2 Xo̱jo̱o̱n Peé 2:3 - Xo̱jo̱n eén Néná

³ Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

2 Xo̱jo̱o̱n Peé 2:3 ပူးပေါင်းရင်းမြစ်များ

Joo̱b 6:27

¡Jún ka̱majnú si̱ꞌánjnú ngayeje nii̱, ngaskande tsi ko̱ti̱ñájnú ngo xota̱ xi xꞌi̱a̱n, ko̱jo tsi ngo ti̱xa̱ si̱ꞌandajnú nínga kꞌuínijìnjnú ngo amingo̱!

Xo̱jo̱n Salmoo̱ 18:44

Ta̱ niꞌin ntꞌié kjo̱a̱a̱ an, kó ja̱kamá ntꞌiéꞌénna, xota̱ xi xín nangii̱, án boá xi atixomáa̱.

Xo̱jo̱n Salmoo̱ 66:3

Bi̱ tꞌínjnúu̱ Néná: ¡Achichí fíndikónná ngayeje ni xi je kiniꞌínde ji! Ta̱ngatꞌanii̱ nga tsie ngaꞌniú xí tjiín, kuíni nga kondra̱a̱ ki̱a̱ kꞌuíndo ngindie ndsa̱ki ji.

Xo̱jo̱n Salmoo̱ 81:15

Xota̱ xi chꞌoo̱ Néná, ki̱a̱ra̱ je ni̱ma̱kjo̱a̱ kixindyia ngindyi̱ko̱n kui, ta̱nga ngatsjéni̱xtjinra̱ nga Néná kotijée̱.

Matioo̱ 23:14

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱niꞌánkjiéjnú ndiꞌaa̱ ínchjín kꞌán xi je kꞌien xi̱ꞌii̱n, kó ti̱xꞌi̱a̱n achichí ndojó ndyi̱niꞌánjnú énjnú nga ndyi̱ndokjo̱a̱jnúu̱ Néná. Ta̱ngatꞌanii̱ kui nii̱ nga tsie ngase ka̱majéjnú.

Rkaa̱ 18:8

Xiyàjnúꞌun nga Néná tsá ko̱jo kixi̱ tsꞌén sa̱ꞌínseén xotaa̱. Ta̱nga nga kjo̱e̱ꞌe nginí ndií nda̱ xi̱ꞌii̱n, a sa̱kórií kjo̱a̱sꞌijin kꞌi̱e̱ tꞌanangii̱.

Rkaa̱ 20:20

Kó kanangiyachoo̱n xota̱ xi askondá, xi ti̱xꞌi̱a̱n xota̱ xi kixi̱ sa̱ꞌín yojoo̱, tsi̱ꞌe̱ nga ku̱i̱ntꞌiè ngo én xí ndajín xi ka̱tso̱, kó bo̱a̱ tsꞌén sa̱ꞌínkꞌasꞌien Kjisoo̱ ngi̱ya ngaꞌniuú, ko̱jo xaá nda̱ xi xtitjoón kui ngi̱ndiee̱.

Rkaa̱ 22:47

Kó ti̱ tsꞌénchji̱a̱ ngase Kjisoo̱ nga jachó ngo sen xota̱, ko̱jo nda̱ xi ꞌmí Jundaa̱, ngo nda̱ xi chji̱a̱ni nga tiejó xota̱a̱ Kjisoo̱, kui kijítjoón kui jaá, kó kijíkóntiñaa̱ Kjisoo̱ tsi̱ꞌe̱ nga ngo ndsó tsja̱á tꞌanijon.

Juaa̱ 2:16

kó bi̱ katsoó já xí ndyi̱botiñá tójoo̱: –Chje̱ꞌéxínjnúꞌun kui nii̱ kꞌi̱e̱e̱, ngata̱ ndiꞌa nínga stiñá nijín niꞌánjnú ndiꞌaa̱ Na̱ꞌmina.

Xota̱ Roma̱ 16:18

Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná.

