2 Xo̱jo̱o̱n Peé 2:1 - Xo̱jo̱n eén Néná

¹ Ngi̱jii̱n xota̱ jundíoo̱ kisꞌie já chji̱ni̱e̱ꞌén ndiso xi tsꞌenṉcha̱, kó ti̱ bo̱a̱ ti̱ tsꞌén kꞌuié mostro̱ xi kꞌo̱ṉcha̱ ngi̱jii̱n jún. Kui jaá, kuí boá xi ꞌma ꞌma ko̱kóyájnú kje̱ꞌe ni xi sa̱ꞌínkjatsónjnú. Sa̱ꞌínkiejín yojoo̱ kjo̱a̱a̱ kui Ndi̱a̱ná xi tsꞌaxiéꞌá. Kuí nii̱ xi sa̱ꞌín nga kui xotaa̱ tsá si̱ꞌankjie.

2 Xo̱jo̱o̱n Peé 2:1 ပူးပေါင်းရင်းမြစ်များ

Éksondo̱ 15:16

¡Ngayeje kui xotaa̱, nga nda̱ ka̱maa̱ kó ꞌniú stsa̱kjonní! »Ne tsa̱ꞌa̱n, nga sku̱i̱e̱ ngaꞌniúu̱ achichí stsa̱kjonní, ¡kó nde ngiti̱ sa̱ꞌíntíyájín xikoó ndi̱jo̱o̱, ngaskande nga kjo̱a̱ꞌa xota̱ na̱xi̱ńdáa̱!

Kjo̱a̱chaꞌaá 2:14

Kui xi xota̱ chji̱ni̱e̱ꞌée̱n kiniꞌín ji, ni ndiso ko̱jo ni chi̱ni boá xi katsóyaà. Katsóyàjiín jé xí kiniꞌín ji, tsi̱ꞌe̱ nga kꞌuijñáꞌniújiín. Ta̱sá ni xi jmí ni chjíjiín xi katsóyaà, kó kiniꞌínsꞌijin ji.

Matioo̱ 10:33

ta̱nga ta̱ ꞌyání xi ka̱tso̱yà nga bejínna ngindyi̱ko̱n xotaa̱, ti̱ bo̱a̱ ti̱ tsꞌén xiyà an nga bejín an kui ngindyi̱ko̱n Na̱ꞌmina xi tikón ndiꞌakꞌajmi jàn.

Matioo̱ 24:11

kó achichí kjín ka̱ma já chji̱ni̱e̱ꞌén ndiso xi kꞌuié, kó kjín xota̱ kꞌo̱ṉcha̱jo,

Matioo̱ 24:24

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ tsi kꞌo̱ṉcha̱jo xota̱ xi je jaꞌájin Néná.

Matioo̱ 24:5

Ngatꞌa̱ achichí má xota̱ xi kjo̱e̱ꞌe ngajona nga bi̱ ka̱tso̱: «Án boá xi Kristoo̱», kó kjín xota̱ xi kꞌo̱ṉcha̱jo.

Matioo̱ 7:15

Chónjnú já chji̱ni̱e̱ꞌén ndiso xi kjo̱chókónjnú, xi bo̱a̱ má kón xikoó ngo cho̱tsa̱nga̱, ta̱nga nga ja̱koxi̱ cho̱lobo̱ boá.

Markoo̱ 13:22

Ngatꞌa̱ kjín Kristo̱ ndiso xi kuijín xi kjo̱tjokjá, ko̱jo kjín já chji̱ni̱e̱ꞌén ndiso xi kji̱ndi̱bá, kó sa̱ꞌín kjo̱a̱ndikón, ko̱jo chi̱bo̱a̱ tsi̱ꞌe̱ nga kꞌo̱ṉcha̱jo xotaa̱, kó ngaskande ka̱maa̱ kꞌo̱ṉcha̱jo xota̱ xi je jaꞌájin Néná.

Rkaa̱ 12:9

Ta̱nga xi ka̱tso̱yà ngindyi̱ko̱n xotaa̱ nga bejínna, ti̱ bo̱a̱ ti̱ tsꞌén xiyà an nga bejín an kui ngindyi̱ko̱n ndítsjiee̱ Néná.

Rkaa̱ 21:8

Kósꞌe̱ Kjisoo̱, bi̱ katsó: –Tsitsíjenjnúu̱ nga jmíjín xi kꞌo̱ṉcha̱jojnú, ngatꞌa̱ achichí má xota̱ xi kjo̱e̱ꞌe ngajona xi bi̱ ka̱tso̱: “Án boá xi Kristoo̱”, ko̱jo bi̱ ka̱tso̱: “Jè kjimatiña ni̱xtjii̱n”, ta̱nga nga kuijín xi mongíntjíngíjnú.

