2 Xo̱jo̱o̱n Peé 2:7 - Xo̱jo̱n eén Néná

⁷ Ta̱nga tsꞌaxiéꞌá Loo̱t, nda̱ xi kixi̱i̱, kui xi on kamaá nga kamábe nga kui xota̱ xi ndajiín katsꞌén ta̱jmì niní.

2 Xo̱jo̱o̱n Peé 2:7 ပူးပေါင်းရင်းမြစ်များ

Jenesii̱s 13:13

Ta̱nga xota̱ xi chji̱a̱ni na̱xi̱ńdáꞌniú Sondoma̱ achichí nga ndajín kamá, kó achichí jé katsꞌén kondra̱a̱ Néná.

Jenesii̱s 19:16

Kó nga tsájín tjítsꞌén Loo̱t, kui já ndítsjiee̱ iskjíbé tsja Loo̱t ko̱jo chjo̱ón ko̱jo ndí ínchjiín, kó tsꞌaxié kui na̱xi̱ńdaá. Tsꞌaxiéꞌá ngatꞌa̱ Néná ni̱ma̱ kamaá.

Jenesii̱s 19:22

Ta̱nga tsá tꞌen ji, ti̱yi jí jàn jàn, ngatꞌa̱ jmí ni sa̱ꞌinjín an ngaskande ngije kjóchí ji ki̱a̱a̱. Kuíni nga kui na̱xi̱ńdaá Soaa̱r kiꞌmí, «ngi̱ndie xi chichí» tsó kui jaꞌeén.

Jenesii̱s 19:29

Bo̱a̱ tsꞌén Néná katsꞌénkjié kui na̱xi̱ńdá xi kisꞌińdo kui nangi soón, ta̱nga Néná jaꞌátsjiee̱n Abraa̱n kó tsꞌaxiéꞌá Loo̱t nga kiniꞌánkjié kui na̱xi̱ńdaá.

Jenesii̱s 19:5

Kó kui jaá ꞌniú askjandáyaá Loo̱t nga bi̱ katsoó: «Loo̱t ñá síndo kui jáxíꞌín xi jeꞌekoón kui ni̱xtji̱e̱e̱n. ¡ꞌNa̱xié ji! ¡Ngatꞌa̱ mejénjne̱ nga kui tsjayójojojne̱!»

Xo̱jo̱n Salmoo̱ 120:5

¡Xi̱xꞌi̱a̱n xò án! ¡Jmíjínna ngo na̱xi̱ńdá nínga chjiá an, ki̱a̱ tikónjìi̱n xota̱ xi síndo ngindie kꞌijñá jàn!

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

2 Xo̱jo̱o̱n Peé 2:2

Achichí ka̱ma xota̱ xi ko̱e̱je̱tji̱ngii̱ ni xi ndajín xi tsjá kjo̱a̱soboá xi katsꞌén kui jaá, kó kuí nii̱ xi sa̱ꞌín nga chꞌo tsꞌén ko̱ndókjo̱a̱ kjo̱a̱a̱ ndi̱yà xí ja̱koxi̱i̱.

2 Xo̱jo̱o̱n Peé 3:17

Kuíni nga jún ndí ntsꞌie xi tjóna, nga je yàjnú jún kui nii̱, chónjnú yojojnú tsi̱ꞌe̱ nga ta̱kó ꞌniú kꞌuijñá kjo̱a̱a̱ nga sꞌijinjnú Néná, kó nga kꞌo̱ṉcha̱jojínjnú xota̱ xi ꞌniú ndajiín nga skjiénjnú.

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.