2 Xo̱jo̱o̱n Peé 1:3 - Xo̱jo̱n eén Néná

³ Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui.

2 Xo̱jo̱o̱n Peé 1:3 ပူးပေါင်းရင်းမြစ်များ

Xo̱jo̱n Salmoo̱ 110:3

¡Jájúu̱n ngatsjaá tsꞌoa nga ka̱ma ka̱maꞌnítakín ji ki̱a̱ nga̱són na̱xi̱i̱ Néná kui ni̱xtjin nga ka̱ma kjo̱a̱xcha̱án! Kjiꞌanga kjo̱tjo tsꞌueé, ngasakó ngaꞌniú nginií.

Xo̱jo̱n Salmoo̱ 84:11

Ngatꞌa̱ jí boá xi tsꞌué jí, ko̱jo jí boá xi ꞌbíchjaá ni xi ndajín, jí boá xi tiboeꞌéjne̱ kjo̱a̱nda ko̱jo kjo̱a̱yandikón. Kó Néná kjo̱a̱ꞌáxínjiín kjo̱a̱ndaa̱ xota̱ xi ngatsjéni̱xtjin nga nda ndyi̱tsꞌe̱én.

Énkjínkón 12:4

Chjo̱on xí ndaxotaa̱ achichí ndatsꞌèn tsꞌénkꞌijñá xi̱ꞌii̱n, xikó maá tsi kui xi ma ngo korona̱ xi ꞌbíꞌá toko, ta̱nga kui chjo̱on xí ndajiín, kuí boá xi tsꞌenkjié kjin kjo̱a̱ xi̱ꞌii̱n, xikó maá chiꞌindíꞌyó xí tsꞌenkjié ńdaná.

Énkjínkón 31:10

¡Achichí niꞌín kjiꞌi nga sa̱kóná ngo chjo̱on xi ta̱nisién nga ndatsꞌèn! ¡Tsi sa̱kóná xikónií tsi ngo ndi̱jo̱ xi achichí tsjákjiꞌi xi kasakoná!

Énkjínkón 31:29

«Achichí ínchjín xí ndatsꞌèn, tjín, ta̱nga ji ikitatjénríi̱ ngayejee̱».

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Xota̱ Roma̱ 9:24

Kui xota̱ xi ti̱ je tsíchji̱a̱a̱, kó ñá boá, jmí tsi ta̱kuítsí xota̱ xi jundíoo̱, ko̱jo kuí xota̱ xi jundío̱jiín nga.

1 Xota̱ Korinto̱ 1:9

Néná tsꞌénkjátjosón ni xi tsáyàtjónná nga sa̱ꞌín, kó kuí xí tsíchji̱a̱jnú tsi̱ꞌe̱ nga si̱ꞌanngojo̱jnú yojojnú ndií Néná, kui xi Ndi̱a̱ná Jesukristoo̱.

2 Xota̱ Korinto̱ 12:9

ta̱nga ta̱sá bi̱ katsóna: “Kjo̱a̱ndana boá xi machjieén, ngatꞌa̱ ngaꞌniúna ma tsijen kjin kjin ngi̱jii̱n xota̱ xi jmíjiín ngaꞌniú.” Kó kuíni nga je kꞌoxié an yojona, ngatꞌa̱ ngiti̱ jmíjínna ngaꞌniú, tsi̱ꞌe̱ nga bo̱a̱ tsꞌén xcha̱ ngaꞌniuú Kristoo̱ ngi̱jii̱n ni xi tsꞌen an.

Xota̱ Éfeso̱ 4:1

Kuíni nga an, nga ndo̱bo̱a̱yà tikòn an ta̱ngatꞌanii̱ Ndi̱a̱ná, ꞌniú míꞌájnúꞌun tsi̱ꞌe̱ nga kixi̱ ku̱i̱ndyionjnú xikótsꞌèn chjiéngá kꞌuíndo xota̱ xi Ndi̱a̱ná tsíchji̱a̱a̱.

Xota̱ Éfeso̱ 4:4

Ta̱ ngo tsí yojoo̱ Kristoo̱ má ngayeje ñá, kó ti̱kuíní A̱siénni̱xtjin xi tikónjinná, kó ti̱ bo̱a̱ ti̱ tsꞌén ta̱ ngo tsí kjo̱a̱chiyá xi kandokjo̱a̱ná ñá.

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

Xota̱ Filipo̱ 4:8

Kó nga fetꞌaa̱ já ntsꞌie, kuí nii̱ xi ti̱ꞌankjójnú: ngayeje ni xi ja̱koxi̱, ngayeje ni xi yandikón ngindyi̱ko̱n Néná, ngayeje ni xi kixi̱, ngayeje ni xi tsjie, ngayeje ni xi ꞌniú nda, ko̱jo ngayeje ni xi tjiín jaꞌén xi nda. Tsi tjín ni xi nda ko̱jo ni xi tsoboaá nga niꞌántsjá, kuí nii̱ xi ti̱ꞌankjójnú.

