2 Timoo̱ 3:6 - Xo̱jo̱n eén Néná

⁶ Ngatꞌa̱ kuí boá kui xotaa̱ xi ꞌbosꞌien xki̱ ndiꞌa, kó ꞌbindísojo̱ ínchjín xi inda tjimá xi májiín ꞌbíꞌniuú yojoo̱ nga ndyi̱tsꞌèn jé, kui xi ndyi̱tsꞌènkjátjosón ta̱jmì niní xi mejeén ini̱ma̱a̱.

2 Timoo̱ 3:6 ပူးပေါင်းရင်းမြစ်များ

Xo̱jo̱n Salmoo̱ 38:4

Ngatꞌa̱ ni xi ꞌniú ndajín xi katsꞌen an je kamáꞌniúnié an, kó xikó maá tsi ngo chꞌià é kjimá xi ngiti̱ chikjo̱a̱jínna.

Matioo̱ 11:28

Ndibáchonjnúꞌun ngayejejnú jún xota̱ xi je jendajnú nga kiniꞌánxájnú, ko̱jo xi ni xi é kichꞌiájnú, kó án xí sa̱ꞌin an nga si̱ꞌankjaꞌyájnú.

Matioo̱ 23:13

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱ꞌbíchjajnúu̱ nga̱ntjo̱a̱a̱ nínga botíxomaa̱ Néná xota̱ xi ngasee̱, kó ngaskande jún bitjasꞌi̱e̱njínjnú, kó ti̱nde boeꞌéndièjínjnúu̱ nga kꞌo̱sꞌien xi je ndyi̱ꞌbosꞌiee̱n.

Matioo̱ 23:14

¡Ni̱ma̱ xò jún já chji̱ni̱e̱kjo̱a̱kiti ko̱jo já fariseo̱, jókje̱n! Ngatꞌa̱ jún ndyi̱niꞌánkjiéjnú ndiꞌaa̱ ínchjín kꞌán xi je kꞌien xi̱ꞌii̱n, kó ti̱xꞌi̱a̱n achichí ndojó ndyi̱niꞌánjnú énjnú nga ndyi̱ndokjo̱a̱jnúu̱ Néná. Ta̱ngatꞌanii̱ kui nii̱ nga tsie ngase ka̱majéjnú.

Matioo̱ 4:24

Kó ta̱jñàní nga kandaꞌyá ni xi katsꞌén Kjisoo̱, ngayeje ngi̱ndie xi chji̱a̱ni nangi Siria̱, kó tsangínjoo̱ ngayeje xota̱ xi tjiín ngo chiꞌin, ko̱jo ngayeje xi oo̱n, ko̱jo xi tjíjii̱n a̱siénni̱xtjin xi ndajín, ko̱jo xi tjiín kjo̱a̱ndasen, ko̱jo xi tjiín chiꞌin ꞌmeya, ko̱jo xi májín fí, kó Kjisoo̱ katsꞌéndaya kui xotaa̱.

Markoo̱ 4:19

ta̱nga ta̱soboá nda̱ kjimaa̱ ni xi tjiín kui nga̱sondiee̱, kó kjo̱a̱chꞌáṉchaa̱ kjo̱a̱cho̱o̱n ko̱jo kjo̱a̱ndikonkoón nii̱ ꞌbosꞌieén, kó tsꞌénxí eén Néná, kó kui nii̱ xi tsjandièjín nga boajaá to.

1 Xota̱ Korinto̱ 12:2

Jún jè yàjnú nga ngasꞌe̱, nga xota̱ xi sꞌijinjiín Néná kamájnú, xikoó tsi kachjafé kjo̱a̱ꞌniújnú nga ki̱a̱ tsangíntji̱ngijnúu̱ a̱sie̱én ngo ne xi tsꞌénda xotaa̱, xi ni̱ma̱ xi májiín chji̱a̱.

1 Timoo̱ 5:6

Ta̱nga kui xota̱chjo̱on kꞌán xi je kꞌien xi̱ꞌii̱n xi tsꞌenkꞌásꞌieén yojoo̱ kjo̱a̱tsjaa̱ nga̱sondiee̱, jè kꞌien tikón xi̱ꞌba̱.