Rkaa̱ 6:26

Xi̱xꞌi̱a̱njnú jún kjiꞌanga ngayeje xotaa̱ nda tsꞌén ku̱i̱chji̱a̱ kjo̱a̱a̱ jún, ngatꞌa̱ xota̱ xi xchaá kui xotaa̱ ti̱ bo̱a̱ ti̱ tsꞌén katsꞌénjo̱ já chji̱ni̱e̱ꞌén ndísoó nga.

Xota̱ Roma̱ 16:18

Ngatꞌa̱ kui xotaa̱ jmí tsi xaá Ndi̱a̱ná Jesukristoo̱ xi ndyi̱tsꞌèn, ni xi tsjaa̱ kuí xí ndyi̱tsꞌèn, kó achichí én nda ko̱jo én tsjatsó chji̱a̱ nga ꞌbindísojo̱ xota̱ xi kji̱e̱ ꞌniújín makjiín ni xi tsi̱ꞌe̱ Ndi̱a̱ná.

1 Xota̱ Korinto̱ 11:19

Chjiéngá nga kja̱xꞌi̱a̱ kja̱xꞌi̱a̱jnú xingi̱jnú, ta̱nga tsi̱ꞌe̱ nga xcha̱ ꞌyání xi ja̱koxi̱ nga ꞌniú síndo ngindyi̱ko̱n Néná.

1 Xota̱ Korinto̱ 6:20

Ngatꞌa̱ Néná je tsꞌatsiejnú nga katsjá ngo chjí, kó kuíni nga ti̱ꞌankjiénjnú yojojnú tsi̱ꞌe̱ nga ko̱e̱ꞌéjnúu̱ kjo̱a̱je Néná.

1 Xota̱ Korinto̱ 7:23

Ngatꞌa̱ tsie kamáchjí nga kitsꞌítsiejnú, kó ngata̱ boeꞌéndièjínjnú nga moso̱ xi kastiñá tsi̱ꞌe̱ xotaa̱ sa̱ꞌínjnú.

Xota̱ Ngalasia̱ 2:4

Kó ndatsi tjín já ntsꞌie xi maña̱ xi kijíjinꞌmaá xota̱ná, tsi̱ꞌe̱ nga skotsíjenꞌmaá kui kjo̱a̱ndeé kjo̱a̱kitii̱, xi katsjáná ñá xi sꞌijinná Kristo̱ Kjisoo̱, tsi̱ꞌe̱ nga kui jaá sa̱ꞌínná kjo̱a̱ꞌniú nga moso̱ xi kastiñaá kjo̱a̱kitii̱ sa̱ꞌínná.

Xota̱ Ngalasia̱ 3:13

Tsi̱ꞌe̱ nga kꞌo̱kaniéjínná kjo̱a̱botíjeé kjo̱a̱kitii̱, Kristoo̱ iskjíbé kui kjo̱a̱botíjé xí chji̱a̱ni kjo̱a̱kitii̱ ta̱ngatꞌanii̱ ñá, ngatꞌa̱ bi̱ tsꞌén kjitꞌa xo̱jo̱n eén Néná: “Ngatꞌíko̱joo̱ ngayeje xota̱ xi tsjiengíboaꞌátꞌa ngo yá.”

Xota̱ Ngalasia̱ 4:17

Kui jaá kjima chi̱ni̱ kjo̱a̱a̱ jún, ta̱nga jmí tsi kjo̱a̱a̱ ni xi nda, ta̱sá kjo̱a̱a̱ nga mejeén nga xín si̱ꞌankjaꞌájnúu̱ yojojnú ji̱n, tsi̱ꞌe̱ nga jún si̱ꞌansenjnúu̱ kui jaá.

Xota̱ Ngalasia̱ 5:20

ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo xi ndyi̱tsꞌèn kjo̱a̱tjiꞌe, ko̱jo xi chꞌoo̱ xkjín, ko̱jo xi ndyi̱ꞌboxié kjo̱a̱xti, ko̱jo xi tjiín kjo̱a̱chi̱ni̱, ko̱jo xi ngotjón ngotjón ndyi̱kjàn, ko̱jo xi ndyi̱tsꞌènchꞌó xkjín, ko̱jo xi ndyi̱bokjángá yojoo̱ nga ndyi̱ꞌboxié kjo̱a̱xchán kósꞌe̱ ngo ndiè ndyi̱tsꞌèn yojoo̱,

Xota̱ Éfeso̱ 1:7

Kuí ndií xi kꞌien tsi̱ꞌe̱ nga Néná tsꞌaxiéꞌáná ñá, kó kuíni nga tjínná kjo̱a̱niꞌánjetakoón jéná, xikó kjiꞌi tsie kjo̱a̱nda je xi katsjáná Néná,

Xota̱ Éfeso̱ 4:14

Bo̱a̱ tsꞌén nga ngiti̱ xikójiín ngo ndí ka̱ma ñá xí ngotjón ngotjón bosíkjo ni xi tsꞌénkjó. Ka̱májín ta̱xkiya kongíntji̱ngí ngo kjo̱a̱bokoyá tja̱tsi̱e̱ xi skjiénná kó kꞌo̱ṉcha̱joná, kui xi bokoyá xota̱ maña̱ xi ndi̱yà xi ndajín tjimaá.

