Eklesiastee̱ 12:13 - Xo̱jo̱n eén Néná

¹³ Ngayeje kui eén bi̱ tsꞌén fetꞌani: Che̱ndikín jí Néná, kó ti̱ꞌinkjatjosén ji kjo̱a̱botíxomaa̱. Kuí boá kui nii̱ xi chjiéngá sa̱ꞌín ngayeje xota̱ nga̱sondiee̱.

Eklesiastee̱ 12:13 ပူးပေါင်းရင်းမြစ်များ

Jenesii̱s 22:12

Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Joo̱b 28:28

Kósꞌe̱ bi̱ katsoó ngayeje xota̱ nga̱sondiee̱: “tsi xcha̱ndikónjnú Ndi̱a̱a̱, kó tsi ku̱i̱ta̱xínboaꞌájnúu̱ ni xi ndajiín ja̱ jè kasakojnú kjo̱a̱kjínkoón”».

Xo̱jo̱n Salmoo̱ 111:10

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Kui xota̱ xi bo̱a̱ tsꞌeén, bokó nga xota̱ xi kjínkón boá. ¡Néná, ngatsjéni̱xtjin tsoboaá nga si̱ꞌantsjaa̱!

Xo̱jo̱n Salmoo̱ 145:19

Jí boá xi niꞌínsée̱n nga ꞌniú chji̱a̱a̱ kui xota̱ xi bendikoón, kó boeꞌée̱ ni xi chjieén, kó ꞌnaxiéꞌé ji.

Xo̱jo̱n Salmoo̱ 147:11

Ni xi tsꞌénchjínií Néná, kuí boá nga xota̱ nga̱sondiee̱ ntꞌiéꞌeén, ko̱jo nga ma maꞌniátakón kjo̱a̱tjoó.

Énkjínkón 1:7

Ngayeje xota̱ xi mejeén nga xota̱ xi kjínkón ka̱ma, tjón mára ngatamabendikón Néná. Ngatꞌa̱ xota̱ xi kitikjo̱a̱a̱, mejénjiín nga si̱ꞌanchji̱ni̱e̱, ti̱nde mejénjiín nga xota̱ xi kjínkón ka̱ma.

Énkjínkón 19:23

Tsi ndyi̱yandikón Néná, kuí nii̱ xi tsja̱aná kjo̱a̱mindyion, kó tsjatsꞌèn ku̱i̱ndyión nga jmí ni ka̱májínná.

Énkjínkón 23:17

Ngata̱ maꞌónjíntakín, kjo̱a̱a̱ xota̱ xi ndyi̱tsꞌèn jeé, ta̱sá ngatsjéni̱xtjin che̱ndikín jí Néná,

Eklesiastee̱ 2:3

Kósꞌe̱ kamámejénna nga katsjáa̱ kjo̱a̱tsja yojona nga achichí bino̱ katsꞌe an, kó jmíni̱xtjin nga kichajá tokó án. Kamámejénna katsꞌen an kui ni xi chi̱nii̱, tsi̱ꞌe̱ nga skuie an mí ni xi nda xi sakoó xotaa̱, kjo̱a̱a̱ ngayeje xá xí tsꞌén ni̱xtjin nga síndo kui nga̱sondiee̱.

Eklesiastee̱ 3:14

Jè kamákjínna nga ngayeje ni xi katsꞌén Néná ngatsjéni̱xtjin nga sꞌi̱jña, jmíjín ni xi sꞌi̱soón, ti̱nde jmíjín ni xi chja̱ꞌáxiín, kó kui nii̱ xi tsꞌén Néná, tsi̱ꞌe̱ nga xota̱ nga̱sondiee̱ sku̱i̱e̱ndikón.

Eklesiastee̱ 5:7

Kui nga̱sondiee̱ tjikítsie maá ni xi niꞌánkjiín takón, ko̱jo én, ko̱jo ni xi ta̱kjo̱a̱ndaní bo̱a̱, ta̱nga ji chjiéngá ko̱ké ji nga yendikín jí Néná.

Eklesiastee̱ 6:12

Nga ja̱koxi̱, jmíjín xi be mí ni xi nda ngase ka̱maa̱ xota̱ nga̱sondiee̱ kjo̱a̱a̱ ngayeje ni̱xtjin xi je tjixki̱ nga kꞌuijñá kui nga̱sondiee̱ xi ta̱kjo̱a̱ndanií. Ngatꞌa̱ foaꞌa ni̱xtjii̱n xikó maá tsi ngo tji̱nkꞌi̱én. Kósꞌe̱, ꞌyá xi ka̱tso̱yaa̱ ni xi ka̱ma kui nga̱sondiee̱ ngije kꞌien kui.

