2 Xo̱jo̱o̱n Peé 3:7 - Xo̱jo̱n eén Néná

⁷ Ta̱nga kui ndiꞌakꞌajmi ko̱jo tꞌanangi xi síndo ngotꞌe̱, ta̱ngatꞌanii̱ kui eén Néná nga, nga je síndondani tsi̱ꞌe̱ nga ndiꞌí sa̱ꞌínkjié nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱, kó kjiꞌá boá nga kju̱i̱e̱ xota̱ xi bendikónjín Néná nga.

2 Xo̱jo̱o̱n Peé 3:7 ပူးပေါင်းရင်းမြစ်များ

Xo̱jo̱n Salmoo̱ 102:26

Kju̱i̱e̱ kuí xotaa̱, ta̱nga ji, ngatsjéni̱xtjin nga tindyin ji, ngayejee̱ nga kju̱i̱e̱ xikótsꞌèn fe nga maxchá ngo ńjño, kó xikoó ngo ńjño xi bosíkjo, bo̱a̱ tsꞌén ko̱si̱kje ji, kósꞌe̱ xcha̱ja.

Xo̱jo̱n Salmoo̱ 50:3

¡Jè ndibá Néná! Ta̱nga jmí tsi xió tsꞌéndibá: Ngo ndiꞌí xi tjítsꞌénkjié ngayeje nii̱ tsꞌéndibátjoón, nga ngo foaꞌatjiyajoo̱n kui, tsꞌéndibá ngo tjo̱ꞌniú.

Matioo̱ 10:15

Kó ja̱koxi̱ ni xi xiánjnúꞌun nga kui na̱xi̱ńdaá ni̱xtjin nga ka̱majeé xotaa̱, jé xí sa̱ko̱ó ta̱nisién tsie ngase ta̱bo̱a̱jiín jé xí sa̱ko̱ó na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱.

Matioo̱ 11:22

Ta̱nga xiyàjnúꞌun nga kjiꞌanga kjo̱chó ni̱xtjin nga ka̱majé, tsie ngase jé xí sa̱kójnú ta̱bo̱a̱jiín xota̱ xi chji̱a̱ni na̱xi̱ńdáꞌniú Tiroo̱ ko̱jo na̱xi̱ńdáꞌniú Sindo̱n.

Matioo̱ 11:24

Ta̱nga xiyàjnúꞌun nga kjiꞌanga kjo̱chó ni̱xtjin nga ka̱majé, tsie ngase jé sa̱kójnú jún, ta̱bo̱a̱jiín xota̱ na̱xi̱ńdáꞌniú Sondoma̱.

Matioo̱ 12:36

Ta̱nga an xiyàjnúꞌun nga kjiꞌanga kjo̱chó ni̱xtjin nga ka̱majé, ngayeje xotaa̱ nga sa̱ꞌínkꞌasꞌien xki̱ kjo̱a̱a̱ ngayeje én xí ta̱xkiya tsíchji̱a̱.

Matioo̱ 24:35

Ndiꞌakꞌajmii̱ ko̱jo tꞌanangii̱ kjo̱a̱ꞌa, ta̱nga énna kjo̱a̱ꞌatiyàjín.

Matioo̱ 25:41

Kósꞌe̱ bi̱ ka̱tso̱o̱ xota̱ xi síndo nga skoón: «Ti̱xiónboaꞌájnúꞌun jún xota̱ xi ndajín, tangínjnú nínga tikón ndiꞌí xí jmíni̱xtjin kꞌo̱ xi je tikónnda xi tsi̱ꞌe̱ xindajín ndiabloo̱ ko̱jo ndítsjiee̱.

Markoo̱ 6:11

Kó tsi ngo ngi̱ndie xi ndajín si̱ꞌanjo̱jnú, ko̱jo tsi ko̱nda̱ꞌyájín én xí ko̱ndókjo̱a̱jnú, tja̱tjójnú ki̱a̱a̱, kó tꞌítsaniejnú xa̱ xi ko̱a̱ꞌa̱ tji̱xíndiéjnú, tsi̱ꞌe̱ nga sku̱i̱e̱ kui xotaa̱ nga ndajínkjiꞌi ni xi katsꞌén. Ja̱koxi̱ ni xi xiánjnúꞌun nga ni̱xtjin nga ka̱majeé xotaa̱, chiboa ngase ka̱ma jé xí sa̱ko̱ó xota̱ na̱xi̱ńdáꞌniú Sondoma̱ ko̱jo na̱xi̱ńdáꞌniú Ngomorra̱ ta̱bo̱a̱jiín xikó kjiꞌi ni xi ka̱maa̱ kui xota̱ xi bo̱a̱ sa̱ꞌínjo̱jnú.

