2 Xo̱jo̱o̱n Peé 3:1 - Xo̱jo̱n eén Néná

¹ Jún ndí ntsꞌie xi tjóna, kuí bí xi ma joó xo̱jo̱n xi katsꞌendajnúꞌun, kó nga jó kui xo̱jo̱o̱n nga tsꞌenkjaꞌátsjienjnúꞌun ni xi je akoyájnúꞌun tsi̱ꞌe̱ nga kixi̱ tsꞌén kꞌuijñá kjo̱a̱kjíntakónjnú ngindyi̱ko̱n Néná.

2 Xo̱jo̱o̱n Peé 3:1 ပူးပေါင်းရင်းမြစ်များ

Xo̱jo̱n Salmoo̱ 24:4

Ta̱kuítsí xota̱ xi tsjie tsjaa̱, ko̱jo xi tsjie ini̱ma̱a̱, kui xi jmíjéjiín, ko̱jo kui xi jmí tsi ta̱xkiya ndyi̱tsꞌéndíkón ni xi jmí ni chjíjiín, ti̱nde índisojín nga sa̱ꞌínkjatjosón ngo ni.

Xo̱jo̱n Salmoo̱ 73:1

Nga ja̱koxi̱ Néná, achichí ndaxota̱ tsꞌénjo̱ xota̱ Israee̱l, kui xota̱ xi tsjie síndo ini̱ma̱a̱.

Matioo̱ 5:8

Achichíra̱tsjaa̱ xota̱ xi tsjie ini̱ma̱a̱, ngatꞌa̱ kuí xí sku̱i̱e̱ Néná.

2 Xota̱ Korinto̱ 13:2

Jè bo̱a̱ kixianjnúꞌun, kjiꞌanga jáchokónjnúꞌun xi ma joó ndi̱yà, kó ngotꞌe̱, ndatsi ki̱a̱jín tikòn an nga tjítsꞌenꞌindóo̱ kui xota̱ xi katsꞌénjé ngasꞌe̱, ko̱jo ngayeje xota̱ xi ngasee̱, nga tsi kjuín ngiñá an ni̱ma̱jín ka̱mana jún.

1 Timoo̱ 5:22

Ngata̱ ta̱xkiya boeꞌéxéjíi̱n ngo nda̱ nga kꞌuíjñisée̱n ndse̱, ngatꞌa̱ tsi ta̱, ta̱ chiboa ko̱e̱ꞌéxée̱ ko̱jo ji nijan si̱ꞌinjéje̱. Tsjietsꞌén tindyin kjo̱a̱a̱ ngayeje ni xi ndajiín.

2 Timoo̱ 1:6

Kó kuíni nga tsꞌénbotixomaa̱ tsi̱ꞌe̱ nga si̱ꞌinkjìn jí kui kjo̱a̱nda xi katsjaá Néná kjiꞌanga íjñasoón ndsa̱ an.

Xota̱ Ebreo̱ 6:9

Ta̱nga kjo̱a̱a̱ jún ndí ntsꞌie xi tjóna, ndatsi kui nii̱ ꞌmíjne̱, jè yàjne̱ nga ta̱kó sꞌijinjnuú, kó nga ta̱kó maꞌniátakónjnú Néná. Kuí ni xi xi̱ꞌba̱ xi nda ngase kjiꞌi, ngatꞌa̱ bo̱a̱ tsꞌén nga kjo̱tjoꞌajnú.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 2:11

Jún ndí ntsꞌie xi tjóna, ꞌniú míꞌájnúꞌun xikoó xota̱ xi xín nangi, ko̱jo xikoó xota̱ xi ndyi̱foaꞌa kui nga̱sondiee̱, nga ngata̱ boeꞌéjínjnúu̱ ngi̱ndie ni nga̱sondie xi mejeén ini̱ma̱jnú, ngatꞌa̱ kuí nii̱ xi sa̱ꞌínchajajnú,

2 Xo̱jo̱o̱n Peé 3:14

Kuíni nga jún ndí ntsꞌie xi tjóna, tji̱e̱nga ndyi̱chiyájnúu̱ nga kjo̱e̱ꞌe Ndi̱a̱ná, ti̱ꞌánjnú ngo kjo̱a̱ꞌniú tsi̱ꞌe̱ nga kꞌuiéjnú kjo̱a̱xió ngindyi̱ko̱n Néná, ko̱jo nga jmí kjo̱a̱ndándí kꞌuiéjínjnú ko̱jo nga jmíjín xi ka̱maa̱ chꞌo tsꞌén ku̱i̱chji̱a̱taꞌinjnú.

2 Xo̱jo̱o̱n Peé 3:17

Kuíni nga jún ndí ntsꞌie xi tjóna, nga je yàjnú jún kui nii̱, chónjnú yojojnú tsi̱ꞌe̱ nga ta̱kó ꞌniú kꞌuijñá kjo̱a̱a̱ nga sꞌijinjnú Néná, kó nga kꞌo̱ṉcha̱jojínjnú xota̱ xi ꞌniú ndajiín nga skjiénjnú.

2 Xo̱jo̱o̱n Peé 3:8

Jún ndí ntsꞌie xi tjóna, mejénna nga xcha̱jnú nga Ndi̱a̱ná, nga ngo ni̱xtjii̱n xikónií tsi ngo mi̱ nó máa kui, kó nga ngo mi̱ noó xikónií tsi ngo ni̱xtjin máa kui.

Xo̱jo̱o̱n Jundaa̱ 1:5

Ta̱nga ndatsi je yàjnú kui nii̱, mejénna nga sa̱ꞌinkjaꞌátsjienjnúꞌun nga Néná ngije tsꞌaxiéꞌá xota̱ na̱xi̱ńdaá nga tsꞌaxiéni nangi Ejipto̱, jaskan katsꞌénkjié xota̱ xi kisꞌijinjiín.