2 Timoo̱ 4:8 - Xo̱jo̱n eén Néná

⁸ Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

2 Timoo̱ 4:8 ပူးပေါင်းရင်းမြစ်များ

Jenesii̱s 18:25

¡Jí boá ngo Ne xi kotsijee̱n tsi nda ko̱jo tsi ndajín ndyi̱tsꞌèn ngayeje xota̱ nga̱sondiee̱! ¡Kó jí ka̱májín nijan si̱ꞌinkꞌin ji xota̱ xi ndajín ndyi̱tsꞌe̱én ko̱jo xota̱ xi nda ndyi̱tsꞌe̱én! ¡Jí boá ngo Ne xi ndse̱je̱n tsꞌenseén ngayeje xotaa̱!

Xo̱jo̱n Salmoo̱ 31:19

Achichí je kjo̱a̱ndaxota̱ xi tichjeꞌétjé ji kjo̱a̱a̱ xota̱ xi tsakjoón jí, ko̱jo xi tiꞌbíjñinde ji kjo̱a̱a̱ xota̱ xi ji kjimaꞌniátakoón, ngindyi̱ko̱n ngayeje xota̱ nga̱sondiee̱.

Xo̱jo̱n Salmoo̱ 7:11

Néná kuí boá ngo Ne xi kixi̱, ngo Ne xi ndyiojón ndyiojón tsꞌénjeé xota̱ xi ndajiín.

Énkjínkón 4:9

kuí boá xi ka̱ma xikoó ngo naxó xí ꞌbíjñaá tokó, kuí boá xi ka̱ma xikoó ngo korona̱ xi tsjakjiꞌi.

Matioo̱ 24:36

Ta̱nga kui ni̱xtjin jàn ko̱jo kui chi̱bo̱a̱ jàn, ta̱ꞌyajín xi be, nde ndítsjiee̱ Néná xí síndo ndiꞌakꞌajmi jàn bejín, ta̱ ngototo Na̱ꞌmina xi be.

Matioo̱ 7:22

Achichí má xi bi̱ ka̱tso̱na kui ni̱xtjin jàn: «Ndi̱a̱, Ndi̱a̱, a yejín nga chji̱ni̱e̱ꞌén tse̱ kamájne̱ nga kiꞌmíyàjne̱ ni xi mejeén, ko̱jo nga jaꞌén tse̱ kiniꞌánkjiénjne̱ nga kaꞌnaxiéjne̱ xindajín, ko̱jo nga jaꞌén tse̱ kiniꞌánkjiénjne̱ nga tsie kjo̱a̱ndikón kiniꞌánjne̱.»

Rkaa̱ 10:12

Kó xiyàjnúꞌun nga kui ni̱xtjin jàn, nga kui na̱xi̱ńdaá tsie ngase jé xí sa̱ko̱ó, ta̱bo̱a̱jínnii̱ na̱xi̱ńdáꞌniú Sondoma̱.

Xota̱ Roma̱ 2:5

Ta̱nga ta̱ngatꞌanii̱ kjo̱a̱kitikjo̱a̱a̱ ko̱jo nga ini̱màa̱ mejénjiín sa̱ꞌínkꞌoyà, kuíni nga tiꞌbítikíi̱ kjo̱a̱xchán yojòo̱, ni̱xtjin nga Néná sa̱ꞌínxchán ko̱jo nga ko̱kó nga kixi̱ tsꞌén ko̱tíjé,

Xota̱ Roma̱ 8:23

Kó jmí tsi ta̱kuítsí ni xi katsꞌénda Néná xí bo̱a̱ kjimaa̱, ko̱jo ñá xi je tikónná A̱si̱énni̱xtjii̱n Néná xikoó ngo ni xi tsjatjónná kjo̱a̱a̱ ni xi jaskan tsja̱aná. Tji̱e̱nga ndyi̱chiyá nga Néná tsja̱aná ngayeje kjo̱a̱nda xikoó ngo ndií ngije kisꞌijñandé yojoná.

1 Xota̱ Korinto̱ 2:9

Ta̱nga bi̱ tsꞌén kjitꞌa xo̱jo̱n eén Néná: Ni xi nde ngojín xota̱ xi je kamábe, ti̱nde ngojín xota̱ xi je tsintꞌié, ti̱nde ngojín xota̱ xi je íjñajin ngi̱jin ini̱ma̱a̱, kuí ni xi je tikónndaa̱ Néná tsi̱ꞌe̱ xota̱ xi ndyi̱tsꞌèntjó Néná.

