2 Xo̱jo̱o̱n Peé 2:2 - Xo̱jo̱n eén Néná

² Achichí ka̱ma xota̱ xi ko̱e̱je̱tji̱ngii̱ ni xi ndajín xi tsjá kjo̱a̱soboá xi katsꞌén kui jaá, kó kuí nii̱ xi sa̱ꞌín nga chꞌo tsꞌén ko̱ndókjo̱a̱ kjo̱a̱a̱ ndi̱yà xí ja̱koxi̱i̱.

2 Xo̱jo̱o̱n Peé 2:2 ပူးပေါင်းရင်းမြစ်များ

Jenesii̱s 19:5

Kó kui jaá ꞌniú askjandáyaá Loo̱t nga bi̱ katsoó: «Loo̱t ñá síndo kui jáxíꞌín xi jeꞌekoón kui ni̱xtji̱e̱e̱n. ¡ꞌNa̱xié ji! ¡Ngatꞌa̱ mejénjne̱ nga kui tsjayójojojne̱!»

Xo̱jo̱n Salmoo̱ 18:21

Ngatꞌa̱ ki̱a̱ tsꞌénfítji̱ngi an ndi̱ya̱à Néná, kó jmí ni xi ndajín tjítsꞌenjín an, ti̱nde tjítsꞌenkjinjáa̱n yojona kui.

Matioo̱ 22:16

Kó kanangiyachoo̱n xota̱ xi chji̱a̱ni kui jaá ko̱jo xota̱ xi majo̱ Erondee̱, xi bi̱ katsoó Kjisoo̱: –Mostro̱, jè yàjne̱ nga ja̱koxi̱ ni xi bokoyé ji, ko̱jo nga ja̱koxi̱ nga ndi̱yà xí tsi̱ꞌe̱ Néná boá xi tibokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n,

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 7:14

ta̱nga achichí xkjó ko̱jo chichí ndi̱ya̱à kjo̱a̱mindyioo̱n, kó chiboa tsí má xota̱ xi sakoó.

Markoo̱ 12:14

Kó ngije jachó kui jaá, bi̱ katsoó: –Mostro̱, jè yàjne̱ nga ja̱koxi̱ ni xi bokoyé ji, kó nga ndasénjiín ni xi tsó xota̱ xi ngasee̱ kjo̱a̱a̱ ni xi ndokjo̱e̱ ji, ngatꞌa̱ jmí tsi ni xi ya sónkꞌaá xi titsitsijìi̱n, ta̱sá ja̱koxi̱i̱ ndi̱yà xí tsi̱ꞌe̱ Néná xí tibokoyé ji. A tsjandiè kjo̱a̱kitii̱, axa̱ tsjandièjín nga kꞌuíchjíjne̱ to̱n xi machjítjé ni nda̱ xtitjón xi ꞌmí Sesaa̱. A ko̱e̱ꞌéjne̱ axa̱ ko̱e̱ꞌéjínjne̱.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Ni xi kamá 13:10

sꞌe̱ bi̱ katsoó: –¡Ji chí ndiso, ji xi tjikítsiee̱ ngayeje kjo̱a̱ndiso ko̱jo ni xi ndajín, ndií xindajín ndiabloo̱, ko̱jo kondraa̱ ngayeje ni xi kixi̱! Míkjo̱a̱a̱ nga ji tiniꞌínkjatsén jí ndi̱yà kixi̱i̱ Ndi̱a̱ná.

Ni xi kamá 14:2

Ta̱nga xota̱ jundíoo̱ xi kisꞌijinjiín én xí tsíchji̱a̱ Pabloo̱ ko̱jo Bernabee̱ indyiáꞌá xota̱ xi jundío̱jiín, tsi̱ꞌe̱ nga chꞌo ko̱a̱ꞌa̱ kui já ntsꞌiee̱.

