2 Xo̱jo̱o̱n Peé 3:2 - Xo̱jo̱n eén Néná

² Ngatjaꞌátsjienjnú ni xi katsó já chji̱ni̱e̱ꞌén tsjiee̱ Néná ngasꞌe̱, ko̱jo kjo̱a̱botíxoma xi akóyájnú já apostroo̱ kjo̱a̱a̱ Ndi̱a̱ná Jesukristoo̱ kui xi tsꞌaxiéꞌáná.

2 Xo̱jo̱o̱n Peé 3:2 ပူးပေါင်းရင်းမြစ်များ

Rkaa̱ 1:70

Xikó tsꞌén tsíchji̱a̱tjón Néná nga katsꞌénkíchji̱a̱ já chji̱ni̱e̱ꞌén tsjiee̱ ndeskande koó ngasꞌe̱.

Rkaa̱ 24:27

Kó katsóyaà ni xi kjitꞌa xo̱jo̱n eén Néná nga ítsꞌi̱yanii̱ ndeskande kjo̱a̱kiti xi katsꞌénda Moisee̱, sꞌe̱ ngayeje ni xi katsꞌénꞌindó já chji̱ni̱e̱ꞌe̱én Néná xi tsáyà kjo̱a̱a̱ Kjisoo̱.

Rkaa̱ 24:44

Sꞌe̱ bi̱ katsoó kui jaá: –Kuí eén xi tsíchji̱a̱ an, kjiꞌanga ta̱kó tikónjo̱jnúꞌun: nga chjiéngá kjo̱tjosón ngayeje ni xi kjitꞌa kjo̱a̱a̱ an ngi̱ya kjo̱a̱kitii̱ Moisee̱, xo̱jo̱n xi katsꞌénꞌindó já chji̱ni̱e̱ꞌe̱én Néná ko̱jo xo̱jo̱n Salmoo̱.

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 28:23

Kó ngije ngo ni̱xtjin ikꞌíjñaá, achichí xota̱ jachókoón Pabloo̱, kui xi katsóyaà kjo̱a̱a̱ xikótsꞌèn ko̱tíxoma Néná ndeskande nga ta̱jño̱ó ngaskande nga kamángixoón, kamámejeén Pabloo̱ nga sa̱ꞌínꞌindakon kui xotaa̱ kjo̱a̱a̱ Kjisoo̱, nga katsꞌénkjién xo̱jo̱n kjo̱a̱kitii̱ Moisee̱, ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná.

Ni xi kamá 3:18

Ta̱nga Néná, bi̱ tsꞌén katsꞌénkjatjosón ni xi katsóyàtjón nínga katsꞌénkíchji̱a̱ ngayeje já chji̱ni̱e̱ꞌe̱én nga Kristoo̱ chjiéngá tsie kjo̱a̱ni̱ma̱ kjo̱a̱ꞌatio.

Ni xi kamá 3:21

kui xi je ta̱xà bo̱a̱ kjiꞌini nga ndiꞌakꞌajmii̱ kꞌuijñá ngaskande ni̱xtjin nga ka̱mandaya ngayeje nii̱, kui ni xi katsó Néná nga katsꞌénkíchji̱a̱ já chji̱ni̱e̱ꞌén tsjiee̱ xi kisꞌińdo ni̱xtjin xcháján.

Xota̱ Ngalasia̱ 6:2

Ja̱kꞌi̱e̱ ja̱ngaján tasíko̱jojnú xingi̱jnú xi ndyi̱foaꞌatio kjo̱a̱ni̱ma̱, kó nga bo̱a̱ si̱ꞌánjnú ndyi̱niꞌánkjatjosónjnú kjo̱a̱kitii̱ Kristoo̱.

Xota̱ Éfeso̱ 2:20

Jún xikónií ngo ndiꞌa nkꞌa xi kjimanda kui xi já apostroo̱, ko̱jo já chji̱ni̱e̱ꞌe̱én Néná ítjatsꞌennii̱ nga ndyi̱kjininkꞌa, kó Jesukristoo̱ boá kui xi ndi̱jo̱ ngaꞌniuú kui ndiꞌaa̱.