2 Xota̱ Korinto̱ 2:17

Ngatꞌa̱ jmí tsi bo̱a̱ kónjne̱ xikoó kjín xota̱ xi ndyi̱foaꞌáchjí nga ndyi̱chji̱a̱ eén Néná, ngayejení ini̱ma̱jne̱ nga ndyi̱ꞌbíni̱jmìjne̱ Kristoo̱. Bo̱a̱ ndyi̱niꞌánjne̱ ngindyi̱ko̱n Néná xí katsjájne̱ kui xaá.

Ndeuteronomio̱ 24:17

»Nda ti̱ꞌanjo̱jnú xota̱ xi ki̱a̱ jachókꞌíndo tsá ki̱a̱ na̱xi̱ńdaá, ko̱jo xota̱ xi xꞌi̱a̱n. »Tsi tjín ni xi si̱ꞌankíyájnúu̱ ngo xota̱chjo̱on kꞌán xi je kꞌien xi̱ꞌii̱n, nga ńjñoo̱jín chjiáꞌajnúu̱ tsi̱ꞌe̱ nga kui nii̱ xi ku̱i̱ꞌíjñangini.

1 Xota̱ Tesalónika̱ 2:5

Kó ti̱ jè yàjnú nga jmíni̱xtjin nga én ixiꞌá kandokjo̱a̱jojne̱ jún, ti̱nde kichꞌíṉcha̱jojínjne̱ tsi̱ꞌe̱ nga to̱n kichjiáꞌájne̱. Néná xí chistiko̱ kjo̱a̱a̱ kui nii̱.

1 Xota̱ Tesalónika̱ 5:3

Kjiꞌanga bi̱ ka̱tso̱ xotaa̱: “Tjínná kjo̱a̱xió, ko̱jo jè jmí ni ka̱májínná”, kjiꞌá boá nga ta̱niján ma kji̱ndi̱bá nga kju̱i̱e̱ kui xotaa̱, xikó ma má nga je ndibaá tsi̱ndi̱o̱o̱ ngo xota̱chjo̱on xí yaꞌa ndí. Ngiti̱ jmíjín kótsꞌèn ka̱ma ku̱i̱yòjnú.

1 Timoo̱ 3:3

ko̱jo chjiénjín nga tsꞌatio kꞌuí bino̱, ko̱jo ka̱májín tamá ka̱ma, ko̱jo chjiéngá nda ini̱ma̱ ka̱ma, ko̱jo chjiéngá xió kjótsoꞌbá, ko̱jo jmí tsi xke̱éto̱n ka̱ma.

1 Timoo̱ 3:8

Kó ti̱ bo̱a̱ tsꞌén já xí bosikójo já ngito̱ko̱o̱ na̱ngo̱xi̱i̱ chjiéngá já xí yandikón ka̱ma, ko̱jo xí ku̱i̱ꞌíndisojín, ko̱jo xi kꞌo̱tiójiín nga kꞌuí bino̱, ko̱jo xi jmí tsi ka̱mamejeén to̱n xi ndajín tsꞌén kasako.

1 Timoo̱ 6:5

ko̱jo kjo̱a̱bixkaán xota̱ xi ndajín tsꞌén tikón kjo̱a̱kjíntakoón, ko̱jo xi bejín ni xi ja̱koxi̱i̱, kó tsꞌénkjó nga tsi sku̱i̱e̱ndikón Néná, ka̱macho̱n. Xín ti̱ꞌinkjeꞌée̱ yojòo̱ kui xotaa̱.

Titoo̱ 1:11

Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.

Titoo̱ 1:7

Ngatꞌa̱ chjiéngá, nga kui xota̱ xi ngito̱ko̱o̱ na̱ngo̱xi̱i̱ ka̱ma, nga jmíjín xi chꞌo tsꞌén ku̱i̱chji̱a̱taꞌin nga tjítsꞌén xaá Néná, nga nkꞌakonjín kꞌo̱xié yojoo̱, nga ka̱májín xtinda ka̱ma, nga chjiénjín nga tsꞌatio kꞌuí bino̱, ti̱nde nga ka̱májín xota̱ xi kján ka̱ma, ti̱nde nga ka̱májín sa̱ꞌínmején ndyi̱ko̱n to̱o̱n ni xi ndajín tsꞌén kasakoni.

