2 Timoo̱ 4:18 - Xo̱jo̱n eén Néná

¹⁸ Kó Ndi̱a̱ná kꞌo̱xiéꞌána kjo̱a̱a̱ ngayeje ni xi ndajiín, kó kꞌo̱xiéꞌána tsi̱ꞌe̱ nga kui ko̱tíxomana ki̱a̱ ndiꞌakꞌajmii̱. Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

2 Timoo̱ 4:18 ပူးပေါင်းရင်းမြစ်များ

Jenesii̱s 48:16

Kuí boá xi katsangiya ndítsjiee̱, tsi̱ꞌe̱ nga xín katsꞌénkjaꞌána ngayeje ni xi ndajiín. Kui tsꞌénmíꞌáa̱ nga sa̱ꞌínchikonñé kui já xo̱ngo̱ò, kó nga ta̱ngatꞌanii̱ kui nga ngatjaꞌátsjien jaꞌénna, ko̱jo jaꞌeén na̱ꞌmindyiboana Abraa̱n, ko̱jo na̱ꞌmina Isaa̱. ¡Kjín ngatama ndí xí nga sꞌiee̱!»

Xo̱jo̱n Salmoo̱ 121:7

Néná boá xi skoón, kó kꞌo̱xiéꞌaá kjo̱a̱a̱ ngayeje ni xi ndajiín.

Xo̱jo̱n Salmoo̱ 37:28

Achichí tsjá maá Néná ni xi kixi̱i̱, kó jmíni̱xtjin nga ꞌbijñámasien xota̱ xi kui ꞌniátakón. ¡Ngatsjéni̱xtjin nga kui skoón! Ta̱nga xota̱ tji̱e̱e̱ xota̱ xi ndajiín, si̱ꞌankjie.

Xo̱jo̱n Salmoo̱ 73:24

Jí boá xi ko̱e̱ꞌéní kjo̱a̱botíxomàa̱, kó nga kjo̱chó ni̱xtjin jí boá xi chjábéní nínga tikón kjo̱a̱jèe̱.

Xo̱jo̱n Salmoo̱ 92:10

Ta̱nga jí boá xi tsie ngase ngaꞌniú ko̱e̱ꞌéní xikoó cho̱ búfaloo̱, kó ko̱na̱ngínjin ji isti̱ tja̱tsi̱e̱ tokó án,

Énkjínkón 14:32

Xota̱ xi ꞌniú ndajiín, ti̱kuíní ni xi ndajiín xi tsꞌénchájá, ta̱nga xota̱ xi kixi̱i̱, kjo̱a̱kixi̱i̱ xí koo̱n ngaskande nga ko̱yà.

Matioo̱ 13:43

Kósꞌe̱ ngayeje xota̱ xi kixi̱i̱ kꞌuieé ndiꞌí xikoó tsꞌueé ki̱a̱ nínga botixómá Na̱ꞌmii̱. Xi tjín tji̱bo̱a̱nijon nga ku̱i̱ntꞌiè, ngatasiénníjón kui eén.

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Rkaa̱ 11:4

Kó ti̱ꞌinjetakínjne̱ jéjne̱, ngatꞌa̱ ji̱n ti̱ niꞌánjetakónjne̱ ngayeje xota̱ xi tjitjieén tsa̱ji̱n. Kó ngata̱ boeꞌéndièjín ji nga chjátꞌayákónjne̱, kó xín ti̱ꞌinkjeꞌejne̱ ni xi ndajín.

Rkaa̱ 12:32

Ngata̱ ndakonjínmájnú, jún ndí cho̱tsa̱nga̱ xi tsa̱ꞌa̱n xi chiboa májnú, ngatꞌa̱ Na̱ꞌmijnú, ta̱ngatꞌaa̱ kjo̱a̱ndaa̱, je bo̱a̱ katsó nga tsja̱ajnú ngi̱ndie nínga botixómá.

Rkaa̱ 22:29

Kó kuíni nga an, tsjajnúꞌun nga ko̱ti̱xomájnú, xikótsꞌèn katsjána Na̱ꞌmina,

Juaa̱ 17:15

Jmí tsi ꞌniú tsꞌénmíꞌaá tsi̱ꞌe̱ nga chje̱ꞌéxín ji kui xotaa̱, kui nga̱sondiee̱, tsꞌénmíꞌáñaá tsi̱ꞌe̱ nga xín si̱ꞌinkjeꞌee̱ xindajín.

Xota̱ Roma̱ 11:36

Ngatꞌa̱ Néná boá xi katsꞌénda ngayeje nii̱, kó ngayeje nii̱ síndo ta̱ngatꞌanii̱ kui, kó kuí tsi̱ꞌe̱. Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xota̱ Roma̱ 16:27

Kó ta̱kuítsí Néná xí ngoo̱ xi tjiín kjo̱a̱kjínkoón, kui tsi̱ꞌe̱ ngatama ngayeje kjo̱a̱je ngatꞌaa̱ Jesukristoo̱, ngatsjéni̱xtjin. Bo̱a̱ kjiꞌi.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

1 Xota̱ Korinto̱ 10:13

Ni xi kjimataꞌinjnú nga tjíchjatꞌayákónjnú, jmí tsi tsꞌatio ngase kjo̱a̱a̱ ni xi kjimataꞌin xotaa̱. Ka̱ma ka̱maꞌniátakónjnú Néná, kó tsja̱ndièjín nga ꞌniú ngase chjátꞌayákónjnú kjo̱a̱a̱ ni xi kjo̱chíkjo̱a̱jnú. Ta̱sá kjiꞌanga chjátꞌayákónjnú, Néná ko̱kójnú kótsꞌèn kjo̱tjongijnú yojojnú tsi̱ꞌe̱ nga xchíkjo̱a̱jnú ni xi ka̱majnú.

