngo mostro̱ bokoyá, nde niꞌínjín makjiín ngayeje xotaa̱.

Énkjínkón 14:8

Xota̱ xi kjínkoón ko̱jo xi xi̱ꞌinkjo̱a̱a̱, jè be ndi̱yà nínga fí, ta̱nga xota̱ xi kitikjo̱a̱a̱, ti̱kuíní kjo̱a̱kitikjo̱a̱a̱ xi ꞌboṉcha̱jo.

Énkjínkón 16:16

Nda ngase nga kꞌuiéná kjo̱a̱kjínkón, ta̱bo̱a̱jiín to̱nsinié xi ndaa̱, ko̱jo nda ngase nga kꞌuiéná kjo̱a̱kjíntakón, ngatꞌa̱ chjí ngasenii̱ ta̱bo̱a̱jiín to̱ntiboaa̱.

Eklesiastee̱ 10:10

Tsi ngiti̱ si̱ꞌanyojójín jachaa̱, tsie ngase ngaꞌniú ko̱e̱je̱jo. Tsi nda si̱ꞌan ngo ni, nda ngase tsꞌén si̱ꞌankjién kjo̱a̱kjínkoón.

Eklesiastee̱ 11:7

Achichí nda ndiꞌií, kó achichí tsjá maá ndyikón nga be nga tsꞌentsíjen tsꞌueé.

Eklesiastee̱ 7:19

Tsie ngase ngaꞌniú tsjaá kjo̱a̱kjínkoón xota̱ xi kjínkoón, ta̱bo̱a̱jiín tie xota̱ xi tjiín ngaꞌniú xi ndyi̱botixómaá ngo na̱xi̱ńdáꞌniú.

Eklesiastee̱ 9:16

Kósꞌe̱ bi̱ kixian an: nda ngase kjo̱a̱kjínkoón ta̱bo̱a̱jiín ngaꞌniuú, ndatsi nde jmíjín xi tsaꞌaxki̱ kjo̱a̱kjínkoón nda̱ xi ni̱ma̱a̱, ti̱nde ndatsi nde jmíjín xi ko̱siénnijoo̱n ni xi ka̱tso̱.

Eklesiastee̱ 9:18

Nda ngase kjo̱a̱kjínkoón ta̱bo̱a̱jiín ni xi niꞌánkjién kjo̱a̱xcha̱án, ta̱nga ta̱ngatꞌanii̱ tsi ngo chií xi sa̱ꞌínjé, achichí ni xi nda si̱ꞌankjatsón.

Matioo̱ 6:23

ta̱nga tsi ndajín ndyikin ji, ngayeje yojòo̱ nga kꞌuijñájñó. Kó tsi tíjín ndiꞌí xí tjiín yojòo̱, achichíra̱ ꞌniú jñó ka̱maa̱.

Xota̱ Éfeso̱ 5:8

Ngatꞌa̱ kje̱ꞌe ni̱xtjin kixindyionjñójnú, ta̱nga ngotꞌe̱ ꞌne̱, ngije yàjnú Ndi̱a̱ná, jè nínga tsijen tindyiónjnú, kuíni nga ti̱ńtja̱jnú xikoó xota̱ xi tjimá nínga tsijee̱n.