Eklesiastee̱ 11:9 - Xo̱jo̱n eén Néná

⁹ Tsjangatꞌieé ngotꞌe̱ nga xo̱ngò jí, kó tsjangatamaa̱ ini̱ma̱a̱ kui ni̱xtjii̱n. Ki̱a̱ tꞌentji̱ngi ji ni xi be ndyikin, ko̱jo ni xi mejeén ini̱ma̱a̱, ta̱nga ngata̱ niꞌínchíyéjín ji nga kjo̱a̱a̱ ngayeje kui nii̱, nga Néná boá xi ku̱i̱ꞌaa̱ xki̱.

Eklesiastee̱ 11:9 ပူးပေါင်းရင်းမြစ်များ

Jenesii̱s 3:6

Kó kui naa̱ askotsijee̱n nga ma chinie kui too̱, kó nga tsjakon kamaá, kamáxke̱, sꞌe̱ katsꞌénkjiín ini̱ma̱a̱ nga kui too̱ xi tsja̱á kjo̱a̱kjínkón. Kó bo̱a̱ tsꞌén tsꞌenje̱n ngo too̱ kui yaá, sꞌe̱ iskjinie. Jaskan katsjaá xi̱ꞌii̱n, kó iskjinie kui nda̱a̱ nga.

Jenesii̱s 6:2

Kósꞌe̱ ndií Néná nga kamábe nga tsjakon kamá ndí xí ínchjiín xota̱ nga̱sondiee̱, jaꞌájin ínchjín xi kamámejeén sꞌe̱ kisꞌińdojo̱.

Joo̱b 31:7

Tsi kje̱ꞌe ndi̱yà iskjíbé án, kó tsi ini̱ma̱na kijítji̱ngi ni xi kamábe ndyikón án, ko̱jo tsi ngi̱ya ndsa̱ án síndo ni chejé,

Xo̱jo̱n Salmoo̱ 81:12

Kuíni nga ta̱sá katsjandièe̱ nga katsꞌén ni xi kamámejeén ini̱ma̱a̱, tsi̱ꞌe̱ nga ki̱a̱ kijítji̱ngi ni xi ndajín xi kamámejeén katsꞌén.

Eklesiastee̱ 12:1

Ngatjaꞌátsjiee̱n kui Ne xi katsꞌéndaa, kjiꞌanga xo̱ngò ngase ji, ngindiee̱ nga kji̱ndi̱bá ni̱xtjin xi ndajiín, kósꞌe̱ bi̱ sé jí: «jè ngiti̱ tsjajín tjínna nga tikón an nga̱sondie».

Eklesiastee̱ 12:14

Ngatꞌa̱ Néná boá xi ku̱i̱ꞌaná xki̱ kjo̱a̱a̱ ngayeje nii̱, ko̱jo ngayeje ni xi tjiꞌmaá, tsi nda ko̱jo tsi ndajín.

Eklesiastee̱ 2:10

Ngayeje ni xi kamámejénna nga skuie an, kamábe an, ngayeje kjo̱a̱tsja xi kamámején ini̱ma̱na, katsꞌenkjatjosón an, ngatꞌa̱ ini̱ma̱na tsja kamaá kjo̱a̱a̱ ngayeje xá xí katsꞌen an, kó ngayeje kui nii̱ xi katsꞌen an kjo̱a̱a̱ kui xaá.

Eklesiastee̱ 3:12

Jè be an nga jmíjín ingo ni xi nda ngase tsi̱ꞌe̱ xota̱ nga̱sondiee̱, xikoó nga tsja kꞌuieé ko̱jo nga ndatsꞌèn kꞌuijñá,

Eklesiastee̱ 3:17

Kósꞌe̱ bi̱ tsꞌén katsꞌenkjó án: Xota̱ xi kixi̱i̱ ko̱jo xota̱ xi ꞌniú ndajiín, Néná boá xi ko̱kó tsi nda ko̱jo tsi ndajín katsꞌén, ngatꞌa̱ ki̱a̱ boá nínga tikón ngo ni̱xtjin kjo̱a̱a̱ ngayeje ni xi mejénná si̱ꞌán, ko̱jo ngayeje ni xi niꞌán.

