2 Xo̱jo̱o̱n Peé 1:9 - Xo̱jo̱n eén Néná

⁹ Ta̱nga xota̱ xi tsꞌénjín kui nii̱, xikónií ngo xota̱ xi ti̱ka̱ ko̱jo xi kjinjín be, ngatꞌa̱ jè kichíyaá nga kiniꞌántsjie jé xi katsꞌén ngasꞌe̱.

2 Xo̱jo̱o̱n Peé 1:9 ပူးပေါင်းရင်းမြစ်များ

Lebitiko̱ 13:55

Ngije akaniéjón nínga jatjoo̱ kui chi̱bo̱a̱a̱, chináꞌmii̱ ti̱ skotsíjen nginií, kó tsi kji̱e̱ chajajín, chjiéngá kꞌuití kui nii̱, ngatꞌa̱ ni xi tsjiejín boá.

Markoo̱ 10:21

Kósꞌe̱ Kjisoo̱ askotsijen ndá ndaá kui nda̱a̱, katsꞌéntjó, sꞌe̱ bi̱ katsoó: –Ta̱ ngo tsí ni xi chaja ngasee̱: Tꞌen, kó tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngije kachjábé jí króo̱.

Rkaa̱ 18:22

Nga tsintꞌié Kjisoo̱ kui nii̱, bi̱ katsó: –Ingo ni chaja ngasee̱: Tatíñí ngayeje ni xi tjiín, kó to̱o̱n kui nii̱ xota̱ ni̱ma̱a̱ te̱ꞌée̱, kó bo̱a̱ tsí tsꞌén nga kꞌuieé ngo kjo̱a̱cho̱n ndiꞌakꞌajmi jàn, sꞌe̱ ndibétji̱ngíní ngijee̱.

Xota̱ Roma̱ 6:11

Ti̱ bo̱a̱ ti̱ tsꞌén jún ti̱ꞌankjójnú nga je akayajo̱jnú jeé, kó ti̱ndyiónjnú xikótsꞌèn mejeén Néná nga ku̱i̱ndyionjnú ngatꞌaa̱ Kristoo̱, kui xi Ndi̱a̱ná.

Xota̱ Ngalasia̱ 5:13

Jún ntsꞌie, Néná tsíchji̱a̱jnú tsi̱ꞌe̱ nga xota̱ ndé kamájnú, ta̱nga ngata̱ niꞌánkjiénjínjnú kui kjo̱a̱ndeé tsi̱ꞌe̱ nga ni xi ndajínkjiꞌi xi si̱ꞌánjnú, ta̱sá tjótsꞌèn ti̱ꞌansénjnúu̱ ja̱kꞌi̱e̱ ja̱ngaján xingi̱jnú.

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 9:14

Tsi bo̱a̱ kamá, ja̱ tsie ngase ngaꞌniú tjiín jiín Kristoo̱. Kui xi ngatꞌaa̱ A̱siénni̱xtjin xi tikón ngatsjéni̱xtjii̱n nga Kristoo̱ katsjá ti̱ kuii̱ yojoo̱, xikoó ngo chji̱e̱ xi tsjie ngindyi̱ko̱n Néná, kó bo̱a̱ tsꞌén nga jiín Kristoo̱ boá xi tsꞌéntsjie kjo̱a̱kjíntakónná tsi̱ꞌe̱ nga ngiti̱ si̱ꞌánjín ñá ni xi tsꞌenkꞌiénná, kó ta̱sá si̱ꞌantsjàa̱ kui Néná xí tikoón.

1 Xo̱jo̱o̱n Peé 3:21

Kuí ndáfoaa̱ xi akó tjón tjón xikótsꞌèn tsꞌaxiéꞌájnú ndáfoaa̱, ngatꞌa̱ kjiꞌanga satíndá ngi̱jin ndáfoaa̱, fotjoꞌa ñá ta̱ngatꞌanií nga jaꞌáꞌyaá Jesukristoo̱. Kjo̱a̱botíndaá jmí tsi kui xi tsꞌéntsjie yojoná, ta̱sá tsi̱ꞌe̱ nga ndyi̱mindyisé nga nda kꞌuijñá kjo̱a̱kjíntakónná ngindyi̱ko̱n Néná.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

Ni xi akakoo̱ 3:17

Ngatꞌa̱ bi̱ tꞌísé ji: Cho̱n án, kó jè kamácho̱n an, kó nde ngojín ni chajana, kó nde yejín ji nga ta̱soboá ni xi ndajín xí kjimaa̱, nga ni̱ma̱ ji, nga jmíjiín to̱n, nga ti̱ka̱ ji, ko̱jo nga tindyin kjiꞌixtí ji.