2 Xo̱jo̱o̱n Peé 1:1 - Xo̱jo̱n eén Néná

¹ Án xí ꞌmína Ximo̱ Pé, nda̱ moso̱ ko̱jo nda̱ apostroo̱ Jesukristoo̱, tsꞌentindejnúꞌun jún xota̱ xi je kasakojnú ngo kjo̱a̱sꞌijin xi bo̱a̱ tsꞌén chjínií xikoó xi tsa̱ji̱n, ta̱ngatꞌanii̱ kjo̱a̱kixi̱i̱ Jesukristoo̱, kui xi Néná xí tsꞌaxiéꞌáná.

2 Xo̱jo̱o̱n Peé 1:1 ပူးပေါင်းရင်းမြစ်များ

Matioo̱ 10:2

Jaꞌeén nga tiejó já apostroo̱ kuí bí xi̱ꞌbi̱: Ximoo̱ boá xi tjoón, kui xi ti̱ Pé kiꞌmí nga, ko̱jo ntsꞌi̱e̱ kui nda̱a̱ xi ꞌmí Jandree̱, ko̱jo Sandiyaá, ko̱jo ntsꞌi̱e̱ kui nda̱a̱ xi ꞌmí Juaa̱, ndií Sebedeoo̱,

Matioo̱ 4:18

Kó nga tsoꞌbá Kjisoo̱ tꞌa ngi̱ndiò xí tikón nangi Ngalilea̱, kamábe jó já xí ntsꞌi̱e̱ ma xkjín, nda̱ xi ꞌmí Ximoo̱, kui xi ti̱ Pé kiꞌmií nga, ko̱jo ntsꞌi̱e̱ kui nda̱a̱, kui xi ꞌmí Jandree̱ nga nda̱ꞌya ndyi̱mejèn ngi̱jin ndáchíkoón, ngatꞌa̱ xá tji̱o̱ katsꞌén kui jaá.

Rkaa̱ 1:47

Kó a̱si̱énni̱xtjinna iskjínkꞌá má nga tsja kamaá kjo̱a̱a̱ Néná xí ꞌboxiéꞌána.

Rkaa̱ 11:49

Kuíni nga Néná, bi̱ katsó nga katsꞌénkjién kjo̱a̱kjínkoón: “An sangiyájnúꞌun já chji̱ni̱e̱ꞌe̱én ko̱jo já apostro̱, kó kui xotaa̱ tjín xí si̱ꞌankꞌien, kó ti̱ tjín xí ku̱i̱yòtjíngií.”

Juaa̱ 1:42

Sꞌe̱ Jandree̱ kijíjo̱ Ximoo̱ nínga tikón Kjisoo̱. Askoꞌá Kjisoo̱ kui nda̱a̱, sꞌe̱ bi̱ katsoó: –Jí xí Ximoo̱ ji, ndií Jonaa̱, jí xí Sefa̱ kꞌuiín (Ndi̱jo̱ tsó kui eén nga én arameo̱, kó Pé tsó nga én ngriengo̱).

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 20:21

Sꞌe̱ Kjisoo̱ ti̱ bi̱ ti̱ katsó nginií: –Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.

Ni xi kamá 15:14

Ximoo̱ íni̱jmìná kó katsꞌén Néná nga tjón tjón nga kamáni̱ma̱a̱ xota̱ xi jundío̱jiín, ko̱jo nga jaꞌájin nga na̱xi̱ńdá xi tsi̱ꞌe̱ Néná ku̱i̱chji̱a̱ni.

Xota̱ Roma̱ 1:1

Tsꞌentíndejnú Pabloo̱, nda̱ xi Néná tsíchji̱a̱a̱ nga katsjáxaá tsi̱ꞌe̱ nga apostro̱ ka̱ma an, kó íjñátꞌaxínna, tsi̱ꞌe̱ nga kꞌuini̱jmì án éntjatsi̱e̱e̱ Néná.

Xota̱ Roma̱ 1:12

Mejénna nga ja̱kꞌi̱e̱ ja̱ngaján ko̱e̱ꞌéngaꞌniúu̱ xingi̱ xikótsꞌèn sꞌijinná.