1 Xo̱jo̱o̱n Peé 2:8

Ko̱jo ti̱ bi̱ ti̱ tsó nga: Kuí boá kui ndi̱jo̱o̱, ngo ndi̱jo̱ xi stingí xotaa̱. Kó kꞌo̱jmi nga sti̱ngí xotaa̱, ngatꞌa̱ tsintꞌiéꞌénjín kui eén, ngatꞌa̱ je bo̱a̱ tsꞌén tikón nga bo̱a̱ ka̱ma.

1 Xo̱jo̱o̱n Peé 5:2

Chónjnú xota̱ na̱ngo̱xi̱ xi Néná katsꞌénkꞌindájnú xikoó ngo nda̱ xi koo̱n cho̱tsa̱nga̱a̱, chónjnú, kó jmí tsi kjo̱a̱ꞌniú nga bo̱a̱ si̱ꞌánjnú, ta̱sá ngayeje takónjnú, xikótsꞌèn mejeén Néná, jmí tsi kjo̱a̱a̱ kjo̱a̱xkéto̱n, ta̱sá kjo̱a̱a̱ nga tsja májnú nga niꞌánjnú kui xaá.

2 Xo̱jo̱o̱n Peé 1:16

Kjiꞌanga kiꞌmíyàjne̱ nga kji̱ndi̱bá nginí Ndi̱a̱ná Jesukristoo̱ nga kjo̱e̱ꞌéjo̱ ngaꞌniuú, jmí tsi én xchá maña̱ xi ta̱ kiniꞌánda xí tsangíntjingijne̱, ta̱sá kiꞌmíyàjne̱ ngatꞌa̱ ji̱n má xi kamáyàjne̱ ngaꞌniuú Ndi̱a̱ná.

2 Xo̱jo̱o̱n Peé 2:1

Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

2 Xo̱jo̱o̱n Peé 2:9

Ngayeje kui nii̱ xi bokó nga Ndi̱a̱ná márií ꞌboxiéjin ngi̱jii̱n kjo̱a̱chjatꞌayákón xi ꞌbeé xota̱ xi bendikón Néná, kó ti̱ tjínrií ngaꞌniú nga ko̱tíjeé xota̱ xi kixi̱jín, nga kjo̱chó ni̱xtjin nga Néná ka̱tso̱yà tsi nda ko̱jo tsi ndajínkjiꞌi ni xi katsꞌén xotaa̱.

Xo̱jo̱o̱n Jundaa̱ 1:11

¡Ni̱ma̱ xò kuí jaá! Ngatꞌa̱ ndajín ndyi̱tsꞌèn xikó katsꞌén Kaii̱n, kó ta̱ngatꞌanii̱ nga tsie to̱n mejeén nga ndyi̱tsꞌèn ni xi ndajínkjiꞌi xikó katsꞌén Balaa̱n. Xikoó Koree̱ nga ko̱yà ngatꞌa̱ bendikónjín xi botixómaá.

Xo̱jo̱o̱n Jundaa̱ 1:15

tsi̱ꞌe̱ nga ka̱tso̱yaa̱ ngayeje xotaa̱ kui nga̱sondiee̱ tsi nda ko̱jo tsi ndajín katsꞌén, ko̱jo tsi̱ꞌe̱ nga ko̱tíjeé ngayeje xota̱ xi ndajiín, kjo̱a̱a̱ ngayeje ni xi ndajín xi katsꞌén, ko̱jo kjo̱a̱a̱ ngayeje én chꞌo tsó xi katsoó Néná.”

Xo̱jo̱o̱n Jundaa̱ 1:16

Kuí jaá xi chji̱a̱taꞌin xotaa̱, kó jmíjín ni xi nda maá kui. Ni xi mejeén ini̱ma̱a̱ xí ndyi̱mongase. Je ꞌboxié yojoo̱ nga chji̱a̱. Nda tsꞌén chji̱a̱ kjo̱a̱a̱ xotaa̱, ta̱nga ta̱ tsi̱ꞌe̱ nga sa̱kórií ni xi mejeén kui.

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.