1 Timoo̱ 6:9

Ngatꞌa̱ kui xota̱ xi mejeén nga ka̱ma cho̱o̱n, tsꞌenseén ni xi ꞌboṉcha̱jo, ngatꞌa̱ ta̱ chiboa ma mejénrií ni xi jmí ni chjíjiín ko̱jo ni xi ndajíntsꞌeén, kó kui nii̱ xi tsꞌenkjié ko̱jo xi tsꞌénchájá kui xotaa̱.

Titoo̱ 1:11

Kui xotaa̱ chjiéngá kjókjo tsꞌoa, ngatꞌa̱ ndyi̱bokoyá ni xi chjiénjín nga ko̱kóyá. Bo̱a̱ tsꞌén ꞌboṉcha̱jo kjín xota̱, ta̱ngatꞌanii̱ nga mejeén sa̱ꞌín to̱n.

Titoo̱ 3:3

Ngatꞌa̱ ngasꞌe̱ ti̱ bo̱a̱ ti̱ tsꞌén ñá, xota̱ chi̱ni kamá ko̱jo kandaꞌyáꞌénjín ñá, kisꞌiṉtso̱ma kichajá, kó mosoo̱ ngayeje to̱ko̱ya kjo̱a̱tsjaa̱ yojoná xi mejeén ini̱ma̱ná kamá, kó ngi̱jii̱n ni xi ndajiín, ko̱jo ngi̱jii̱n kjo̱a̱ꞌontakoón kixindyionjìn, kó ñá kiniꞌánchꞌó, kó ti̱ kiniꞌánchꞌóná ñá.

2 Xo̱jo̱o̱n Peé 2:18

Ngatꞌa̱ achichí nkꞌa chji̱a̱ ta̱nga én xi jmí ni chjíjiín boá xi chji̱a̱. ꞌBoṉcha̱jo xotaa̱ tsi̱ꞌe̱ nga sa̱ꞌín ni xi ndajíntsꞌeén ko̱jo ni xi ndajín xi mejeén yojoo̱, kó ꞌboṉcha̱jo xota̱ xi sꞌe̱ tsí ndyi̱tsꞌèn ngo kjo̱a̱ꞌniú nga ndyi̱mongaa̱ ni xi ndajín xi niꞌaán.

2 Xo̱jo̱o̱n Peé 3:17

Kuíni nga jún ndí ntsꞌie xi tjóna, nga je yàjnú jún kui nii̱, chónjnú yojojnú tsi̱ꞌe̱ nga ta̱kó ꞌniú kꞌuijñá kjo̱a̱a̱ nga sꞌijinjnú Néná, kó nga kꞌo̱ṉcha̱jojínjnú xota̱ xi ꞌniú ndajiín nga skjiénjnú.

Xo̱jo̱o̱n Jundaa̱ 1:16

Kuí jaá xi chji̱a̱taꞌin xotaa̱, kó jmíjín ni xi nda maá kui. Ni xi mejeén ini̱ma̱a̱ xí ndyi̱mongase. Je ꞌboxié yojoo̱ nga chji̱a̱. Nda tsꞌén chji̱a̱ kjo̱a̱a̱ xotaa̱, ta̱nga ta̱ tsi̱ꞌe̱ nga sa̱kórií ni xi mejeén kui.

Xo̱jo̱o̱n Jundaa̱ 1:18

nga bi̱ katsó: “Nga kju̱i̱e̱tꞌa ni̱xtjii̱n, kꞌuié xota̱ xi ko̱jno̱kie ni xi tsi̱ꞌe̱ Néná, kó ki̱a̱ kꞌuíndojin ni xi ndajín xi mejeén sa̱ꞌín.”

Xo̱jo̱o̱n Jundaa̱ 1:4

Bo̱a̱ tꞌíxián an, ngatꞌa̱ tjín káꞌá xota̱ xi ta̱ngatꞌanii̱ kjo̱a̱mañaa̱ nga ki̱a̱ tsꞌasꞌienjinjnú, kui xi ndeskande koó ngasꞌe̱ kiꞌmíyatjón nga ka̱majeé, xota̱ xi ꞌniú ndajín boá xi̱ꞌba̱, kui xi kjíbé kjo̱a̱ndaa̱ Néná, tsi̱ꞌe̱ nga ta̱ ni xi mejénrií kui sa̱ꞌín, kó tsꞌénkiejín yojoo̱ nga Jesukristoo̱ boá kui Ndi̱a̱ná xí ngototo xi tsꞌénbotixómáná.