Xota̱ Roma̱ 1:17

Ngatꞌa̱ éntjatsi̱e̱e̱ bokóní xikótsꞌèn nga Néná tsjaá xotaa̱ nga kixi̱ ka̱ma ngindyi̱ko̱n kui, ta̱ngatꞌanii̱ nga sꞌijii̱n. Bo̱a̱ ma ngatꞌa̱ sꞌijii̱n, xikótsꞌèn kjitꞌa xo̱jo̱n eén Néná: “Xi kixi̱ ngindyi̱ko̱n Néná, ta̱ngatꞌanií nga sꞌijii̱n nga kꞌuijñáni nga̱sondie.”

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

1 Xota̱ Korinto̱ 15:9

Ngatꞌa̱ xian an, nga an xí apostro̱ xi chichí ngase an ngi̱jii̱n já apostro̱ xi ngasee̱, nde tsoboájínna an nga apostro̱ xiáa̱n yojona, ngatꞌa̱ án xí tsangatji̱ngíi̱ xota̱ na̱ngo̱xi̱i̱ Néná.

1 Xota̱ Korinto̱ 9:1

A tikónndéjín an ngindyi̱ko̱n Néná. A apostro̱jín an. A ndyikón ánjín má xi kamábe Ndi̱a̱ná Kjisoo̱. ¡Ndokꞌóchji̱ì xá xí katsꞌen an nga jún jè xota̱a̱ Kristoo̱ jún!

2 Xota̱ Korinto̱ 4:13

Bi̱ tsꞌén je kjitꞌa xo̱jo̱n eén Néná: “Kisꞌijinna, kuíni nga tsíchji̱a̱ an.” Kó ji̱n ti̱ bo̱a̱ ti̱ tsꞌén tjíjinjne̱. Sꞌijinjne̱ kó kuíni nga kandokjo̱a̱jne̱.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ngalasia̱ 2:8

Ngatꞌa̱ kui Néná xí katsꞌénkjién Peé nga apostroo̱ xota̱ xi jundío̱ kamá, ti̱kuíní xi katsꞌénkjiénna nga apostroo̱ xota̱ xi tjín nga̱sondiee̱ kamá an.

Xota̱ Éfeso̱ 3:5

Kui ni ꞌmaa̱, ngojín xota̱ xi akakoo̱ kje̱ꞌe ni̱xtjin, xikótsꞌèn ngotꞌe̱ A̱si̱énni̱xtjii̱n Néná akoó já apostro̱ tsjiee̱, ko̱jo já chji̱ni̱e̱ꞌe̱én Néná.

Xota̱ Éfeso̱ 4:11

Kó kuí boá xi índo nga ngotꞌe̱ tjín já xí apostro̱, ko̱jo xi chji̱ni̱e̱ꞌe̱én Néná, ko̱jo xi ꞌbini̱jmì éntjatsi̱e̱e̱ Néná, ko̱jo xi síndotjoón xota̱ na̱ngo̱xi̱i̱, ko̱jo xi mostro̱.

Xota̱ Éfeso̱ 4:5

Ta̱ ngo tsí má Ndi̱a̱ná xí tikón, ko̱jo ta̱ ngo tsí má kjo̱a̱sꞌijii̱n, ko̱jo ta̱ ngo tsí má kjo̱a̱stíndaá.

Xota̱ Filipo̱ 1:1

An Pabloo̱, ko̱jo Timoo̱, ji̱n xi mosoo̱ Jesukristoo̱, niꞌántindejne̱ ngayeje jún, xi xota̱ tsjiee̱ Kristo̱ Kjisoo̱ xi tindyiónjnú na̱xi̱ńdáꞌniú Filipo̱, kó ti̱ niꞌántindejne̱ já xí ngito̱ko̱o̱ na̱ngo̱xi̱i̱, ko̱jo já xí bosikójo kui jaá.

Xota̱ Filipo̱ 1:29

Ngatꞌa̱ jún jè katseꞌéjnú nga sꞌi̱jinjnú Kristoo̱, ta̱nga ti̱ katseꞌéjnú nga ta̱ngatꞌanii̱ kui nga ku̱i̱tja̱tiójnú kjo̱a̱ni̱ma̱.