Xota̱ Filipo̱ 3:19

Kó nga fetꞌa kju̱i̱e̱ kuí xotaa̱, kui xi nga̱tsꞌo̱a̱ boá xi ndyi̱fítji̱ngi xikoó tsi nee̱, kó mongase kjo̱a̱jee̱ ngi̱jii̱n ni xi chjiéngá tsja̱á kjo̱a̱soboá, kui xi ta̱ nii̱ kui nga̱sondiee̱ tsí xi kjijinkon.

Xota̱ Kolosa̱ 2:18

Ngata̱ niꞌánsénjínjnúu̱ xota̱ xi ni̱ma̱kjo̱a̱ ndyi̱tsꞌèn yojoo̱, kó ndítsjie ndyi̱tsꞌéndíkón, kuí boá xi ku̱i̱ꞌíchjaá nga sa̱kójnú ni xi niꞌán xi si̱ꞌánjnú, kui xotaa̱ ndyi̱tsó nga ngo xò ni akakoo̱, kó je ꞌboxié yojoo̱ ta̱nga kjo̱a̱kjíntakón xi tsi̱ꞌe̱ xí ndyi̱tsꞌènkjién.

Xota̱ Kolosa̱ 2:8

Chónjnú yojojnú, kó ngata̱ boeꞌéndièjínjnú nga tjín xí kꞌo̱ṉcha̱jojnú nga ko̱kóyájnú ngo én xí jmí ni chjíjiín xi fítji̱ngi kjo̱a̱xcha̱á xotaa̱. Kui nii̱, nii̱ a̱si̱énni̱xtjii̱n kui nga̱sondiee̱ boá, kó jmí tsi kjo̱a̱bokoyá xi tsi̱ꞌe̱ Kristoo̱.

1 Timoo̱ 5:8

Ngatꞌa̱ kui xota̱ xi ndasénjiín xkjín, ngase má xota̱ xi síndojo̱ ngi̱ya ndiꞌaa̱, jè íjñátꞌaxín kjo̱a̱sꞌijii̱n, kó kuí, ndajín ngase ta̱bo̱a̱jiín xota̱ xi sꞌijinjiín Néná.

2 Timoo̱ 4:3

Ngatꞌa̱ kji̱ndi̱bá ni̱xtjin nga xotaa̱ ngiti̱ sa̱ꞌínsénjiín nga ku̱i̱ntꞌiè kuí kjo̱a̱bokoyá xi ndaa̱, ta̱sá ni xi mejeén ini̱ma̱a̱ xi sa̱ꞌín, kó ko̱ngase ngo sen mostro̱ xi ko̱kóyaá ni xi tsjaa̱ nga ku̱i̱ntꞌie̱é kuí.

Titoo̱ 1:11

Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.

Titoo̱ 3:10

Kui nda̱ xi bokjangá xota̱ na̱ngo̱xi̱i̱, ndókjo̱e̱je tsi ngo ko̱jo tsi jó ndi̱yà, ta̱nga tsi sa̱ꞌínsénjín, ngiti̱ boeꞌéndièjíi̱n ngi̱ya na̱ngo̱xi̱i̱.

Xota̱ Ebreo̱ 10:29

Ja̱ ti̱ꞌankjínjnúu̱ takónjnú, kókjiꞌi ni xi si̱ꞌaa̱n kui xi tsꞌéntsjánié ni xi katsꞌén ndií Néná, kókjiꞌi ni xi si̱ꞌaa̱n kui xi ta̱ kjo̱a̱ndaní máa kui jín xí Néná índajo̱ni nga katsꞌéntsjie kui xotaa̱, ko̱jo kókjiꞌi ni xi ka̱maa̱ xi chꞌo tjítsoó A̱si̱énni̱xtjii̱n Néná xi tsꞌén tsjá kjo̱a̱ndaa̱.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

2 Xo̱jo̱o̱n Peé 2:3

Kó ta̱ngatꞌanii̱ kjo̱a̱xkétoo̱n nga ko̱kóyá ni ndiso tsi̱ꞌe̱ nga kꞌo̱xiéjnú to̱n. Ta̱nga Néná jè bo̱a̱ katsó nga tsá sa̱ꞌínkjié, kó kuí kjo̱a̱niꞌánkjieé jè tsá ndibá.

