Eklesiastee̱ 12:14 - Xo̱jo̱n eén Néná

¹⁴ Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.

Eklesiastee̱ 12:14 ပူးပေါင်းရင်းမြစ်များ

Joo̱b 19:29

ta̱nga chónjnú yojojnú kjo̱a̱a̱ kjo̱a̱bo̱yaa̱, ngatꞌa̱ kuí boá xi tsꞌénkjién Néná nga botíjeé ngayeje ni xi ndajiín, kó bo̱a̱ tsꞌén nga xcha̱jnú nga tikón ngo xi be tsi nda ko̱jo tsi ndajín ndyi̱niꞌánjnú».

Xo̱jo̱n Salmoo̱ 50:21

Kuí bí kui nii̱ xi je kiniꞌín ji, kó a xió kotíjña̱ an. A kiniꞌínkjé jí nga bo̱a̱ kon an xikoó jí. Sa̱ꞌinxchánjo̱ñaá, kó koko an jée̱ ngindyikin ji.

Xo̱jo̱n Salmoo̱ 90:8

Jè ikꞌínde ngindyikin ji ni xi ꞌniú ndajín xi kiniꞌánjne̱, ko̱jo ni xi ꞌbíꞌmájne̱ je ikꞌínde tsijen kje̱n ji.

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Eklesiastee̱ 11:9

Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Matioo̱ 10:26

Ja̱ kuíni nga ngata̱ ndakonjínmájnú, ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.

Matioo̱ 12:36

Ta̱nga an xiyàjnúꞌun nga kjiꞌanga kjo̱chó ni̱xtjin nga ka̱majé, ngayeje xotaa̱ nga sa̱ꞌínkꞌasꞌien xki̱ kjo̱a̱a̱ ngayeje én xí ta̱xkiya tsíchji̱a̱.

Juaa̱ 5:29

kó xota̱ xi ni nda katsꞌén, kjo̱a̱ꞌáꞌyaá tsi̱ꞌe̱ nga kꞌuíndo nginí, ta̱nga xi ndajín katsꞌén, ti̱ kjo̱a̱ꞌáꞌyaá nga, ta̱nga tsi̱ꞌe̱ nga ka̱majérií.

Xota̱ Roma̱ 2:16

Bo̱a̱ ka̱ma ni̱xtjin nga Néná tsja̱axaá Jesukristoo̱ nga kui xi ka̱tso̱yà tsi nda ko̱jo tsi ndajínkjiꞌi ngayeje ni xi ꞌma xi síndoo̱ xotaa̱, xikó tsó éntjatsi̱e̱e̱ Néná xi tsꞌénꞌbini̱jmìjnúꞌun.

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.