Xota̱ Filipo̱ 3:9

kó nga ngo nijan ka̱ma an kui. Mejénjínna kjo̱a̱kixi̱ xi tsa̱ꞌa̱n xi ndibánií nga niꞌánkjatjosón kjo̱a̱kitii̱. Ta̱sá kui kjo̱a̱kixi̱ xi sakóná ta̱ngatꞌanii̱ nga sꞌi̱jinná Kristoo̱. Kó kuí boá xi̱ꞌba̱ kjo̱a̱kixi̱ xi ndibánií Néná ta̱ngatꞌanii̱ nga sꞌijinna.

2 Timoo̱ 1:5

Foaꞌátsjienna nga ngayeje ini̱ma̱a̱ nga sꞌijii̱n Néná. Tjón má na̱xcháa̱ xi ꞌmí na̱ Loindaa̱ kisꞌijii̱n, ko̱jo na̱áa̱n xi ꞌmí na̱ Eunisee̱ nga. Kó ngotꞌe̱ ꞌne̱ be an nga ti̱ bo̱a̱ ti̱ tsꞌén sꞌijii̱n ji nga.

Titoo̱ 1:1

Án boá xi ꞌmína Pabloo̱, mosoo̱ Néná ko̱jo apostroo̱ Jesukristoo̱, xikótsꞌèn sꞌijii̱n xota̱ xi je jaꞌájin Néná, ko̱jo xikó kjiꞌi kjo̱a̱kjíntakón xi ja̱koxi̱i̱ nga bendikón Néná, bo̱a̱ kjíꞌí xána,

Titoo̱ 1:4

Ji tsꞌéntsangiyaa kui xo̱jo̱o̱n Titoo̱, ngatꞌa̱ ja̱koxi̱ boá nga ji xi ndína kjo̱a̱a̱ kjo̱a̱sꞌijinná. Néná xí Na̱ꞌminá, ko̱jo Ndi̱a̱ná Jesukristoo̱ kui xi tsꞌaxiéꞌáná nga tsjaá kjo̱a̱ndaa̱, ko̱jo kjo̱a̱ni̱ma̱takoón, ko̱jo kjo̱a̱xioó.

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Xo̱jo̱o̱n Sandiyaá 1:1

Án boá xi ꞌmína Sandiyá, mosoo̱ Néná xí Na̱ꞌmii̱ ko̱jo Ndi̱a̱ná Jesukristoo̱, tsꞌentindejnúꞌun jún xi tiejó xota̱ tji̱e̱e̱ Israee̱l xi kastsojoboajnú ngayeje són nga̱sondiee̱.

1 Xo̱jo̱o̱n Peé 1:1

Án boá xi Peé, nda̱ apostroo̱ Jesukristoo̱, tsꞌentindejnúꞌun ngayeje jún xota̱ xi Néná je jaꞌájinjnú xi xín nangi ndokjo̱a̱nijnú xi tindyiónjnú ngi̱ndie xi ꞌmí Ponto̱, ko̱jo Ngalasia̱, ko̱jo Kapandosia̱, ko̱jo Asia̱, ko̱jo Bitinia̱.

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 2:7

Jún xi je sꞌijinjnú Ndi̱a̱ná, achichí chjínií májnú jún, ta̱nga xota̱ xi sꞌijinjiín kui, ki̱a̱ boá nga fotjosón ni xi tsó xo̱jo̱n eén Néná: Kui ndi̱jo̱ xi katsꞌénchꞌó já chji̱ni̱e̱xo̱ó, kuí boá xi ndi̱jo̱ xi sꞌi̱tjatsꞌennii̱ ndiꞌaa̱ kamá.

1 Xo̱jo̱o̱n Peé 5:1

Xota̱ xi xchá án ngi̱jii̱n xota̱ na̱ngo̱xi̱i̱, kó chistiko̱ án kjo̱a̱a̱ kjo̱a̱ni̱ma̱ xi jaꞌajin Kristoo̱, kó nga be an nga ti̱ sa̱kóchiína kjo̱a̱je xi sꞌe̱ sꞌi̱jñatsijee̱n, kuíni nga ꞌniú míꞌáa̱ xota̱ xi xchaá na̱ngo̱xi̱i̱ xi síndojinjnú nga bi̱ xiaan:

2 Xo̱jo̱o̱n Peé 1:4

Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.