1 Xota̱ Korinto̱ 3:13

Xcha̱ xá xí katsꞌén nga ngo nga ngo xotaa̱ ni̱xtjin nga Néná tsja̱á ni xi tsoboaá xotaa̱, ngatꞌa̱ ndiꞌí xí kjo̱e̱ꞌe kuí ni̱xtjii̱n, ko̱kó kókón xá xí katsꞌén nga ngo nga ngo xotaa̱.

1 Xota̱ Korinto̱ 9:25

Ngayeje xota̱ xi stsáton ngo kjo̱a̱ńton, ꞌbíꞌniuú yojoo̱ ni xi ndajín sa̱ꞌiín, kó ja̱koxi̱ nga tsꞌén kuí nii̱ tsi̱ꞌe̱ nga sa̱ko̱ó ngo chjí xí fotson, ta̱nga ñá ndyi̱niꞌán ngo kjo̱a̱ꞌniú tsi̱ꞌe̱ nga sa̱kóná ngo chjí xí kjo̱tsònjín.

2 Xota̱ Korinto̱ 5:2

Kuíni nga on kjimáná nga tindyión kꞌi̱e̱e̱, ngatꞌa̱ mejénná nga tsá ko̱e̱ꞌéná kui ndiꞌa xi tikón ndiꞌakꞌajmii̱, kui xi xikoó tsi ngo ńjño tja̱tsi̱e̱ xi xcha̱já.

Xota̱ Filipo̱ 3:11

bo̱a̱ tsꞌén mejénna nga sa̱kóna an kui kjo̱a̱foaꞌáꞌyaá ngi̱jii̱n xota̱ xi je jesoón.

Xota̱ Kolosa̱ 1:5

Jún, bo̱a̱ ndyi̱niꞌánjnú, ngatꞌa̱ ndeskande nga kandaꞌyájnú én xí ja̱koxi̱ xi yaꞌa éntjatsi̱e̱e̱ Néná, ndyi̱chiyájnúu̱ ni xi Néná tikóntjoó ndiꞌakꞌajmii̱ xi tsja̱ajnú.

1 Xota̱ Tesalónika̱ 1:10

kó ndyi̱chiyájnúu̱ nga ndiꞌakꞌajmii̱ kji̱ndi̱báni ndií Néná, kui xi Néná katsꞌénkjaꞌáꞌyaá ngi̱jii̱n xota̱ xi je jesoón, kui xi Kjisoo̱, kui xi kꞌo̱xiéꞌáná ni̱xtjin nga kjo̱a̱xcha̱án Néná kji̱ndi̱bánié kui nga̱sondiee̱.

1 Xota̱ Tesalónika̱ 5:4

Ta̱nga jún já ntsꞌie, ngata̱ nínga jñójín mindyiónjnú, ki̱a̱ ka̱maa̱, kjiꞌanga kjo̱chó ni̱xtjin nga kjo̱e̱ꞌe Ndi̱a̱ná, ta̱niján ma kji̱ndi̱bá, kó kjo̱e̱ꞌe xikoó tsi ngo chejé.

2 Xota̱ Tesalónika̱ 2:8

Sꞌe̱ kjiꞌa ꞌne̱ nga kjo̱tjokjá kuí xota̱ nga̱sondie xi tsi̱ꞌe̱ jeé, kó Ndi̱a̱ná Kjisoo̱ ta̱ tjo̱o̱ tsꞌoa tsí xi sa̱ꞌínkjién nga sa̱ꞌiín, kó ndiꞌí ꞌna̱a̱ nga kjo̱e̱ꞌe, sa̱ꞌínkjié.

1 Timoo̱ 6:19

Bo̱a̱ tsꞌén nga kꞌuieé ngo kjo̱a̱cho̱n xi ko̱síko̱jo ni̱xtjin xi sꞌe̱ ndibaá, kó kꞌuieé ngo kjo̱a̱mindyion xi ja̱koxi̱i̱.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

2 Timoo̱ 1:18

Ndi̱a̱ná nga tsjaá kjo̱a̱ni̱ma̱takoón ni̱xtjin nga skotsíjee̱n mí ni xi katsꞌén nga ngo nga ngo xotaa̱. Kó ji jè yé cha̱n cha̱n ji kókjiꞌi asíko̱joná Onesíforoo̱ ki̱a̱ na̱xi̱ńdáꞌniú Éfeso̱.

