2 Timoo̱ 4:1 - Xo̱jo̱n eén Néná

¹ Ngindyi̱ko̱n Néná, ko̱jo ngindyi̱ko̱n Ndi̱a̱ná Jesukristoo̱, kui xi ka̱tso̱yà tsi nda ko̱jo tsi ndajín katsꞌén xota̱ xi síndoo̱, ko̱jo xi je jesoón, ni̱xtjin nga ko̱kó yojoo̱, kjiꞌanga ko̱tíxoma, ꞌniú míꞌaá ji,

2 Timoo̱ 4:1 ပူးပေါင်းရင်းမြစ်များ

Xo̱jo̱n Salmoo̱ 50:6

Nkꞌajmii̱ ka̱tso̱yà kjo̱a̱kixi̱i̱ Néná, ngatꞌa̱ Néná boá xi Ne ndiꞌamasiee̱n.

Xo̱jo̱n Salmoo̱ 96:13

Nga sie ngindyi̱ko̱n Néná, ngatꞌa̱ jè ndibá, ngatꞌa̱ jè ndibákatíjeé xota̱a̱ kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó kjo̱a̱ꞌniátakoón sa̱ꞌínkjién nga ko̱tíjeé xota̱ na̱xi̱ńdaá.

Xo̱jo̱n Salmoo̱ 98:9

Ngatꞌa̱ Néná ndibákatíjeé kui tꞌanangii̱, kó kjo̱a̱kixi̱i̱ sa̱ꞌínkjién nga ko̱tíjeé xota̱ nga̱sondiee̱, kó ndse̱je̱n tsꞌén ko̱tíjeé ngayeje xota̱ na̱xi̱ńdaá.

Matioo̱ 16:27

Ngatꞌa̱ ndií nda̱ xi̱ꞌii̱n, kji̱ndi̱bá nga kji̱ndi̱bájo̱ kjo̱a̱jee̱ Na̱ꞌmii̱ ko̱jo ndítsjiee̱, kó kjiꞌá boá nga tsja̱á nga ngo nga ngo xotaa̱ ta̱ xikó kjiꞌi ni xi katsꞌén.

Rkaa̱ 19:12

Sꞌe̱ Kjisoo̱, bi̱ katsó: –Ngo ndií ngo nda̱ cho̱n kijí ngo na̱xi̱ńdá xí achichí kjin, tsi̱ꞌe̱ nga ki̱a̱ si̱ꞌan re nga ko̱tíxomaa̱ ngo ngi̱ndie, sꞌe̱ kjo̱e̱ꞌe̱ꞌóyá nginí.

Rkaa̱ 19:15

Kó ngije jeꞌe nginí kui nda̱a̱ ngije re kamá, katsangiyakjaꞌá kuí já moso̱ xi katsjaá to̱n, tsi̱ꞌe̱ nga sku̱i̱e̱ kótsꞌèn kiniꞌánxájo̱ to̱o̱n.

Rkaa̱ 23:42

Kó kui nda̱a̱, bi̱ katsoó Kjisoo̱: –Ngatjaꞌátsjiee̱n an nga kꞌuítsꞌi̱yeníi̱ nga ko̱ti̱xome ji.

Ni xi kamá 10:42

Kó kuí xí atíxomajne̱ tsi̱ꞌe̱ nga kꞌuiníjmi̱jne̱ xota̱ na̱xi̱ńdaá nga kuí Néná xi katsjaá xá Kjisoo̱ nga kui xi nendiꞌamasiee̱n xota̱ xi síndo, ko̱jo xi je jesón ka̱ma.

Ni xi kamá 17:31

ngatꞌa̱ nga Néná jè jaꞌájin ngo ni̱xtjin nga kixi̱ tsꞌén ko̱tíjeé xotaa̱ kui nga̱sondiee̱, kó jè jaꞌájin ngo nda̱ xi sa̱ꞌín kui nii̱, kó jè íjñá chi̱bo̱a̱ná ngayeje ñá, kjiꞌanga katsꞌénkjaꞌáꞌyaá ngi̱jii̱n xota̱ xi je jesoón.