Ni xi kamá 16:17

Kó kui tsa̱kji̱ín tji̱e̱nmá kijítji̱ngijne̱ ji̱n ko̱jo Pabloo̱, kó askjandáyà má nga bi̱ katsó: –¡Kui jmi̱i̱, Néná xí tikón ndiꞌakꞌajmi jàn ndyi̱tsꞌènxájo̱, kó kuí xí ndyi̱tsáyájnú ndi̱yà xí kꞌo̱xiéꞌájnú!

Ni xi kamá 18:26

kó kui nda̱a̱ jmíjín xi katsakjónní nga tsíchji̱a̱ ki̱a̱ ndiꞌa nínga ndokjo̱a̱ eén Néná, ta̱nga nga tsintꞌieé na̱ Prisilaa̱ ko̱jo Akilaa̱, kijíjo̱tꞌaxín, kósꞌe̱ katsóyà nda ndaa̱ kjo̱a̱a̱ ndi̱ya̱à Néná.

Ni xi kamá 19:9

Ta̱nga tjín xota̱ xi ta̱ngatꞌanii̱ kjo̱a̱kitikjo̱a̱a̱ nga kisꞌijinjiín én xí kandokjo̱a̱jo, kó chꞌo tsꞌén tsíchji̱a̱ ngindyi̱ko̱n xotaa̱ kjo̱a̱a̱ ndi̱yà tja̱tsi̱e̱e̱, ta̱nga Pabloo̱ tsꞌaxiétꞌaxín yojoo̱, kó kijíjo̱ ngayeje xota̱ na̱ngo̱xi̱i̱ ki̱a̱ na̱xko̱ya̱á kui nda̱ xi ꞌmí Tiranoo̱, nínga ndyiojón ndyiojón akóyá kui eén.

Ni xi kamá 22:4

Ngasꞌe̱ tsangatji̱ngíi̱ nga sa̱ꞌínkꞌién an xota̱ xi tjimátji̱ngi kui ndi̱yà tja̱tsi̱e̱e̱, kó katsoboa an kósꞌe̱ katsangisꞌien an ndo̱bo̱a̱yà xí chjo̱on xí xi̱ꞌin.

Ni xi kamá 24:14

Ta̱nga ngo tsí ni xi ku̱i̱e̱je̱ntsꞌoa an, nga Ne xi tsi̱ꞌe̱ xota̱ tji̱e̱ xchána xí tjítsꞌendikón án, xikó kjiꞌi ndi̱yà tja̱tsi̱e̱e̱ xi kje̱ꞌe tjín ndyi̱tsoó kui xotaa̱, ngatꞌa̱ sꞌijinna ngayeje ni xi kjitꞌa xo̱jo̱n kjo̱a̱kitii̱ Néná, ko̱jo xo̱jo̱n xi katsꞌénꞌindó já chji̱ni̱e̱ꞌe̱én Néná,

Xota̱ Roma̱ 2:24

Ngatꞌa̱ bi̱ tsꞌén kjitꞌa xo̱jo̱n eén Néná: “Ta̱ngatꞌanii̱ jún, nga xota̱ xi jundío̱jiín chꞌo ndyi̱tsoó Néná.”

1 Timoo̱ 5:14

Kuíni nga mejénna nga ku̱i̱xan ínchjín kꞌán xi je kꞌien xi̱ꞌii̱n xi kjindií, kó ngatꞌieé ndí, nga koo̱n ndiꞌaa̱, kó nga tsjandièjiín nga xota̱ xi kondraa̱ ku̱i̱chji̱a̱taꞌin.

Titoo̱ 2:5

chjiéngá nga nda sa̱ꞌínkjiín kon ni xi sa̱ꞌín, ko̱jo chjiéngá tsjie ka̱ma ini̱ma̱a̱, ko̱jo nga skoón ndiꞌaa̱, ko̱jo nga ndaxota̱ ka̱ma, ko̱jo nga sku̱i̱e̱ndikón xi̱ꞌii̱n, bo̱a̱ tsꞌén nga ta̱ꞌyajín xi chꞌo tsꞌén ku̱i̱chji̱a̱taꞌin eén Néná.