Eklesiastee̱ 7:18

Ndakjíꞌí nga chjábé ji kui nii̱, kó ti̱ ꞌniú tjaꞌní jí ni xi ingoo̱ nga, ngatꞌa̱ kui xota̱ xi bendikón Néná, ngayeje nii̱ xi nda fotjoo̱.

Eklesiastee̱ 8:12

Ndatsi xota̱jeé úchán ndi̱yà sa̱ꞌín ni xi ndajín, kó ndatsi tsie ka̱maa̱ nga kꞌuíndo nga̱sondie, ta̱nga jè be an nga nda ko̱e̱je̱e̱ xota̱ xi bendikón ko̱jo xi tsꞌéndíkón Néná,

Eklesiastee̱ 8:5

Xota̱ xi sa̱ꞌínkjatjosón kjo̱a̱botíxomaa̱, jmí ni xi ndajín ka̱májiín. Xota̱ xi kjínkoón jè be kjiꞌání ko̱jo kótsꞌèn nga sa̱ꞌínkjatjosón ngo kjo̱a̱.

Rkaa̱ 1:50

Néná tsjaá kjo̱a̱ni̱ma̱takón ngayeje tji̱e̱e̱ xota̱ xi sku̱i̱e̱ndikón kuí.

Ndeuteronomio̱ 10:12

»Mí ni xi mejeén Néná nga si̱ꞌánjnú jún. Ta̱ ngototo nga xcha̱ndikónjnú ko̱jo nga ko̱nda̱ꞌyáꞌénjnúu̱, ko̱jo nga si̱ꞌantjójnú, ko̱jo nga si̱ꞌantsjajnúu̱ ngayeje ini̱ma̱jnú.

Ndeuteronomio̱ 10:20

»Ndaꞌyáꞌénjnúu̱ Néná, kó ta̱kuítsí xi ti̱ꞌantsjàjnúu̱. Ngata̱ niꞌantsjájínjnúu̱ kje̱ꞌe ne. Tsi ngo ni kꞌuíndajnú xi si̱ꞌankjatjosónjnú, ta̱ jaꞌeén Néná tsí xi ti̱ꞌankjiénjnú.

Ndeuteronomio̱ 4:10

»Kjiꞌanga kixindyionjnú na̱xi̱ Oree̱b, Néná boá xi bo̱a̱ katsóna nga ngindyi̱ko̱n kui kꞌuitikójnúꞌun, ngatꞌa̱ kamámejeén nga ku̱i̱chji̱a̱jojnú ko̱jo nga ko̱kóyájnú nga ngatsjéni̱xtjin ko̱nda̱ꞌyáꞌénjnúu̱, tsi̱ꞌe̱ nga ti̱ bo̱a̱ ti̱ tsꞌén jún ko̱ko̱yájnúu̱ ndíjnú.

Ndeuteronomio̱ 4:2

Ngata̱ bosíkjojínjnúu̱ kui kjo̱a̱botíxoma xi Néná katsjána tsi̱ꞌe̱ nga jún tsjajnúꞌun, ta̱sá ndaꞌyáꞌénjnúu̱.

Ndeuteronomio̱ 6:2

Tsi si̱ꞌankjatjosónjnúu̱ Néná, kó tsi si̱ꞌantsjajnúu̱ xikótsꞌèn je akoyájnúꞌun, jún boá xi ngo na̱xi̱ńdá xí ta̱nisién je ka̱majnú. Tsja ka̱majnú nga ku̱i̱ndyionjnú kui tꞌanangii̱, xikó má katsoó Néná nga tsíchji̱a̱jo xota̱ xi xcháná. ¡Achichí nda kui tꞌanangii̱ nga ngatsjéni̱xtjin tsie nichinie tjín!

1 Xo̱jo̱o̱n Peé 2:17

Cha̱ndikónjnú ngayeje xota̱. Ti̱ꞌantjójnú ngayeje ntsꞌié, ko̱jo ndichjá. Ngatamandikónjnú Néná. Cha̱ndikónjnú nda̱ Ree̱.

Ni xi akakoo̱ 19:5

Kó kje̱n nínga tikón xi botixómaá kandaꞌyáni ngo nda̱, xi bi̱ katsó: ¡Ti̱ꞌantsjàjnúu̱ Néná, ngayeje xi mosoo̱, ko̱jo xi bendikón, xi xchá xí kjindí!