Eklesiastee̱ 12:5 - Xo̱jo̱n eén Néná

⁵ Kjiꞌanga kjo̱chó ni̱xtjin nga ko̱ndaki̱n nínga nkꞌaa̱, ko̱jo ko̱ndaki̱n jí ndi̱yà nínga tiꞌmi, kó kjiꞌá boá nga kjo̱tjoo̱ naxó yá almendraa̱, kó chjo̱bo̱a̱a̱ sa̱ꞌínniꞌiin, kó ngiti̱ bojójín ka̱maa̱, ngatꞌa̱ xotaa̱ je ko̱e̱je̱ ngi̱ndie nínga tikón kjo̱a̱mindyion ngatsjéni̱xtjin, kó ngi̱ya ndi̱yàtieé kꞌuimá xi skja̱ndátjé kjo̱a̱a̱ nga je jesón.

Eklesiastee̱ 12:5 ပူးပေါင်းရင်းမြစ်များ

Jenesii̱s 42:38

Kósꞌe̱ Jakoo̱b bi̱ katsó: —Kongínjo̱jínjnú ndína, ngatꞌa̱ jè kꞌien Kosiee̱, kó ta̱ Benjaa̱ xí tikón ngasena, tsi tjín ni xi ka̱maa̱ ngi̱ya ndi̱yà xí kongínjnú, achichí ndasen kotíjña̱ an ngaskande nga ko̱yà an.

Jenesii̱s 44:29

Kó tsi ti̱ chja̱ꞌáxínjnúꞌun kui ndína xi̱ꞌbi̱ nga, ko̱jo tsi ngo ni xi ndajín xi ka̱maa̱, achichí ndasen kotíjña̱ an ngaskande nga ko̱yà án”.

Joo̱b 15:10

Ngi̱jinjne̱ síndo xota̱ xi je kichjí tokó ko̱jo xi je xchá, xota̱ xi xchá ngase ji̱n, ta̱bo̱a̱jiín na̱ꞌmíi̱.

Joo̱b 17:13

Tsi kjo̱a̱bo̱yaa̱ xi kjo̱a̱chiyána, kó jñoó je jaꞌatjiyajoo̱n nínga kjiꞌijña an,

Joo̱b 30:23

kó jè be án nga kjiꞌa kjo̱chó ni̱xtjin ki̱a̱ kꞌuínje̱ní kjo̱a̱bo̱yaa̱, nínga tikón ngi̱ndie nínga ku̱i̱ndyionjne̱ ngatsjéni̱xtjin.

Xo̱jo̱n Salmoo̱ 71:18

Ji Ne, ndatsi je xchá án, ko̱jo ndatsi je kichjí tokó án, ngata̱ ꞌbíjñímasínjínní, ngaskande nga xiyàa̱ kui xota̱ tji̱e̱e̱, ko̱jo xiyàa̱ ngaꞌniú xí tjiín kui xota̱ xi kji̱e̱ tsenjiín.

Énkjínkón 16:31

Tsja̱kichjií xota̱ xi je xchaá, xikó maá tsi ngo korona̱ ma kjo̱a̱a̱ nga kixi̱ tsꞌén tikón.

Énkjínkón 20:29

Ngaꞌniú xí tjiín jáxóngo̱ó boá xi kjo̱a̱nkꞌakoo̱n, ta̱nga tsja̱ tiboaa̱ xota̱ xi xchaá boá xi kjo̱a̱yandikoón.

Eklesiastee̱ 9:10

Kó ngayeje ni xi ka̱ma si̱ꞌin ji, ndatsꞌèn ti̱ꞌin ji, ngatꞌa̱ ki̱a̱ nga̱tsjo̱ó, ki̱a̱ nínga kjóchí ji, ngiti̱ jmí xájín ki̱a̱a̱, ti̱nde ngiti̱ jmíjín ni xi ma niꞌán ngase, ti̱nde ngiti̱ jmíjín kjo̱a̱kjíntakón, ko̱jo kjo̱a̱kjínkón.

Lebitiko̱ 19:32

»Kjiꞌanga ngindyi̱ko̱n ngo xota̱ xi xchaá tindyiónjnú, ko̱jo tsi ngindyi̱ko̱n ngo xota̱ xi xchá ngase ta̱bo̱a̱jiín jún, cha̱ndikónjnú, kó ti̱ndyiakixi̱jnú.

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.