2 Timoo̱ 4:2 - Xo̱jo̱n eén Néná

² nga tꞌíni̱jmìi̱ xotaa̱ kui eén, bo̱a̱ ti̱ꞌin ji nga ka̱ma, ko̱jo nga ka̱májín, ti̱ꞌinꞌindakon ji tsi̱ꞌe̱ nga sku̱i̱e̱ tsi ndajínkjiꞌi ni xi katsꞌén, ti̱ꞌinchji̱ni̱ ji ko̱jo te̱ꞌéngaꞌníi̱, kó takoyèe̱ nga bi̱ tsiee̱ ka̱ma takín.

2 Timoo̱ 4:2 ပူးပေါင်းရင်းမြစ်များ

Xo̱jo̱n Salmoo̱ 40:9

Jè kixiya an én tja̱tsi̱e̱ xi chji̱a̱ kjo̱a̱a̱ kjo̱a̱kixi̱i̱, ngindyi̱ko̱n xota̱ kjiín. Jè ye ji Ne, nga yikjojín an ndso̱ꞌba án.

Jonaa̱ 3:2

«¡Ti̱sítji̱n, kó tꞌen ji na̱xi̱ńdáꞌniú Nínibee̱! Tꞌíyée̱ xota̱ xi síndo ki̱a̱a̱ kui én xí xiyaá nga ko̱ndókjo̱e̱».

Rkaa̱ 7:23

Kó achichíra̱tsjaa̱ kui xi ta̱ngatꞌajiín án nga sti̱ngíni.

Rkaa̱ 7:4

Kó kui xota̱ xi xchaá jachókoón Kjisoo̱, kó ꞌniú tsíꞌaá, nga bi̱ katsoó: –Nda ini̱ma̱a̱ kui nda̱a̱, tsoboárií nga ko̱si̱ke̱je ji,

Rkaa̱ 9:60

Kó Kjisoo̱, bi̱ katsoó: –Te̱ꞌéndièe̱ nga xota̱ xi xikoó tsi je jesoón nga kui ko̱ónijín xotaa̱ xi je jesoón, kó ji tꞌenkꞌíni̱jmì ta̱jñàní kjo̱a̱a̱ nínga botixómá Néná.

Ni xi kamá 13:5

Nga jachó na̱xi̱ńdáꞌniú Salamina̱ xi tikóntꞌa ndáchíkoón, kó ki̱a̱ ítsꞌi̱yanii̱ nga íni̱jmì eén Néná ngi̱ya ndiꞌa nínga chji̱a̱ eén Néná xota̱ jundíoo̱. Kó ki̱a̱ kisꞌijñajo̱ Juaa̱ tsi̱ꞌe̱ nga asíko̱jo.

Ni xi kamá 16:13

Kó ngo ni̱xtjin ndikón jataxiejne̱ na̱xi̱ńdaá, nga tsangínjne̱ tꞌa ndejeèꞌ, nínga kiniꞌánkjójne̱ nga ki̱a̱ tikón ngo ngi̱ndie nínga ndokjo̱a̱a̱ Néná, kó ki̱a̱ kixindyionjne̱, kó ki̱a̱ kandokjo̱a̱jojne̱ eén Néná ínchjín xí kamátikó kuí ngi̱ndiee̱.

Ni xi kamá 20:7

Kó nga ni̱xtjin tjoón xomanaa̱ kamátikójne̱ nga akakjangajne̱ paa̱n, kó Pabloo̱ tsíchji̱a̱jo xota̱ xi sꞌijii̱n Kjisoo̱, ta̱nga kjo̱a̱a̱ nga kamángindyiojón ko̱e̱je̱, kuíni nga ngaskande masien ni̱xtji̱e̱n jachoó nga tsíchji̱a̱jo já ntsꞌiee̱.

Ni xi kamá 28:16

Kó nga jáchójne̱ na̱xi̱ńdá Roma̱, jájuún katsjandiè nga xín kisꞌijña Pabloo̱, ta̱nga ta̱ ngo nda̱jun xi askondá.

Xota̱ Roma̱ 10:15

Kó kótsꞌèn kꞌuiníjmì eén Néná tsi jmíjín xi sa̱ngíyá. Bi̱ tsꞌén kjitꞌa xo̱jo̱n eén Néná: “Achichí tsjatsꞌèn fochokónná ngo xota̱ xi tsáyà éntjatsi̱e̱e̱ Néná.”

Xota̱ Roma̱ 12:12

Tsja ngatamajnú nga ndyi̱chiyájnú, ti̱ꞌanchíkjo̱a̱jnú ngayeje kjo̱a̱ni̱ma̱, kó ngatsjéni̱xtjin ndókjo̱a̱jnúu̱ Néná.

Xota̱ Ngalasia̱ 6:6

Xota̱ xi tjibókoyaá éntjatsi̱e̱e̱ Néná, chjiéngá tsja̱á mostroo̱ chiboa ngayeje kjo̱a̱nda xi sa̱ko̱ó.

Xota̱ Kolosa̱ 1:25

Bo̱a̱ tsꞌén katsꞌenxá án ngi̱jii̱n xota̱ na̱ngo̱xi̱i̱, xikótsꞌèn índa Néná nga katsjána xá nganda tsa̱jún, tsi̱ꞌe̱ nga kꞌuini̱jmì yeje an eén Néná.