Xota̱ Roma̱ 2:16

Bo̱a̱ ka̱ma ni̱xtjin nga Néná tsja̱axaá Jesukristoo̱ nga kui xi ka̱tso̱yà tsi nda ko̱jo tsi ndajínkjiꞌi ngayeje ni xi ꞌma xi síndoo̱ xotaa̱, xikó tsó éntjatsi̱e̱e̱ Néná xi tsꞌénꞌbini̱jmìjnúꞌun.

Xota̱ Kolosa̱ 3:4

Kó ni̱xtjin nga ko̱kó yojoo̱ Kristoo̱ kui xi kjo̱a̱mindyionjnú, kjiꞌá boá nga ko̱jo jún ka̱matsijenjnú nga xcha̱ kjo̱a̱jee̱ kui.

2 Xota̱ Tesalónika̱ 2:8

Sꞌe̱ kjiꞌa ꞌne̱ nga kjo̱tjokjá kuí xota̱ nga̱sondie xi tsi̱ꞌe̱ jeé, kó Ndi̱a̱ná Kjisoo̱ ta̱ tjo̱o̱ tsꞌoa tsí xi sa̱ꞌínkjién nga sa̱ꞌiín, kó ndiꞌí ꞌna̱a̱ nga kjo̱e̱ꞌe, sa̱ꞌínkjié.

1 Timoo̱ 5:21

Ngindyi̱ko̱n Néná ko̱jo ngindyi̱ko̱n Ndi̱a̱ná Jesukristoo̱ ko̱jo ndítsjie xi jaꞌájin, ꞌniú tsꞌénmíꞌaá tsi̱ꞌe̱ nga si̱ꞌinkjatjosén ji ni xi tꞌíxiaán, nga ta̱ són si̱ꞌinje̱ ji xotaa̱, kó nga jmíjín xi chje̱ꞌéjin ji.

2 Timoo̱ 1:10

Kó ngotꞌe̱ ꞌne̱, Néná akó kjo̱a̱ndaa̱ nga jeꞌe Kristo̱ Kjisoo̱, kui xi tsꞌaxiéꞌáná, kó kuí boá xi katsꞌénkjié ngaꞌniuú kjo̱a̱bo̱yaa̱, kó akó nga ka̱ma kꞌuiéná ngo kjo̱a̱mindyion nínga ngiti̱ ko̱yàján ñá, ta̱ngatꞌanii̱ ni xi tsó éntjatsi̱e̱e̱.

2 Timoo̱ 2:14

Ti̱ꞌinkjaꞌátsjìi̱n xota̱ na̱ngo̱xi̱i̱ ngindyi̱ko̱n Ndi̱a̱ná, kó bo̱a̱ tꞌíi̱n nga chjiénjín nga ta̱jmì énní xi ku̱i̱chji̱a̱ti, ngatꞌa̱ jmí ni chjíjiín nga bo̱a̱ niꞌaán, kó ta̱sá ndajíntsꞌeén, kó tsꞌénchájá xota̱ xi ntꞌieé kui kjo̱a̱ndokjo̱a̱tii̱.

2 Timoo̱ 4:18

Kó Ndi̱a̱ná kꞌo̱xiéꞌána kjo̱a̱a̱ ngayeje ni xi ndajiín, kó kꞌo̱xiéꞌána tsi̱ꞌe̱ nga kui ko̱tíxomana ki̱a̱ ndiꞌakꞌajmii̱. Kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

2 Timoo̱ 4:8

Ngotꞌe̱ ꞌne̱, jè sa̱kóna ngo ni xi niꞌán, xi sakoó xota̱ xi kixi̱ síndo ngindyi̱ko̱n Néná, kui xi tsja̱ana nga kjo̱chó ni̱xtjin kui Ndi̱a̱ná xí kixi̱ tsꞌén skotsíjee̱n mí ni xi katsꞌén xotaa̱, kó jmí tsi ta̱ án tsí xi tsja̱ana kui chjí xí niꞌaán, ti̱ tsja̱arií ngayeje xota̱ xi achichí kjo̱a̱tjó tjiín nga ndyi̱koyaa̱ nga tsjatsꞌèn kjo̱e̱ꞌe nginí Ndi̱a̱ná.