Titoo̱ 2:8

Én nda ndókjo̱e̱ ji, kó nde ngojín xi ka̱maa̱ ku̱i̱chji̱a̱taꞌii̱n, tsi̱ꞌe̱ nga soboá ka̱maa̱ kondraa̱, kó bo̱a̱ tsꞌén nga nde chií ka̱májiín chꞌo ka̱tso̱ná.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

2 Xo̱jo̱o̱n Peé 2:12

Ta̱nga kui jaá, chꞌo tsꞌénchji̱a̱ kjo̱a̱a̱ ni xi makjínjiín, xikónií cho̱ xi tsꞌénkjójín kui xi ta̱ tjimá tsí tsi̱ꞌe̱ nga ko̱ndo̱bo̱a̱ ko̱jo si̱ꞌankꞌien. Kuíni nga ko̱yà kui jaá ta̱ngatꞌanii̱ ni xi ndajín xi ndyi̱tsꞌèn.

2 Xo̱jo̱o̱n Peé 2:15

Jè íjñámasien ndi̱yà xí kixi̱i̱, kó jè kichajá nga bo̱a̱ ndyi̱tsꞌèn xikoó nda̱ xi ꞌmí Balaa̱n, ndií Beoo̱r, kui xi to̱n kamámejeén, kó katsꞌén ni xi kixi̱jiín.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

2 Xo̱jo̱o̱n Peé 2:21

Ngatꞌa̱ ta̱sara̱ ndatsi kamábejín kui jaá ndi̱yà xí kixi̱i̱, ta̱bo̱a̱jiín tsi ngije kamábe, xín sa̱ꞌínkjaꞌàa̱ yojoo̱ kui kjo̱a̱botíxoma tsjie xi je katseꞌeé.

2 Xo̱jo̱o̱n Peé 2:7

Ta̱nga tsꞌaxiéꞌá Loo̱t, nda̱ xi kixi̱i̱, kui xi on kamaá nga kamábe nga kui xota̱ xi ndajiín katsꞌén ta̱jmì niní.

Xo̱jo̱o̱n Jundaa̱ 1:10

Ta̱nga kui já xí tsꞌasꞌienjin maña̱jnú ta̱xkiya chꞌo tsꞌén chji̱a̱ kjo̱a̱a̱ ni xi kji̱e̱ makjínjiín. Kó ni xi makjiín xikótsꞌèn bee̱ko̱n, ta̱xkiya kjíbé. Kui jaá xikónií cho̱ xi tsꞌénkjójín. Kó ta̱ngatꞌanii̱ kui nii̱, nga ti̱ kuii̱ ndyi̱tsꞌènkjátsón yojoo̱.

Xo̱jo̱o̱n Jundaa̱ 1:15

tsi̱ꞌe̱ nga ka̱tso̱yaa̱ ngayeje xotaa̱ kui nga̱sondiee̱ tsi nda ko̱jo tsi ndajín katsꞌén, ko̱jo tsi̱ꞌe̱ nga ko̱tíjeé ngayeje xota̱ xi ndajiín, kjo̱a̱a̱ ngayeje ni xi ndajín xi katsꞌén, ko̱jo kjo̱a̱a̱ ngayeje én chꞌo tsó xi katsoó Néná.”

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Xo̱jo̱o̱n Jundaa̱ 1:7

Xikó katsꞌén kui ndítsjiee̱, ti̱ bo̱a̱ ti̱ katsꞌén xota̱ na̱xi̱ńdáꞌniú Sondoma̱ ko̱jo Ngomorra̱, ko̱jo kui xota̱ na̱xi̱ńdá xí síndotꞌaa̱ kui ngi̱ndiee̱, nga ta̱xkiya katsꞌéntsjajo̱ yojo ndikoón, nga kondra̱ kijínii̱ ni xi íjñá Néná, kuíni nga jaꞌatio kjo̱a̱ni̱ma̱ nga kamájénií ngi̱jii̱n ndiꞌí xi jmíni̱xtjin kꞌo̱o̱. Bo̱a̱ kamá, tsi̱ꞌe̱ nga kui nii̱ xi chi̱bo̱a̱ kamáná ñá.

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.

Ni xi akakoo̱ 13:14

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.