2 Xo̱jo̱o̱n Peé 1:4 - Xo̱jo̱n eén Néná

⁴ Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

2 Xo̱jo̱o̱n Peé 1:4 ပူးပေါင်းရင်းမြစ်များ

Xota̱ Roma̱ 9:4

Kui xi xota̱ Israee̱l, kó Néná ndí tsi̱ꞌe̱ katsꞌén, kó akoó kjo̱a̱jee̱, kjiꞌanga katsjaá ni xi índa Néná ko̱jo xota̱ na̱xi̱ńdaá, nga katsjaá kjo̱a̱kitii̱, akoó kótsꞌèn sa̱ꞌíntsjaá Néná ko̱jo katsóyàtjoón ni xi tsja̱á.

2 Xota̱ Korinto̱ 1:20

Ngatꞌa̱ ngayeje ni xi katsóyàtjón Néná nga sa̱ꞌín kuí, fotjosón ngatꞌaa̱ Kristoo̱, kó kuíni nga “bo̱a̱ kjiꞌi” ꞌmí ñá nga boeꞌée̱ kjo̱a̱je Néná.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 6:17

Kó kuíni nga bi̱ katsó ngase Néná: Tji̱taxínjinjnú ngamasiee̱n kui xotaa̱, kó tji̱taxínboaꞌájnú, tsó Ndi̱a̱ná. Ngata̱chiíjín niꞌánjo̱jnú ni xi ndándí ngindyikón an. Kó án skjíbéjnúꞌun.

Xota̱ Ngalasia̱ 3:16

Ngotꞌe̱ ꞌne̱ ndakjíꞌí, Néná katsóyàtjoón Abraa̱n ni xi tsja̱á ko̱jo xota̱ tji̱e̱e̱. Ta̱nga xo̱jo̱o̱n chji̱a̱jín kjo̱a̱a̱ xota̱ tji̱e̱ xi kjín, chji̱a̱ nga ta̱ ngo tsi, nga bi̱ tsó: “Tji̱e̱ xi tse̱”, tjítsó. Kui tji̱e̱e̱ kuí xí Kristoo̱.

Xota̱ Ngalasia̱ 6:8

Ngatꞌa̱ kui xota̱ xi ndyi̱tsꞌèn ni xi mejeén yojoo̱, kuí boá xi xikoó tsi xojmá xí ndajín xi ndyi̱ꞌbítji̱e̱, kó cha̱n xi kjo̱a̱ꞌáꞌyá, kjo̱a̱bo̱yaa̱ boá. Ta̱nga kui xi ni xi mejeén A̱si̱énni̱xtjii̱n Néná xí ndyi̱tsꞌèn, kuí boá xi xikoó tsi xojmá xí nda xi ndyi̱ꞌbítji̱e̱, kó cha̱n xi kꞌo̱je̱n, kuí xí kjo̱a̱mindyioo̱n, ngatꞌa̱ A̱si̱énni̱xtjii̱n Néná xí sa̱ꞌínkꞌíndo ngatsjéni̱xtjin.

Xota̱ Éfeso̱ 4:13

Bo̱a̱ ka̱ma ngaskande nga ngayeje ñá, ngo kamá nga sꞌi̱jinná ko̱jo nga xcha̱ ndií Néná, kó nga ka̱ma ñá, xikoó xota̱ xi je xchá xi je ndo̱jò kjin kjin xikoó Kristoo̱.

Xota̱ Kolosa̱ 3:10

Kó ngotꞌe̱ ꞌne̱ xikoó tsi je kichajájnú ngo ńjño xi tja̱tsi̱e̱, nga Néná tjítsꞌéntja̱tsi̱e̱yajnú xi kókón kui, ko̱jo nga nda ngase xcha̱jnú kókón Néná.

Xota̱ Ebreo̱ 12:10

Xi xcháná ta̱ ngotjón tsí nga katsꞌénchji̱ni̱e̱ná xikótsꞌèn kamákjiín kui, ta̱nga Néná tsꞌénchji̱ni̱e̱ná kjo̱a̱nda tsa̱ñá, tsi̱ꞌe̱ nga xota̱ tsjie kamá ñá xikoó kui.

Xota̱ Ebreo̱ 9:15

Ngatꞌa̱ nga kꞌien Jesukristoo̱ katsꞌéndé xotaa̱ kjo̱a̱a̱ jé xí katsꞌén kjiꞌanga chjí ngasee̱ kjo̱a̱ꞌbínda xi tjoón. Jesukristoo̱ boá xi katsjaá chjí kuí kjo̱a̱ꞌbínda tja̱tsi̱e̱e̱ Néná, kó ta̱ngatꞌanii̱ nga kꞌien kui nga xota̱ xi je jaꞌájin Néná sa̱ko̱ó kjo̱a̱ꞌnaxiéꞌá ngatsjéni̱xtjin xi katsó Néná nga tsja̱á.

Xo̱jo̱o̱n Sandiyaá 1:27

Kjo̱a̱yandikoón Néná xi tsjie ko̱jo xi jmíjiín ni xi ndándí ngindyi̱ko̱n Néná xí Na̱ꞌmii̱, kuí boá xi̱ꞌbi̱: Nga ko̱si̱ko̱jó kjiꞌanga kjo̱a̱ꞌatio kjo̱a̱ni̱ma̱ xota̱ xi xꞌi̱a̱a̱n, ko̱jo ínchjín kꞌán xi je kꞌien xi̱ꞌii̱n, ko̱jo nga ki̱a̱jín nijan si̱ꞌandándí yojoná kjo̱a̱a̱ ni xi ndajín xi tjiín kui nga̱sondiee̱.

2 Xo̱jo̱o̱n Peé 1:1

Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

2 Xo̱jo̱o̱n Peé 3:13

Ta̱nga ñá ndyi̱chiyáa̱ ndiꞌakꞌajmi tja̱tsi̱e̱e̱ ko̱jo tꞌanangi tja̱tsi̱e̱e̱, xikótsꞌèn katsóyàtjónná Néná, ki̱a̱ nínga kixi̱ ku̱i̱ndyión.

2 Xo̱jo̱o̱n Peé 3:9

Ndi̱a̱ná tsꞌénkꞌandíyàjiín nga sa̱ꞌínkjatjosón ni xi katsóyàtjón nga sa̱ꞌín, xikótsꞌèn bee̱ko̱n kjín xota̱ nga tsꞌénkꞌandíyà. Ta̱sá koyakjo̱a̱jnú ngatꞌa̱ mejénjiín nga tjín xi xcha̱ja, ta̱sá mejeén nga ngayeje xotaa̱ sa̱ꞌínkꞌoyà yojoo̱.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.