Eklesiastee̱ 6:9

Chjí ngasenii̱ ni xi ndyi̱be ndyikón, ta̱bo̱a̱jiín ni xi ta̱ niꞌánkjínñáa̱ takón. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Eklesiastee̱ 7:14

Kjiꞌanga kji̱ndi̱bá ni̱xtjin xi ndaa̱, tsjangatamaa̱, kó kjiꞌanga kji̱ndi̱bá ni̱xtjin xi ndajiín, ti̱ꞌinkjé jí nga Néná boá xi katsꞌén ngayeje nii̱, kó bo̱a̱ tsꞌén nga xota̱ nga̱sondiee̱ jmíni̱xtjin sku̱i̱e̱ ni xi jaskan ka̱ma.

Kjo̱a̱chaꞌaá 3:27

Achichí ndakjiꞌi nga ndeskande nga kjindí xota̱ nga̱sondiee̱ nga ku̱i̱ꞌínieé yojoo̱ kjo̱a̱chji̱ni̱e̱e̱ Néná.

Xki̱ 15:30

Ta̱nga tsi kui xotaa̱ je be ni xi mejénna, kó tsi xá katsꞌénjéní, kui xotaa̱, ndajín katsꞌén kondra̱na kó chjiéngá si̱ꞌankjie ngi̱jii̱n xota̱ na̱xi̱ńdána».

Xki̱ 15:39

Kó bo̱a̱ tsꞌén nga kjiꞌanga sku̱i̱e̱ kui ńchjoón, kjo̱a̱ꞌátsjiee̱n nga chjiéngá ku̱i̱ntꞌiéꞌén ngayeje ni xi je kixiáa̱n. Bo̱a̱ tsí tsꞌén nga ku̱i̱ntꞌiéꞌénna, kó ki̱a̱jín ko̱e̱je̱tji̱ngi ni xi mejeén kui nga sa̱ꞌín, ti̱nde ki̱a̱jín ko̱e̱je̱tji̱ngi ni xi tsꞌénkjó tsi̱ꞌe̱ nga sa̱ꞌínkjinna yojoo̱.

Xki̱ 22:32

kó ndítsjiee̱ Néná bi̱ katsoó Balaa̱n: —Ánní nga ján ndi̱yà akjée̱ bórró chjóo̱n. Án boá xi ichjaá ndi̱ya̱à, ngatꞌa̱ sasiénjínna nga kꞌuin jí nangi Moaa̱b.

Matioo̱ 5:28

Ta̱nga xiyàjnúꞌun nga tsi ngo nda̱ xi skotsíjee̱n ngo chjo̱on tsi̱ꞌe̱ nga sa̱ꞌínmején, nga bo̱a̱ sa̱ꞌín, jè katsꞌéntꞌaa̱ kjo̱a̱ chjo̱ón ngi̱jin ini̱ma̱a̱.

Rkaa̱ 12:19

sꞌe̱ ngijee̱ bi̱ xiáa̱n yojona: Ji nda̱, achichí ni je tikóntjoó, kó kjín nó kjo̱chíkjo̱a̱a̱, ti̱ꞌinkjaꞌyé ꞌne̱, chi̱ni, tꞌi̱, kó tsjatsꞌèn tindyin ji.”

Ni xi kamá 14:16

kui xi kje̱ꞌe ni̱xtjin katsjandiè nga ngayeje xotaa̱ kja̱kijí kja̱kijí ndi̱ya̱à nga ngo nga ngo,

Ni xi kamá 24:25

Ta̱nga kjiꞌanga tsíchji̱a̱ Pabloo̱ kjo̱a̱a̱ nga chjiéngá kixi̱ ku̱i̱ndyión nga jmí ni chꞌokjiꞌi si̱ꞌán jàn, ko̱jo nga si̱ꞌanchji̱ni̱e̱ so̱bo̱a̱ yojoná nga ndakjiꞌi ni xi si̱ꞌán, ngatꞌa̱ nga sꞌe̱ kjo̱chó ni̱xtjin nga Néná ka̱tso̱yà tsi nda ko̱jo tsi ndajín kiniꞌán, sꞌe̱ Firii̱ achichí katsakjónní nga tsintꞌié kuí nii̱, kósꞌe̱ bi̱ katsó: –Ta̱sá tꞌen ji ngotꞌe̱, jaskan kuichjiá ngiñaá kjiꞌanga ka̱maꞌana.

