Eklesiastee̱ 1:10 - Xo̱jo̱n eén Néná

¹⁰ Kjiꞌanga tjín xí bi̱ ka̱tso̱: «¡Kꞌi̱e̱ tikónna ngo ni xi tja̱tsi̱e̱!» Ta̱nga ngaskande kui nii̱ ja̱bo̱a̱ jè tikón, ndeskande ngindiee̱ nga stse̱n ñá.

Eklesiastee̱ 1:10 ပူးပေါင်းရင်းမြစ်များ

Eklesiastee̱ 1:11

Jmíjín ngo kjo̱a̱foaꞌátsjien kjo̱a̱a̱ ni xi je kamaá, ti̱nde xota̱ xi jaskan stse̱én, kjo̱a̱ꞌátsjienjiín ni xi ka̱ma.

Eklesiastee̱ 1:9

Ni xi je kamaá, ti̱kuíní xi ka̱ma nginí. Ni xi je kamándaa̱, ti̱kuíní xi ka̱manda nginí, kó jmíjín ngo ni xi tja̱tsi̱e̱ kui nga̱sondiee̱.

Eklesiastee̱ 2:12

Jaskan katsꞌenkjó án kjo̱a̱a̱ kjo̱a̱kjínkoón, ko̱jo kjo̱a̱a̱ kjo̱a̱tsobeé, ko̱jo kjo̱a̱a̱ kjo̱a̱kitikjo̱a̱a̱, ngatꞌa̱, mí ni xi ka̱ma sa̱ꞌín ngase kui re xi jaskan kꞌuijñá xaá. Ta̱jmìjínni, ta̱kuítsí ni xi je kiniꞌaán.

Eklesiastee̱ 6:10

Kui xi je tikón ngotꞌee̱, jé tsienii̱ nga katseꞌeé ngo jaꞌén, kó jè ya nga kuí boá xi xota̱ nga̱sondiee̱. Kuíni nga ka̱májín nga skjánjo̱ ngo xi tjín ngasee̱ ngaꞌniú ta̱bo̱a̱jiín kuí.

Matioo̱ 5:12

Tsja ngatamajnú ko̱jo tsjangatꞌiéjnú, ngatꞌa̱ ta̱nisién je ni xi sa̱kójnú ndiꞌakꞌajmi jàn, ngatꞌa̱ ti̱ bo̱a̱ ti̱ tsꞌén ikiyotji̱ngii̱ já chji̱ni̱e̱ꞌe̱én Néná xi tjón kisꞌińdo ngindiee̱ nga ku̱i̱ndyionjnú jún.

Ni xi kamá 7:51

Kó bi̱ katsó ngase Ixtibaa̱: Ta̱nga jún tajá tokojnú, ko̱jo ini̱ma̱jnú, ko̱jo tji̱bo̱a̱nijónjnú, ngatsjéni̱xtjin nga ndyi̱mongínjnúu̱ kondra̱ A̱si̱énni̱xtjii̱n Néná, xikó má katsꞌén xota̱ xi xchájnú.

2 Timoo̱ 3:8

Kó xikó katsꞌén já tjiꞌe Janee̱ ko̱jo Jambree̱ nga kondra̱ kijií Moisee̱, ti̱ bo̱a̱ ti̱ tsꞌén kui xotaa̱ kondra̱ síndoo̱ ni xi ja̱koxi̱i̱. Xota̱ xi je jatson kjo̱a̱kjíntakoón boá, kó ya nga ngiti̱ sꞌijinjiín Néná.