Juaa̱ 12:48

Xi sa̱ꞌínchꞌóna, kó sa̱ꞌínjo̱ꞌojín énna, jè tikoón xi ko̱tíjeé, én xí je tsíchji̱a̱ an, kuí xí ko̱tíjeé nga kjo̱chó ni̱xtjin nga kju̱i̱e̱tꞌaa̱.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

Xota̱ Filipo̱ 1:28

Kó nga ta̱ ndakonjínmájnúu̱ kondra̱jnú, ngatꞌa̱ kuí nii̱ xi ko̱ko̱ó ngo chi̱bo̱a̱ kui xotaa̱ nga kju̱i̱e̱, ta̱nga nga jún kjo̱tjoꞌajnú. Néná tsja̱ajnú nga jún xi si̱ꞌánjnú.

2 Xota̱ Tesalónika̱ 2:3

Ngata̱chiíjín boeꞌéndièjnú tsi tjín xi kꞌo̱ṉcha̱jojnú, ngatꞌa̱ kjo̱e̱ꞌejín Ndi̱a̱ná tsi tjónjín xotaa̱ kondra̱ kꞌuíndonii̱ Néná, ko̱jo nga ko̱kó yojoo̱ xota̱ nga̱sondie xi tsi̱ꞌe̱ jeé, kui xi ndií ndo̱bo̱a̱ṉkꞌi̱e̱e̱n.

1 Timoo̱ 6:9

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

Xota̱ Ebreo̱ 12:29

ngatꞌa̱ Néná xí tsa̱ñá xikónií ngo ndiꞌí xi tsꞌenkjié ta̱jmì niní.

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

2 Xo̱jo̱o̱n Peé 3:10

Ta̱nga nga kjo̱e̱ꞌe Ndi̱a̱ná xikónií tsi ngo chejé xí foeꞌe nga jñoó nga kjo̱e̱ꞌe, kó kui ni̱xtjii̱n ndiꞌakꞌajmii̱ achichí ꞌniú kjo̱ni̱e̱ nga kju̱i̱e̱, kó ngayeje nii̱ ndiꞌí si̱ꞌankjieni, kó tꞌanangii̱ ko̱jo ngayeje ni xi tjiín, ku̱i̱ti̱.

2 Xo̱jo̱o̱n Peé 3:12

kó nga si̱ꞌanmejénjnú nga kjo̱chó ni̱xtjin nga sa̱ꞌín Néná ni xi katsó nga sa̱ꞌín. Kui ni̱xtjii̱n ndiꞌakꞌajmii̱ kju̱i̱e̱, kó ngayeje ni xi tjiín ka̱mańdá nga ku̱i̱ti̱.

1 Xo̱jo̱o̱n Juaa̱ 4:17

Kuí nii̱ xi ya nga kjimando̱jo kjin kjin kjo̱a̱tjoó ngi̱jii̱n ñá, nga ka̱maꞌniátakón ni̱xtjin nga kꞌuiyá tsi nda ko̱jo tsi ndajín kiniꞌán, ngatꞌa̱ bo̱a̱ kón ñá xikoó Jesukristoo̱ kꞌi̱e̱ kui nga̱sondie xi tindyión.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.

Ni xi akakoo̱ 17:11

Kó kui cho̱ chꞌokjiꞌii̱ kui xi kui kamaá, ta̱nga kuijín, kuí boá xi ma jii̱n, ndatsi ti̱ kuí boá ngo xi yitoo̱, kó ki̱a̱ tsꞌénfí nínga xcha̱ja ngatsjéni̱xtjin.

Ni xi akakoo̱ 17:8

Kui cho̱ chꞌokjiꞌi xi je kamáyè ji, kuí boá xi kisꞌijña ngasꞌe̱, ta̱nga jè ngiti̱ jmíjín ngotꞌe̱, ta̱nga ki̱a̱ kjo̱tjoni ti̱xa̱na̱nga̱a̱ tꞌanangii̱ nga kji̱ndi̱bá ngindiee̱ nga xcha̱ja, kó xotaa̱ kui nga̱sondiee̱, kui xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin, ndeskande koó nga ítjatsꞌennii̱ kui nga̱sondiee̱, achichí ko̱e̱je̱ndikoón nga sku̱i̱e̱ kui cho̱ chꞌokjiꞌi xi kisꞌijñaa̱, kui xi ngiti̱ jmíjín ngotꞌe̱, ta̱nga kji̱ndi̱bá nginí.

Ni xi akakoo̱ 20:11

Kó kamábe an xi botixómaá, tiboa ko̱jo je ngi̱ndie nínga tikón, ngindyi̱ko̱n kui, kichajá ngayeje nga̱sondiee̱ ko̱jo ndiꞌakꞌajmii̱, kó nginijánjín kamáyà tsi tjín nínga kisꞌijña.

Ni xi akakoo̱ 21:1

Kó kamábe an ngo ndiꞌakꞌajmi xi tja̱tsi̱e̱, ko̱jo ngo nga̱sondie xi tja̱tsi̱e̱, ngatꞌa̱ ndiꞌakꞌajmi ko̱jo nga̱sondie xi tjoón je ngiti̱ jmíjín, kó ndáchíkoón je kichajá.