Eklesiastee̱ 11:5 - Xo̱jo̱n eén Néná

⁵ Xikótsꞌèn nga yejín ji ñá xtji̱e̱e̱n fí tjo̱o̱, ko̱jo nga yejín ji kótsꞌèn kjimaxchá ngo ndí ngi̱ya ndo̱bo̱a̱ndií na̱aa̱n, ti̱ bo̱a̱ ti̱ tsꞌén nde yejín ji ni xi tsꞌén Néná, kui Néná xi katsꞌénda ngayeje nii̱.

Eklesiastee̱ 11:5 ပူးပေါင်းရင်းမြစ်များ

Joo̱b 37:23

Nde ka̱makjínjínná kjo̱a̱je xi tjiín Néná xí tsi̱ꞌe̱ ngayeje ngaꞌniuú, achichí ngaꞌniú tjiín, ko̱jo achichí je kjo̱a̱kixi̱i̱.

Joo̱b 38:4

»Tsi kjeén nga ta̱nisién kjínkón ji, tꞌíyéní ñá tindyin ji kjiꞌanga katsꞌenda an nga̱sondiee̱.

Joo̱b 5:9

Kui xi tsꞌén kjín kjo̱a̱ndikón ko̱jo ni xi fíndikónná, xi nde jmíjín xi ka̱makjiín.

Xo̱jo̱n Salmoo̱ 104:24

Ji Ne, achichí ni xi je kiniꞌínde ji, kó kjo̱a̱kjíntakóo̱n kiniꞌínkjín nga kiniꞌínde ji ngayejee̱. ¡Jè tjikítsieni nga̱sondiee̱ ngayeje ni xi ji kiniꞌínde!

Xo̱jo̱n Salmoo̱ 40:5

Ji Ne xi tsa̱ꞌa̱n, jè kiniꞌín kjín ngase ji kjo̱a̱ndikóo̱n, ko̱jo ni xi kiniꞌín ji nganda tsa̱ji̱n. Jmíjín xi kjo̱chótji̱ngii̱ ji. Tsi xiyà an ngayeje kui nii̱ nde jmíjín xi ka̱maxki̱i̱.

Xo̱jo̱n Salmoo̱ 92:5

A xi̱xi̱ yiꞌi ni xi kiniꞌínde ji, ji Ne. Achichí kjo̱a̱kjíntakón tjiín,

Eklesiastee̱ 1:13

Ngayejení ini̱ma̱na nga katsꞌenkjién án kjo̱a̱kjínkónna nga tsangasendi̱yà án ko̱jo nga iskjitꞌoyà an ngayeje ni xi niꞌán kui nga̱sondiee̱. ¡Kó achichí é kuí xá xí íjñáná Néná tsi̱ꞌe̱ nga si̱ꞌán!

Eklesiastee̱ 1:6

Tjo̱o̱ foaꞌatjiya xtji̱e̱e̱n na̱ngi, kó foaꞌatjiya xtji̱e̱e̱n ta̱ꞌin, to̱kó tsꞌénfoaꞌatjiya, kó nga foaꞌatjiya, ma tja̱tsi̱e̱ya nginí.

Eklesiastee̱ 11:4

Xota̱ xi ta̱soboá tjo̱o̱ boá xi ꞌbindíkón, jmí ni ꞌbítji̱e̱jín, kó xota̱ xi ta̱soboá ṉdi̱i̱ boá xi kotsijee̱n, jmí ni foaꞌátikójín.

Eklesiastee̱ 3:10

Jè kamábe an xá ꞌniú xi Néná ꞌbínieé xota̱ nga̱sondiee̱, tsi̱ꞌe̱ nga sa̱ꞌínkjatjosón.

Eklesiastee̱ 3:11

Ni̱xtjin nga katsꞌénda Néná ngayeje nii̱ achichí tsjákón katsꞌén, kó íjin ngi̱jii̱n ini̱ma̱a̱ xotaa̱ tsi̱ꞌe̱ nga ka̱makjiín kjo̱a̱a̱ kjo̱a̱mindyion ngatsjéni̱xtjii̱n, ta̱nga xotaa̱ niꞌin makjiín ni xi je katsꞌén Néná ndeskande koó nga ítjatsꞌennii̱, ngaskande nga kju̱e̱tꞌanii̱.

Eklesiastee̱ 7:24

Ngayeje ni xi tjiín achichí kjin tikónna, kó achichí niꞌín kjiꞌi nga skuie an. Kó, ꞌyá xí ka̱makjiín kui nii̱.

Eklesiastee̱ 8:17

bo̱a̱ tsꞌén nga je kamábe an ngayeje ni xi je katsꞌénda Néná, kó ti̱ je kamábe an nga xota̱ nga̱sondiee̱ jmíni̱xtjin nga ka̱makjiín ni xi ma kui nga̱sondiee̱. Ndatsi ꞌniú ka̱mamejeén nga ka̱makjiín, ka̱makjínjiín, kó ndatsi xota̱ xi kjínkoón xi bo̱a̱ ka̱tso̱ nga mejeén nga ka̱makjiín, jmí tsi kjo̱a̱a̱ kui nii̱, sꞌe̱ ka̱makjiín ngijee̱.

Juaa̱ 3:8

Tjo̱o̱ botsié ta̱ nínga mejénrií, kó ndaꞌyé ji nga fonie, ta̱nga nde yejín ñá tsꞌéndibání, kó ti̱nde yejín ji ñá tsꞌénfí, bo̱a̱ fóyanii̱ ngayeje xota̱ xi A̱si̱énni̱xtjii̱n Néná katsenni.

Xota̱ Roma̱ 11:33

Achichí tsie kjo̱a̱cho̱o̱n Néná, achichí tsie kjo̱a̱kjínkoón ko̱jo ni xi tjíjinkon. Nde ngojín xi ka̱makjiín ni xi tsꞌén Néná, ko̱jo tsi ka̱tso̱yà ánní nga bo̱a̱ tsꞌén.