1 Xo̱jo̱o̱n Juaa̱ 2:26

Kuí nii̱ xi tjítsꞌenꞌindójnúꞌun kjo̱a̱a̱ kui xota̱ xi mejeén kꞌo̱ṉcha̱jojnú.

1 Xo̱jo̱o̱n Juaa̱ 4:1

Jún ndí ntsꞌie xi tjóna, ngata̱ niꞌánsꞌijinjínjnúu̱ ngayeje xota̱ xi bo̱a̱ ka̱tso̱ nga Néná katsꞌénkíchji̱a̱, ta̱sá chjátꞌayákónjnú kui A̱si̱énni̱xtjii̱n tsi tsi̱ꞌe̱ Néná, ngatꞌa̱ achichí má já chji̱ni̱e̱ꞌén ndiso xi je jatjokjà kuí nga̱sondiee̱.

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.

Ni xi akakoo̱ 13:14

Kó tsꞌenṉcha̱jo xotaa̱ tꞌanangii̱ kjo̱a̱a̱ kui chi̱bo̱a̱ xi katseꞌeé nga sa̱ꞌín ngindyi̱ko̱n kui cho̱ chꞌokjiꞌi xi tjoón, nga bo̱a̱ katsoó xotaa̱ tsi̱ꞌe̱ nga sa̱ꞌínda ngo a̱sie̱én kui cho̱ chꞌokjiꞌi xi ta̱kó tikoón ndatsi je kiniꞌánꞌónnii̱ ngo ki̱cha̱yojó.

Ni xi akakoo̱ 2:13

Jè be an nga ki̱a̱ tindyin ji nínga tikón ngi̱ndie nínga botixómá xindajín Satanaa̱, ta̱nga ta̱kó ꞌniú tiꞌmitji̱ngi ji jaꞌénna, kó jmíni̱xtjin nga sꞌijinjínna kase ji kjo̱a̱a̱ nga sꞌijii̱n an, ti̱nde bo̱a̱jín kase ni̱xtjin nga Antipaa̱, kui nda̱ xi chistiko̱ xi ꞌniátakón an kiniꞌánkꞌién ngi̱jinjnú, ki̱a̱ na̱xi̱ńdáꞌniú nínga tikón xindajín Satanaa̱.

Ni xi akakoo̱ 2:9

Be án kjo̱a̱ni̱ma̱ xi tibitjatí ji, ko̱jo kjo̱a̱ni̱ma̱ xi tindyinjin ji, ndatsi nga ja̱koxi̱ cho̱n ji, kó ti̱ be án kótsꞌèn chꞌo chji̱a̱ kjo̱a̱a̱ ji kui xi xota̱ jundío̱ tsoó yojoo̱, ta̱nga xota̱ jundío̱jín bo̱a̱, ta̱sá kuí boá xi xota̱ xi chji̱a̱ni ndiꞌa nínga ndokjo̱a̱ eén xindajín Satanaa̱.

Ni xi akakoo̱ 3:8

An jè be an ngayeje ni xi niꞌín ji, tsitsíjin ji, ngindyikin je íjñá an ngo nga̱ntjo̱a̱ xi tji̱e̱nti̱xa̱, xi ta̱ꞌyajín xi maa̱ ꞌbíchjá, kó ndatsi chiboa tsí ngaꞌniú tjiín ji, kiniꞌín ji xki̱ énna, kó tiniꞌínkie ji yojòo̱ nga yení.

Ni xi akakoo̱ 5:9

Kó ndyi̱sie ngo só tja̱tsi̱e̱ xi bi̱ tsoó: Jí xí tsoboaá nga chjábé jí kui chꞌo̱ xo̱jo̱o̱n ko̱jo nga chjándiyè ji seyoo̱, ngatꞌa̱ jí boá xi kiniꞌánkꞌieén, kó nga katjon jíi̱n kaꞌnaxiéꞌé nga tsi̱ꞌe̱ Néná kamá ngayeje tji̱e̱e̱ xota̱, én, ko̱jo nangi, ko̱jo na̱xi̱ńdá,

Ni xi akakoo̱ 6:10

Kó kui xotaa̱, bi̱ katsó nga ꞌniú askjandáyà: –Ngaskande kjiꞌání Ndi̱a̱ xi tsjie ko̱jo xi ja̱koxi̱, nga si̱ꞌinjée̱ xotaa̱ kui tꞌanangii̱, ko̱jo nga si̱ꞌingojo ji nga kiniꞌánkꞌiénjne̱.