Titoo̱ 2:13

Xchiyàráa̱ kui kjo̱a̱chiyá xi tsjáná kjo̱a̱tsjaa̱: Nga ko̱kó yojoo̱ Jesukristoo̱ kui Néná xí tjiín kjo̱a̱jee̱, ko̱jo kui xi tsꞌaxiéꞌáná,

1 Xo̱jo̱o̱n Peé 1:7

tsi̱ꞌe̱ nga chjátꞌayákón kjo̱a̱sꞌijinjnú, ngatꞌa̱ kuí xí chjí ngasenii̱ ta̱bo̱a̱jiín to̱nsinieé, kui xi maa̱ fotsoo̱n kó ndiꞌí chitꞌani. Kó bo̱a̱ tsꞌén kui kjo̱a̱sꞌijii̱n xcha̱ nga kꞌuieé kjo̱a̱niꞌántsjà, ko̱jo kjo̱a̱je, ko̱jo kjo̱a̱yandikón kjiꞌanga ko̱kó yojoo̱ Jesukristoo̱.

1 Xo̱jo̱o̱n Peé 4:5

ta̱nga kui xotaa̱, chjiéngá ki̱a̱ kjo̱chó tsjaá xki̱ kui xi je tikónndaa̱ nga ka̱tso̱yà tsi nda ko̱jo tsi ndajín katsꞌén xota̱ xi síndo ko̱jo xi je jesoón.

1 Xo̱jo̱o̱n Peé 5:4

Kó bo̱a̱ tsꞌén kjiꞌanga kji̱ndi̱bá nda̱ xi ꞌniú nkꞌa xaá xi koo̱n cho̱tsa̱nga̱a̱, jún sa̱kójnú chjií kjo̱a̱je xi jmíni̱xtjin fotsoo̱n.

2 Xo̱jo̱o̱n Peé 1:11

Ngatꞌa̱ bo̱a̱ tsꞌén nga tsjatsꞌèn ko̱e̱ꞌéndièjnú nga ku̱i̱tjásꞌi̱e̱njnú ngi̱ndie nínga botixómá ngatsjéni̱xtjin Ndi̱a̱ná kui xi tsꞌaxiéꞌáná, kui xi Jesukristoo̱.

2 Xo̱jo̱o̱n Peé 1:17

Ngatꞌa̱ kjiꞌanga Jesukristoo̱ iskjíbé kjo̱a̱yandikón ko̱jo kjo̱a̱je xi katsjaá Néná xí Na̱ꞌmii̱, kanangiyaa̱ ngo nda̱ xi kandaꞌyá, xi tjiín kjo̱a̱je xi bi̱ katsó: “Kuí xi̱ꞌbi̱ xi ndí tjóna, ꞌniú tsjátjínna kjo̱a̱a̱ kui.”

1 Xo̱jo̱o̱n Juaa̱ 2:28

Kó ngotꞌe̱ ꞌne̱ ndí ndí tsa̱ꞌa̱n, tindyionjinjnúu̱ Jesukristoo̱, tsi̱ꞌe̱ nga kjiꞌanga ko̱kó yojoo̱, tji̱e̱nda̱jín ka̱máná nga kongínchóo̱n ngindyi̱ko̱n, kó kjinjín si̱ꞌáa̱n yojoná nga soboá ka̱máná nga kjo̱e̱ꞌe kuí.

Ni xi akakoo̱ 1:7

Jéꞌe̱n, kꞌi̱e̱ tsꞌéndibájin ngi̱jin ṉdi̱i̱, kó ngayeje ndyikon xi sku̱i̱e̱, ngaskande xota̱ xi katsꞌénꞌoón, ko̱jo ngayeje tji̱e̱e̱ xota̱ xi tjín kuí tꞌanangii̱, kó skja̱ndá ta̱ngatꞌanii̱ kui. Jo̱o̱n, bo̱a̱ kjiꞌi.