1 Xota̱ Korinto̱ 15:50

Jún ntsꞌie, xiyàjnúꞌun nga kui yojo xi tikónná ngotꞌe̱ ka̱májín sꞌi̱jña nga ko̱tíxoma Néná, ti̱nde ni xi maa̱ fotsoo̱n, sakójiín ngi̱ndie ngi̱jii̱n ni xi fotsonjiín.

2 Xota̱ Korinto̱ 1:10

Néná xín katsꞌénkjaꞌajne̱ kjo̱a̱bo̱yaa̱, kó bee̱takónjne̱ nga xín sa̱ꞌínkjaꞌajne̱, kó nga ta̱kó bo̱a̱ sa̱ꞌín.

Xota̱ Ngalasia̱ 1:5

Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

1 Xota̱ Tesalónika̱ 5:23

Kó ti̱ kuii̱ Néná xí tsi̱ꞌe̱ kjo̱a̱xioó, ngatsꞌéntsjie ndo̱jò ndójo̱jnú ngindyi̱ko̱n kui, ngatsꞌéntsjie a̱si̱énni̱xtjinjnú, ko̱jo ini̱ma̱jnú, ko̱jo yojojnú, kó nga jmíjín xi chꞌo tsꞌén ku̱i̱chji̱a̱taꞌinjnú kjiꞌanga kjo̱e̱ꞌe nginí Ndi̱a̱ná Jesukristoo̱.

2 Xota̱ Tesalónika̱ 3:3

Ta̱nga Ndi̱a̱ná tsꞌénkjátjosón ni xi chji̱a̱, kó kuí xí sa̱ꞌín nga ꞌniú ku̱i̱ndyiajnú, kó xín sa̱ꞌínkjaꞌaboaꞌájnú xindajín.

1 Timoo̱ 1:17

Kó kui Néná xi nda̱ Re xi kꞌuijñá ngatsjéni̱xtjii̱n, kui xi ko̱yàjín, kui xi yàjín a̱sie̱én, kui xi ta̱ ngo tsí má, kui ngateꞌeé kjo̱a̱yandikón, ko̱jo kjo̱a̱je ngatsjéni̱xtjin. Bo̱a̱ kjiꞌi.

1 Timoo̱ 6:16

Ta̱ kuí tsi xi ꞌméjín, kó ki̱a̱ tikónjin ngo ndiꞌí ꞌna̱ nínga ngojín xota̱ xi ma fochó tiña, kui xi kji̱e̱ ngo xota̱ xi be, ti̱nde májín be, kui tsi̱ꞌe̱ ngatama ngayeje kjo̱a̱yandikón ko̱jo ngaꞌniú, ta̱ kjiꞌání. Bo̱a̱ kjiꞌi.

2 Timoo̱ 1:12

Kuíni nga tsie kjo̱a̱ni̱ma̱ xi tsꞌénfoaꞌatio an kjo̱a̱a̱ ngayeje kui nii̱, ta̱nga soboájín mana, ngatꞌa̱ jè be an ꞌyání xi je kisꞌijinna, kó be án nga ja̱koxi̱ nga kui tjiín ngaꞌniú, nga ta̱kó sꞌi̱ni̱jmì kui én xi katseꞌéna ngaskande ni̱xtjin nga Néná skotsíjee̱n mí ni xi katsꞌén nga ngo nga ngo xotaa̱.

2 Timoo̱ 4:1

Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 12:22

Ta̱nga jún ta̱sá ki̱a̱ tsangínchon tiñajnú nínga tikón tji̱ngi̱ Sioo̱n, kui xi na̱xi̱ńdaá Néná xí tikoón, kui xi na̱xi̱ńdáꞌniú Jerusale̱n xi tikón ndiꞌakꞌajmi jàn, nínga kamátikó kjín mi̱ ndítsjie xi ndyi̱tsꞌèn ndikón Néná.

Xota̱ Ebreo̱ 13:21

míꞌáa̱ kui Néná xi tsjáná kjo̱a̱xioó nga kui xi sa̱ꞌín nga xota̱ xi nda ka̱majnú, ko̱jo nga si̱ꞌánjnú ni xi mejeén kui nga ka̱ma, kó nga ngatꞌaa̱ Jesukristoo̱ nga ko̱síko̱jójnú nga ni xi tsja maa̱ ngindyi̱ko̱n kui xi si̱ꞌánjnú. ¡Ngatꞌieé kjo̱a̱je Jesukristoo̱ ngatsjéni̱xtjin! Bo̱a̱ kjiꞌi.

Xo̱jo̱o̱n Sandiyaá 2:5

Jún ndí ntsꞌie xi tjóna, ndaꞌyájnú kui nii̱: A mí tsi Néná je jaꞌájin xota̱ ni̱ma̱a̱ kui nga̱sondiee̱, tsi̱ꞌe̱ nga ka̱macho̱nni ngi̱jii̱n kjo̱a̱sꞌijii̱n Néná, kó nga Néná jè katsóyàtjón nga kuí boá xi ko̱tíxomaa̱, xota̱ xi tsꞌéntjó Néná.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Peé 5:11

Néná xí Na̱ꞌmii̱, kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.