2 Xo̱jo̱o̱n Peé 3:9 - Xo̱jo̱n eén Néná

⁹ Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.

2 Xo̱jo̱o̱n Peé 3:9 ပူးပေါင်းရင်းမြစ်များ

Xo̱jo̱n Salmoo̱ 77:8

A je jè yeje kjo̱a̱ni̱ma̱takoón, a je kichajá kjin ni xi katsóya tjón nga sa̱ꞌín.

Xo̱jo̱n Salmoo̱ 86:15

Ta̱nga ji Ne, jí boá ngo Ne xi tjiín kjo̱a̱tsiekon ko̱jo kjo̱a̱ni̱ma̱takón, tsájín niꞌínxchín jí, kó tsie kjo̱a̱ni̱ma̱takón ko̱jo kjo̱a̱kixi̱ tjiín.

Éksondo̱ 18:23

Tsi Néná xí tsja̱akjo̱a̱a̱, kó tsi ki̱a̱ kꞌuíntjíngí ji kjo̱a̱botíxoma xi tsꞌéntsjaa, xchíkjo̱a̱ári kui xaá, kó kui xota̱ na̱xi̱ńdaá tsja ka̱maa̱ ngije ko̱e̱je̱ nginí nínga síndo.

Éksondo̱ 32:32

ꞌNiú míꞌaá ngotꞌe̱ nga si̱ꞌinjetakíi̱n jeé. Ta̱nga tsi si̱ꞌinjetakinjíi̱n, ¡ta̱sá ti̱ꞌinkꞌinní an nga!

Éksondo̱ 33:11

Ngatsjéni̱xtjin nga tsꞌasꞌien Moisee̱ ngi̱yaa̱ kui ndiꞌańkꞌieén, kuí má xi tsíchji̱a̱jo Néná xikótsꞌèn ndokjo̱a̱ni̱jmìjo̱ ngo amingo̱. Jaskan Moisee̱ kijí nginí ngi̱ndie nínga síndo xotaa̱. Josuee̱ kui nda̱ xi bosikójo Moisee̱ ngatsjéni̱xtjin nga ki̱a̱ kisꞌijña nínga tikón ndiꞌańkꞌién nínga kamátikó xotaa̱.

Éksondo̱ 34:6

Tji̱e̱nga tsꞌénfoaꞌa kje̱n Moisee̱, Néná ꞌniú tsíchji̱a̱ nga bi̱ katsó: «¡Án boá xi Nee̱ xota̱ Israee̱l! ¡ÁN XÍ ÁN, kó kuí boá kuí jaꞌeén xí kamábenina xotaa̱! Án boá ngo Ne xi nda ini̱ma̱a̱ ko̱jo xi ndaxota̱. Jmí tsi tsá tsꞌenxchán án, kó achichí ꞌniú tjóna xota̱ na̱xi̱ńdána.

Eklesiastee̱ 8:11

Kó kjiꞌanga tsájín niꞌánjeé xota̱ xi ndajín katsꞌeén, xota̱ xi ngasee̱ tsꞌénkjó nga ka̱ma sa̱ꞌín ni xi ndajiín kui nga.

Xota̱ Roma̱ 13:11

Bo̱a̱ ni̱ꞌánjnú ngatꞌa̱ jè ya ni̱xtjin xi timá, kó jè jachó chi̱bo̱a̱ nga je ku̱i̱stjíe̱njin kuí ńjñá xi tindyionjin nga nda ku̱i̱ndyión, ngatꞌa̱ jè ta̱ chiboa tsí chajaa̱ nga kꞌo̱xiéꞌáná Néná, ta̱bo̱a̱jiín ngasꞌe̱ nga kji̱e̱ kisꞌijinjínná.

Xota̱ Roma̱ 13:12

Kuíni nga jè chi̱bo̱a̱a̱ nga ngiti̱ si̱ꞌanjé jàn, ngatꞌa̱ kjiꞌanga niꞌánjé xikónií tsi nínga jñoó mindyión, ni xi nda si̱ꞌán, xikoó tsi nínga tsijee̱n tindyión. Xín si̱ꞌankjaꞌá ngayeje nii̱ kjo̱a̱jñoó, kó kꞌuínda yojoná tsi̱ꞌe̱ nga ki̱a̱ ku̱i̱ṉtsomajin nínga tsijee̱n.

Xota̱ Roma̱ 2:4

Axa̱ niꞌínchꞌí jí kjo̱a̱cho̱o̱n kjo̱a̱ndaa̱, kjo̱a̱chiyákjo̱a̱a̱ ko̱jo kjo̱a̱ndaxota̱a̱ Néná, kó niꞌínkiejín ji yojòo̱ kjo̱a̱a̱ kjo̱a̱nda xi tsꞌénbokoó ndi̱yà tsi̱ꞌe̱ nga si̱ꞌinkꞌoyé ji yojòo̱.

Xota̱ Roma̱ 9:22

Néná xí kamámejeén akó kjo̱a̱xcha̱án, kó tsi kamámejeén akó ngaꞌniuú nga katsꞌénchíkjo̱a̱a̱ kjo̱a̱a̱ xota̱ xi sa̱ko̱ó nga si̱ꞌanjeé ko̱jo si̱ꞌankjie.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

1 Timoo̱ 2:4

Néná mejeén nga kjo̱tjoꞌa ngayeje xotaa̱, ko̱jo nga sku̱i̱e̱ ni xi ja̱koxi̱i̱.

Xota̱ Ebreo̱ 10:37

Ngatꞌa̱ bi̱ tsó xo̱jo̱n eén Néná: Tsá, achichí tsá ndibá xi chjiéngá kji̱ndi̱baá, kó kꞌo̱ndíyájiín.

1 Xo̱jo̱o̱n Peé 3:20

kui xi tsintꞌiéꞌénjín ni̱xtjin nga kisꞌijña Noee̱, kjiꞌanga Néná askoyá sakon sakoo̱n nga sa̱ꞌínkꞌoyà yojoo̱ xotaa̱, tji̱e̱nga kjimanda tjotso jee̱. Jin ma xota̱ xi jatjoꞌaa̱ yojoo̱ nga jesón ngándájín ngi̱jin ndáfoaa̱.

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

2 Xo̱jo̱o̱n Peé 3:15

Kó ngatamakjínjnú nga kui kjo̱a̱chiyákjo̱a̱ xi tjiín Ndi̱a̱ná, tsi̱ꞌe̱ nga kjo̱tjoꞌa ñá boá, xikótsꞌèn nda̱ ntsꞌie xi tjóná xi ꞌmí Pabloo̱, ítꞌajnú xo̱jo̱n, xikó kjiꞌi kjo̱a̱kjínkón xi katsjaá Néná.

Ni xi akakoo̱ 2:21

An, jè katsjandièe̱ tsi̱ꞌe̱ nga sa̱ꞌínkꞌoyà yojoo̱, ta̱nga kui kamámejénjiín nga sa̱ꞌínkꞌoyà yojoo̱ kjo̱a̱a̱ xá xi tsꞌén nga na̱masien tjítsꞌén yojoo̱.