Xota̱ Éfeso̱ 3:5

Kui ni ꞌmaa̱, ngojín xota̱ xi akakoo̱ kje̱ꞌe ni̱xtjin, xikótsꞌèn ngotꞌe̱ A̱si̱énni̱xtjii̱n Néná akoó já apostro̱ tsjiee̱, ko̱jo já chji̱ni̱e̱ꞌe̱én Néná.

1 Timoo̱ 6:14

tsi̱ꞌe̱ nga si̱ꞌinkjatjosén yeje ji kui kjo̱a̱botíxoma xi tsꞌéntsjaa. Tsjietsꞌén ti̱ꞌinkjatjosén ji kui nii̱, kó nga jmíjín xi ngo ni ko̱óngítaꞌii̱n, ngaskande nga ko̱kó nginí yojoo̱ Ndi̱a̱ná Jesukristoo̱.

2 Xo̱jo̱o̱n Peé 2:21

Ngatꞌa̱ ta̱sara̱ ndatsi kamábejín kui jaá ndi̱yà xí kixi̱i̱, ta̱bo̱a̱jiín tsi ngije kamábe, xín sa̱ꞌínkjaꞌàa̱ yojoo̱ kui kjo̱a̱botíxoma tsjie xi je katseꞌeé.

2 Xo̱jo̱o̱n Peé 3:15

Kó ngatamakjínjnú nga kui kjo̱a̱chiyákjo̱a̱ xi tjiín Ndi̱a̱ná, tsi̱ꞌe̱ nga kjo̱tjoꞌa ñá boá, xikótsꞌèn nda̱ ntsꞌie xi tjóná xi ꞌmí Pabloo̱, ítꞌajnú xo̱jo̱n, xikó kjiꞌi kjo̱a̱kjínkón xi katsjaá Néná.

2 Xo̱jo̱o̱n Peé 3:16

Nga ngo nga ngo xo̱jo̱n xi katsangiya Pabloo̱ katsóyàjnú kjo̱a̱a̱ kui nii̱, ndatsi tjín nii̱ xi niꞌin makjínná. Kuíni nga xota̱ xi ndajín makjiín ko̱jo xi ꞌniújín síndojin kjo̱a̱sꞌijii̱n kje̱ꞌe tsꞌén ꞌbijñaá ni xi je tjítꞌa kui xo̱jo̱n. Bo̱a̱ ti̱ tsꞌeén ni xi ngase xi kjitꞌa xo̱jo̱n eén Néná nga, kó bo̱a̱ tsꞌén nga ti̱ kuii̱ ndyi̱tsꞌènkjí yojoo̱ nínga xcha̱ja.

1 Xo̱jo̱o̱n Juaa̱ 4:6

Ta̱nga ji̱n Néná ndokjo̱a̱nijne̱, kó kui xota̱ xi je be Néná kuí boá xi ntꞌiéjne̱, ta̱nga kui xota̱ xi Nénájín chji̱a̱ni ntꞌiéjínjne̱. Bo̱a̱ tsꞌén nga ka̱ma xcha̱ ñá ꞌyání xi tikoón a̱siénni̱xtjin xi ja̱koxi̱i̱, kó ꞌyání xi tikoón a̱siénni̱xtjin xi ꞌboṉcha̱a̱.

Xo̱jo̱o̱n Jundaa̱ 1:17

Ta̱nga jún ndí ntsꞌie xi tjóna, ngatjaꞌátsjienjnú én xi katsó já apostroo̱ Ndi̱a̱ná Jesukristoo̱,

Ni xi akakoo̱ 19:10

Kó asientꞌáa̱ tikóna ngi̱ndie se kui ndítsjiee̱, tsi̱ꞌe̱ nga sa̱ꞌindikón án katsaki, ta̱nga kui bi̱ katsóna: –Jmí ngata̱ bo̱a̱jín niꞌín ji, ngatꞌa̱ mosoo̱ Néná boá an nga, xikoó ji, ko̱jo xikoó ntsꞌie xi ꞌniú ꞌniátakón ni xi katsꞌén Kjisoo̱. ¡Néná boá xi ti̱ꞌindikín jí! Ngatꞌa̱ én xi akóyá Kjisoo̱, kuí boá xi tsꞌénkíchji̱a̱ chji̱ni̱e̱ꞌe̱én Néná.