Xota̱ Roma̱ 14:10

Ta̱nga ji, míkjo̱a̱a̱ nga titsitsijinkóo̱n tsi nda ko̱jo tsi ndajín tjítsꞌén ntsꞌie. Axa̱ ji, míkjo̱a̱a̱ nga tiniꞌínchꞌí ji ntsꞌie. Ngayeje ñá nga kongín ngindyi̱ko̱n Kristoo̱ tsi̱ꞌe̱ nga kui ka̱tso̱yà tsi nda ko̱jo tsi ndajínkjiꞌi ni xi kiniꞌán,

1 Xota̱ Korinto̱ 4:5

Kó kuíni nga, ngata̱ júnjín bo̱a̱ ꞌmíjnú tsi nda ko̱jo tsi ndajín ndyi̱tsꞌèn xotaa̱ nga ngindie ni̱xtjin, ta̱sá chiyájnúu̱ ngaskande nga kjo̱e̱ꞌe nginí Ndi̱a̱ná, ngatꞌa̱ kuí boá xi ku̱i̱ꞌíjñátsijen ni xi tjiꞌmaá, ko̱jo ni xi niꞌánkjó nga ngo nga ngo ñá, kó ko̱kó ngayeje ni xi mejeén sa̱ꞌín ini̱ma̱a̱ xotaa̱, kósꞌe̱ bo̱a̱ tsꞌén kui ni̱xtjii̱n nga Néná nda tsꞌén ku̱i̱chji̱a̱ kjo̱a̱a̱ ni xi katsꞌén nga ngo nga ngo xotaa̱.

2 Xota̱ Korinto̱ 5:10

Ngatꞌa̱ chjiéngá ngayeje ñá ki̱a̱ konginkíndyiá ngindyi̱ko̱n Kristoo̱, tsi̱ꞌe̱ nga sku̱i̱e̱ ni xi kiniꞌán, kó nga ngo nga ngo ñá sa̱kóná ni xi tsoboáná, tsi nda ko̱jo tsi ndajín kjiꞌi ni xi kiniꞌán, tji̱e̱nga kixindyión ngi̱jii̱n kui yojoo̱.

Ndeuteronomio̱ 29:19

»Ki̱a̱jiín ni xi tsꞌénkjó ngo xota̱ xi ntꞌié kjo̱a̱botíxomaa̱ kui kjo̱a̱ꞌbíndaa̱, kó sꞌijii̱n nga jmí ni ka̱májiín tsi ku̱i̱ntꞌiéꞌénjín. Kui xotaa̱, kuí boá xi tjiín jé nga Néná ko̱tíjeé ngayeje xota̱ Israee̱l,

Xota̱ Ebreo̱ 9:27

Xikó tsꞌén tikón nga ngayeje xotaa̱ nga ta̱ ngo tsí ndi̱yà ko̱yà, sꞌe̱ jaskan Néná ka̱tso̱yà tsi nda ko̱jo tsi ndajín katsꞌén.

2 Xo̱jo̱o̱n Peé 3:7

Ta̱nga kui ndiꞌakꞌajmi ko̱jo tꞌanangi xi síndo ngotꞌe̱, ta̱ngatꞌanii̱ kui eén Néná nga, nga je síndondani tsi̱ꞌe̱ nga ndiꞌí sa̱ꞌínkjié nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱, kó kjiꞌá boá nga kju̱i̱e̱ xota̱ xi bendikónjín Néná nga.