2 Timoo̱ 2:5

Kó ti̱ bo̱a̱ ti̱ tsꞌén, ngo nda̱ xi tsꞌéntsaton, ka̱májín sa̱ko̱ó ngo ni xi niꞌán tsi tjónjín sa̱ꞌíntsobe xikó kjiꞌi kjo̱a̱kitii̱ kui kjo̱a̱ńtoo̱n.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

Xota̱ Ebreo̱ 12:11

Ja̱koxi̱ boá nga nde ngojín kjo̱a̱chji̱ni̱e̱ xi boeꞌéná xi tsja máná, ta̱sá on tsꞌénná, ta̱nga tsi ko̱nda̱ꞌyáꞌén nga si̱ꞌankjatjosón, jaskan kji̱ndi̱bájo̱ná kjo̱a̱kixi̱ ko̱jo kjo̱a̱xió.

Xota̱ Ebreo̱ 9:28

Kuíni nga ti̱ bo̱a̱ ti̱ tsꞌén Kristoo̱ ta̱ ngo tsí ndi̱yà katsjá yojoo̱ nga kiniꞌánkꞌién tsi̱ꞌe̱ nga kijíjo̱ jeé xotaa̱. Jaskan kji̱ndi̱bá nginí ingo ndi̱yà, ta̱nga jè ngiti̱ kjo̱a̱a̱ jeéjín nga kjo̱e̱ꞌe, kji̱ndi̱bá tsi̱ꞌe̱ nga kꞌo̱xiéꞌá xota̱ xi ndyi̱koyaa̱ kui.

Xo̱jo̱o̱n Sandiyaá 1:12

Achichíra̱tsjaa̱ ngo nda̱ xi xchíkjo̱a̱a̱ kjo̱a̱chjatꞌayákón xi tsꞌénfoaꞌajin, ngatꞌa̱ ngije nda jatjo nga kachjatꞌayákón, sa̱ko̱ó kjo̱a̱mindyion ngatsjéni̱xtjii̱n, kuí boá chjí xí katsóyàtjón Néná nga tsja̱á xota̱ xi tsꞌéntjó Néná.

1 Xo̱jo̱o̱n Peé 1:4

Néná boá xi sa̱ꞌín nga sa̱kóná kui ni xi je tikónndaa̱ ki̱a̱ ndiꞌakꞌajmii̱ nga tsja̱aná, kui ni xi ngiti̱ ka̱májiín kjo̱tsòn, ti̱nde jmíjiín ni xi ndándí, ti̱nde ka̱májiín xi̱ꞌniú.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.

Ni xi akakoo̱ 19:11

Kó kamábe an nga tji̱e̱nti̱xa̱ ndiꞌakꞌajmii̱, kó ngo ndi̱je̱ tiboa tikón ki̱a̱a̱, kó kui nda̱ xi tikónsoón kuí xí ꞌmí xi ꞌNiátakón ko̱jo xi Ja̱koxi̱i̱, ngatꞌa̱ nga kixi̱ atíxoma nga askjantjé.

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 22:20

Kui xi tsꞌéntsáyà kui nii̱, bi̱ tsó: –Jo̱o̱n, jè tsá ndibá án. Bo̱a̱ kjiꞌi. ¡Ja̱bíꞌi̱n, Ndi̱a̱ Kjisoo̱!

Ni xi akakoo̱ 4:10

nga kan nijón xota̱ xi xchaá bosiéntꞌaa̱tikoó kje̱n nínga tikón xi botixómaá, kó tsꞌéndíkón xí tikón ngatsjéni̱xtjii̱n, kó kje̱n nínga tikón xi botixómaá botitsójó koronaa̱ nga bi̱ tsó:

Ni xi akakoo̱ 4:4

Kó nga ngo foaꞌatjiyajoo̱n kui xi botixómaá kamábe an ngi kan nijón ngi̱ndie nínga botíxoma, nínga síndosón kan nijón xota̱ xi xchá, xi ndyi̱yajá ńjño tiboa, kó ngo korona̱ to̱nsinié síndoꞌá to̱ko̱,