Xota̱ Kolosa̱ 1:16

Ngatꞌa̱ ta̱ngatꞌanii̱ kui nga Néná katsꞌénda ngayeje ni xi tjín ndiꞌakꞌajmii̱ ko̱jo nga̱sondiee̱, ni xi ya ko̱jo ni xi yàjín xikoó xi ngito̱ko̱, ko̱jo xi tjiín xaá, ko̱jo xi tjiín ngaꞌniú, ko̱jo xi botixómá. Ngayeje nii̱ xi kamánda ngatꞌaa̱ kui, kó kuí xí tsi̱ꞌe̱ ka̱ma.

1 Xota̱ Tesalónika̱ 2:12

Kó kiꞌmíyàjne̱ nga kixi̱ ku̱i̱ṉtsomajnú xikótsꞌèn mejeén Néná, kui Néná xí tsíchji̱a̱jnú tsi̱ꞌe̱ nga kui xi ko̱tíxomájnú, kó sa̱kójnú kjo̱a̱jee̱.

1 Xota̱ Tesalónika̱ 4:7

Ngatꞌa̱ Néná jmí tsi tsíchji̱a̱ná tsi̱ꞌe̱ nga ni xi ndándí ku̱i̱ndyionjin, tsíchji̱a̱na tsi̱ꞌe̱ nga ni xi tsjiee̱ xi ku̱i̱ndyionjin.

2 Xota̱ Tesalónika̱ 2:14

Néná tsíchji̱a̱jnú nga kiꞌmíyàjne̱ jún éntjatsi̱e̱e̱, tsi̱ꞌe̱ nga sa̱kójnú kjo̱a̱jee̱ Ndi̱a̱ná Jesukristoo̱.

1 Timoo̱ 4:8

Ngatꞌa̱ nga niꞌángáa̱ yojona nga chjaxingá, ta̱ chiboa tsi bosikójoná kuí nii̱, ta̱nga nda ngase nga ngo nda̱ nda xi xota̱a̱ Jesukristoo̱ ka̱ma, ngatꞌa̱ ꞌniú bosikójoná kuí nii̱ kui kjo̱a̱mindyion xi̱ꞌbi̱, ko̱jo kjo̱a̱mindyion xi sꞌe̱ ndibaá.

2 Timoo̱ 1:9

Kui Néná xí tsꞌaxiéꞌáná, ko̱jo xi tsíchji̱a̱ná tsi̱ꞌe̱ nga ngo na̱xi̱ńdá tsjie ka̱ma, jmí tsi kjo̱a̱a̱ ni xi kiniꞌán, ta̱sá kjo̱a̱a̱ ni xi je tjíndaa̱, ko̱jo kjo̱a̱a̱ kjo̱a̱nda xi katseꞌéná ñá nga kui Kristo̱ Kjisoo̱ xi ko̱ndókjo̱a̱ ñá ndeskande ni̱xtjin nga katsꞌénda nga̱sondiee̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

1 Xo̱jo̱o̱n Peé 1:15

Ta̱sá tsjietsꞌén ti̱ndyiónjnú, xikótsꞌèn tsjie kui xi tsíchji̱a̱jnú.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 2:21

Ngatꞌa̱ ta̱ngatꞌanii̱ kui nii̱ nga Néná tsíchji̱a̱nijnú, ngatꞌa̱ bo̱a̱ ti̱ tsꞌén Kristoo̱ jaꞌatio kjo̱a̱ni̱ma̱ ta̱ngatꞌanii̱ jún, kó íjñájnú ngo chi̱bo̱a̱ tsi̱ꞌe̱ nga kongintjingíjnú chi̱bo̱a̱ se.

1 Xo̱jo̱o̱n Peé 2:9

Ta̱nga jún boá xi xota̱ tji̱e̱ xi je kachjaꞌájii̱n, jún boá xi chináꞌmi xi ndyi̱tsꞌènseén kui Ree̱ xi botixómá ndiꞌakꞌajmi jàn, jún boá xi xota̱ na̱xi̱ńdá tsjie, jún boá xi xota̱ na̱xi̱ńdá xí je tsi̱ꞌe̱ Néná, tsi̱ꞌe̱ nga jún xi ko̱ndókjo̱a̱jnú ni nda xi katsꞌén Néná, kui Néná xi tsíchji̱a̱jnú tsi̱ꞌe̱ nga jatjojnú nínga jñoó, kó ikitjasꞌi̱e̱njnú nínga tsꞌentsíjen kjo̱a̱jee̱ ndiꞌií.

