2 Xota̱ Korinto̱ 7:2 - Xo̱jo̱n eén Néná

² Te̱ꞌéjne̱ ngo ngi̱ndie ngi̱jii̱n ini̱ma̱jnú. Kji̱e̱ ngo xota̱ xi ndajínkjiꞌi ni xi ndyi̱niꞌánjo̱jne̱. Kji̱e̱ ngo xota̱ xi ndyi̱niꞌánꞌónjne̱. Kji̱e̱ ngo xota̱ xi ndyi̱chꞌíṉcha̱jojne̱.

2 Xota̱ Korinto̱ 7:2 ပူးပေါင်းရင်းမြစ်များ

Xki̱ 16:15

Achichí ꞌniú katsꞌénxchán Moisee̱, kó bi̱ katsoó Néná: «Ngata̱ chjábéjíi̱n kjo̱a̱tjoó kui xotaa̱, ji Ne tsa̱ꞌa̱n. Kji̱e̱ ngo ndi̱yà nga ngo ni xi ndajín xi je katsꞌenjo̱ an kui xotaa̱, kó kji̱e̱ ngo ni je katsjána an. Kótsꞌèn bo̱a̱ ndyi̱tsóni nga ndajín tjítsꞌenjo̱ an.»

Matioo̱ 10:14

Kó tsi tjín káꞌá xota̱ xi sa̱ꞌínkjaꞌájínjnú nga kjóchójnú, kó tsi ku̱i̱ntꞌièjín énjnú, kjiꞌanga kjo̱tjojnú kui ndiꞌaa̱ ko̱jo tsi kui na̱xi̱ńdaá, tꞌítsaniejnú xa̱a̱ ndsa̱kojnú.

Matioo̱ 10:40

Xi sa̱ꞌínkjaꞌajnú ngi̱ya ndiꞌaa̱, án boá xi tjítsꞌénkjáꞌana, kó xi tjítsꞌénkjáꞌana an, ti̱ tjítsꞌénkjáꞌá kui Néná xí katsangiyana.

Rkaa̱ 10:8

Kó ta̱ na̱xi̱ńdá nínga ku̱i̱tjásꞌi̱e̱njnú, nga si̱ꞌankꞌasꞌienjnú, chi̱ni̱e̱jnú ni xi ko̱e̱ꞌéjnú,

Ni xi kamá 20:33

Jmí to̱ntiboa, ti̱nde jmí to̱nsinié, ti̱nde jmí ńjñoo̱ xotaa̱ kamámejénjínna,

Xota̱ Roma̱ 16:18

Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná.

2 Xota̱ Korinto̱ 1:12

Tsjá májne̱ nga nda tikón kjo̱a̱kjíntakónjne̱, kó yàjne̱ nga tsjie, ko̱jo nga kixi̱ kisꞌiṉtso̱majne̱ ngi̱jinjnú, ko̱jo ngi̱jii̱n ngayeje xotaa̱, kjiꞌanga bo̱a̱ kiniꞌánjne̱, kjo̱a̱ndaa̱ Néná boá xi tsangíntjingijne̱, jmí tsi xikótsꞌèn tjíjinkon xotaa̱ kui nga̱sondiee̱.

2 Xota̱ Korinto̱ 11:16

Ti̱ bo̱a̱ ti̱ xian nginíjnúꞌun, nga ngojín xi sa̱ꞌínkjó nga tsobéna, ta̱nga tsi bo̱a̱ tsꞌén niꞌánkjójnú, te̱ꞌéndièjnúꞌun nga kuichjiájojnúꞌun xikoó ngo xi tsobeé, tsi̱ꞌe̱ nga je kꞌo̱xié chií an yojona.

2 Xota̱ Korinto̱ 11:9

Kó kjiꞌanga kisꞌijñajinjnúꞌun nga kamáchjiénna ngo ni, jmíni̱xtjin nga jún iniéjnúꞌun yojona, ngatꞌa̱ kui ntsꞌié xí chji̱a̱ni nangi Masendonia̱ katsjána ngayeje ni xi kamáchjiénna. Ngojín chꞌià é xí katsꞌénniꞌínjnú jún kamá an, kó jmíni̱xtjin bo̱a̱ ka̱ma.

2 Xota̱ Korinto̱ 4:2

Niꞌánjínjne̱ ni xi niꞌán nínga ꞌmaa̱, ko̱jo ni xi tsja̱aná kjo̱a̱soboá, jmí kjo̱a̱maña ndyi̱niꞌánkjiénjínjne̱, ti̱nde jmí tsi ndyi̱ꞌbosíkjoyájne̱ eén Néná. Néná be nga ja̱koxi̱ boá ni xi ndokjo̱a̱jne̱, kó bo̱a̱ tsꞌén ndyi̱bokojne̱ kókónjne̱ ngindyi̱ko̱n xota̱ xi nda síndo kjo̱a̱kjíntakoón.

Xota̱ Filipo̱ 2:29

Ngatꞌaa̱ Ndi̱a̱ná nda ti̱ꞌanjo̱jnú nga kjo̱chókónjnú. Ngatsjéni̱xtjin tjó ti̱ꞌanjo̱jnú kui xota̱ xi xikoó kui.

Xota̱ Kolosa̱ 4:10

Nda̱ xi ꞌmí Aristarkoo̱, xi nijan tikónjo̱ an ndo̱bo̱a̱yà, tinde xò bo̱a̱ tsó, ko̱jo nda̱ xi ꞌmí Markoo̱, xi ntsꞌi̱e̱xtio ma Bernabee̱, jún je kandaꞌyájnú én kjo̱a̱a̱ kui nda̱a̱. Tsi ki̱a̱ kjo̱chókónjnú nda ti̱ꞌanjo̱jnú.

1 Xota̱ Tesalónika̱ 2:10

Jún ko̱jo Néná xí chistiko̱jnú, nga ji̱n xi xota̱ tsjie ji̱n, xota̱ xi kixi̱, ko̱jo xota̱ xi jmíjín xi chꞌo tsꞌén kandokjo̱a̱taꞌin kamájne̱ nga kisꞌiṉtjajne̱ ngi̱jinjnú jún xi sꞌijinjnú Néná.

Filemoo̱ 1:12

Kꞌi̱e̱ sangiya ngiñaá ingo ndi̱yà, nda ti̱ꞌinje̱ ji, xikoó tsi án má xi kjóchó koo̱n.

Filemoo̱ 1:17

Kó kuíni nga, tsi xikoó nga ntsꞌie tꞌísení, ngatꞌa̱ ti̱kuíní ni xi sꞌijinná, nda ti̱ꞌinje̱ xikoó tsi án má xi kjóchó koo̱n.

2 Xo̱jo̱o̱n Juaa̱ 1:10

Tsi tjín xí kjo̱chókónjnú jún, kó kuijín kjo̱a̱bokoyaá Kristoo̱ xi ko̱kóyájnú, ngata̱ niꞌánkꞌasꞌiénjínjnú ndiꞌajnú, ti̱nde “¡A ta̱ bo̱a̱ nda jéꞌe̱jnú!” Ngata̱ ꞌmíjínjnúu̱.