Xota̱ Kolosa̱ 4:3

Ndókjo̱a̱tjéjnú ji̱n, tsi̱ꞌe̱ nga Ndi̱a̱ná tsja̱ndièjne̱ nga kꞌuiyájne̱ eén, kó kꞌuiníjmi̱jne̱ ni xi kisꞌijña ꞌma ngasꞌe̱, kó je tjibóko ngotꞌe̱ ngatꞌaa̱ Kristoo̱, ngatꞌa̱ ta̱ngatꞌanii̱ kui nii̱ nga ndo̱bo̱a̱yà tikòn an.

1 Xota̱ Tesalónika̱ 1:6

Kó jún kachjaꞌángijnú ji̱n, kó ti̱ kachjaꞌángijnúu̱ Ndi̱a̱ná nga kixindyionjnú, ngatꞌa̱ ndatsi tsie kjo̱a̱ni̱ma̱ ikitjatiójnú nga kachjábéjnú eén Néná, ta̱nga A̱si̱énni̱xtjii̱n Néná katsjájnú kjo̱a̱tsja.

1 Xota̱ Tesalónika̱ 5:14

Jún ntsꞌie, ti̱ bo̱a̱ ti̱ tsꞌén ꞌniú chjiáꞌájne̱ jún, tsi̱ꞌe̱ nga ꞌniú ko̱ndókjo̱a̱jojnú kui xota̱ xi tsiꞌeé, ko̱jo nga ko̱e̱ꞌéngaꞌniújnúu̱ kui xota̱ xi je katsꞌénkjié kjo̱a̱a̱, ko̱jo nga ko̱si̱ko̱jójnú xi ꞌniújín sꞌijii̱n, ko̱jo nga tsiekon ka̱majnú kjo̱a̱a̱ ngayeje xotaa̱.

1 Xota̱ Tesalónika̱ 5:20

Ngata̱ tonjín májnú én xí chji̱a̱ xota̱ xi Néná tsjaá ni xi ku̱i̱chji̱a̱.

1 Timoo̱ 4:13

Ti̱ꞌinyée̱ xo̱jo̱n eén Néná xotaa̱, te̱ꞌéngaꞌníi̱ ko̱jo takoyèe̱, tji̱e̱nga kjóchó an.

1 Timoo̱ 5:20

Ta̱nga kui xota̱ xi ta̱kó ndyi̱tsꞌènjeé, ti̱ꞌinchji̱ni̱ ji ngindyi̱ko̱n ngayeje xota̱ na̱ngo̱xi̱i̱, tsi̱ꞌe̱ nga xota̱ xi ngasee̱ ka̱mandikoón.

2 Timoo̱ 2:21

Kuíni nga tsi tjín xí sa̱ꞌíntsjie yojoo̱ kjo̱a̱a̱ kui ni xi ndajiín, xikónií tsi ngo ni xi niꞌánkjién nga ma sꞌué ka̱ma. Kuí xí tsjie ka̱ma, kó Ndi̱a̱ná ka̱ma sa̱ꞌínkjién, kó kꞌuijñánda tsi̱ꞌe̱ nga sa̱ꞌin ngayeje ni xi ndaa̱.

2 Timoo̱ 2:25

Chjiéngá ni̱ma̱kjo̱a̱ ka̱ma ji nga si̱ꞌinchji̱ni̱ xota̱ xi kondra̱ síndoo̱ ni xi tibokoyé ji. Tsi̱ꞌe̱ nga tsi ta̱ꞌa nga Néná xí mejeén tsja̱á kjo̱a̱nda kui xota̱ kondraa̱, nga sa̱ꞌínkꞌoyà yojoo̱, tsi̱ꞌe̱ nga sku̱i̱e̱ ni xi ja̱koxi̱i̱,

2 Timoo̱ 3:10

Ta̱nga ji Timo̱, jè nda ye ji ni xi akoyá an, ko̱jo xikó tsꞌen an, ko̱jo mí ni xi mejénna sa̱ꞌin an, ko̱jo kjo̱a̱sꞌijinna, ko̱jo kjo̱a̱chiyákjo̱a̱na, ko̱jo kjo̱a̱tjóna, ko̱jo xikótsꞌèn tjítsꞌenchíkjo̱a̱ an ni xi tsꞌénfoaꞌatio an,

Titoo̱ 1:13

Ja̱koxi̱ kuí ni xi katsó kui ndaa̱, kuíni nga ꞌniú ndókjo̱e̱je ji, tsi̱ꞌe̱ nga kixi̱ kjo̱jo kjo̱a̱sꞌijii̱n Néná,

Titoo̱ 2:15

Kuí nii̱ xi chjiéngá ko̱ko̱yée̱. Te̱ꞌéngaꞌníi̱, kó ti̱ꞌinchji̱ni̱ ji xotaa̱, nga si̱ꞌinkjìn jí xá xí tjiín. Ngata̱ ngojín xota̱ xi ta̱ ton sku̱i̱e̱e̱.

Xota̱ Ebreo̱ 13:22

Jún ntsꞌie, tsiejín má ni xi katsꞌenꞌindójnúꞌun, kó ꞌniú míꞌájnúꞌun tsi̱ꞌe̱ nga nda si̱ꞌansenjnúu̱ kui nii̱.

Ni xi akakoo̱ 3:19

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.