1 Xo̱jo̱o̱n Peé 3:9

Tsi ngo xota̱ xi ndajínkjiꞌi ni xi katsꞌénjo̱jnú, ngata̱ niꞌánngojojínjnú, kó ti̱ tsi tjín xi chꞌo ka̱tso̱jnú, ngata̱ chꞌójín ꞌmíjnúu̱ ndatsa jún nga, ta̱sá chji̱a̱ꞌajnúu̱ Néná nga sa̱ꞌínchikonñé, ngatꞌa̱ jè yàjnú nga Néná tsíchji̱a̱nijnú tsi̱ꞌe̱ nga sa̱kójnú kjo̱a̱niꞌánchikonñeé kui.

1 Xo̱jo̱o̱n Peé 5:10

Kó ngije ikitjatiójnú chií kjo̱a̱ni̱ma̱ chiboa ni̱xtjin, kui Néná xí tsi̱ꞌe̱ ngayeje kjo̱a̱ndaa̱, kui xi Jesukristoo̱ katsꞌénkjién nga tsíchji̱a̱ná, tsi̱ꞌe̱ nga sa̱kóná kjo̱a̱je xi fejiín, kui nga tsꞌén xi chjiéngá ka̱majnú, nga tsjangaꞌniújnú, ꞌniú ngatꞌijñájnú, ko̱jo nga tsjandièjín nga jó nga ján kꞌuijñaá ini̱ma̱jnú.

2 Xo̱jo̱o̱n Peé 1:10

Kuíni ntsꞌie, nga Néná je tsíchji̱a̱jnú ko̱jo nga je jaꞌájinjnú, chónjnú nga kui nii̱ ꞌniú kꞌuíjinjnú, ngatꞌa̱ tsi bo̱a̱ si̱ꞌánjnú jmíni̱xtjin kꞌo̱kajnú ngindie jàn.

2 Xo̱jo̱o̱n Peé 1:2

Ngatama tsie kjo̱a̱nda ko̱jo kjo̱a̱xió xi kꞌuiéjnú nga xcha̱jnú Néná ko̱jo Ndi̱a̱ná Kjisoo̱.

2 Xo̱jo̱o̱n Peé 1:5

Kuíni nga chjiéngá si̱ꞌánjnú ngo kjo̱a̱ꞌniú tsi̱ꞌe̱ nga kjo̱a̱sꞌijinjnú tjasónjnúu̱ nga nda si̱ꞌánjnú. Kó kui kjo̱a̱ndaniꞌaán, tjasónjnúu̱ kjo̱a̱kjíntakón.

2 Xo̱jo̱o̱n Peé 1:6

Kó kui kjo̱a̱kjíntakoón, tjasónjnúu̱ nga kamáꞌniújnú yojojnú. Kó kui kjo̱a̱a̱ nga maꞌniújnú yojojnú, tjasónjnúu̱ kjo̱a̱chiyákjo̱a̱. Kó kui kjo̱a̱chiyákjo̱a̱a̱, tjasónjnúu̱ nga si̱ꞌandikónjnú Néná.

2 Xo̱jo̱o̱n Peé 1:8

Ngatꞌa̱ tsi bo̱a̱ ndyi̱niꞌánjnú, kó tsi ꞌniú tikónjinjnú kui nii̱, nda si̱ꞌánjnú ni xi si̱ꞌánjnú, kó kjo̱a̱a̱ nga je yàjnú Ndi̱a̱ná Jesukristoo̱ tsiꞌéjín ka̱majnú.

2 Xo̱jo̱o̱n Peé 2:20

Tsi je ya ñá nga Jesukristoo̱ xi Ndi̱a̱ná, ko̱jo nga kui xi tsꞌaxiéꞌáná, kó tsi kuíni nga je ikiyòo̱ ni xi ndándií kui nga̱sondiee̱, kó tsi ti̱ bo̱a̱ ti̱ si̱ꞌan nginí ñá xikó kiniꞌán ngasꞌe̱, kó tsi kui nii̱ xi ti̱ sa̱ꞌín nginíná nga sa̱ꞌínchajaná, bo̱a̱ tsꞌén nga chꞌo ngase tsꞌén ku̱i̱ndyión ta̱bo̱a̱jiín ngasꞌe̱.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.

Na̱ Ruu̱t 3:11

Ngata̱ ndakinjín ma ji na̱ Ruu̱t, ngatꞌa̱ ngayeje xota̱ na̱xi̱ńdáꞌniú Belee̱n be nga nda ji xota̱, kuíni nga sa̱ꞌinkjatjosón án ni xi tichjiéꞌéní.